[مهندس بريدة]

السلام عليكم ورحمة الله وبركاته ..

هذي قصة قصيرة جـداً و حدثت قبل اسبوعين تقريبـاً لـ أحد المعارف أو نقول صديق لـ احد الأقارب ..

القصة ./
كان اثنين من الشباب ( و اللي هم أصدقاء لـ صاحبنـا ) ما سكين خط القصيم - حايل المهم في أخر نقطه على ما أظن أو قبل أخر نقطه تفتيش ..
وصلوا النقطة و طلب منهم العسكري البطاقات و ...

العسكري ../ ممكن بطـاقاتكم و الرخصه و الإستماره .؟
أخـوياننا ../ سم و هذي البطاقات و الرخصه و الإستمارة ..
العسكري ../ أنتم مطاوعة و أدري إنكم قبل لا تصلون لمي كنتوا تقولون ..(( اللهم أكفناهم بما شئت )) و كنتوا تقولون (( اللهم أجعل من بينهم سدا ومن خلفهم سدا ..... )) لكن أنا و الله لـ أعطيك قسيمة , إنتم المطـاوعة عند كل نقطة تفتيش تقولون هذا الدعاء و يمشونكم لكن انا و الله ما أمشيكم :yuupy: ..
أخـوايننـا ../ طيب .. طيب .. ما عليه هد اللعب شوي و عطنا قسايم مثل ما تبي .. لكن لا تستهر بـ الأيات و الأحـاديث ..
العسكري ../ ما علي منكم و الله لـ أكتب قسيمة و يا مطاوعة مهب كل مرة تسلم الجرة ..!! :yuupy: و يقصد بـ ذلك (( الدعاء ))
العسكري ../ بـدأ يكتب القسيمة و ..... (أظن كانت سرعة )
أخـوياننا ../ مستغربين من التعامل .. و الا القسيمة ما همتهم .. يعني 100 مهب ضاارة :
العسكري ../ و هذي بطاقاتكم و هذي القسيمة .. و انا ما تمشي معي حركاتكم يالمطاوعة ..! :

المهم ../

مشووا أخـوياننا و معاهم القسيمة .. و بعد 5 كيلو من بعد ما تعدوا النقطة أخذ الراكب القسيمة يبي يقـرأ وش مكتوب ..؟
المفـاجـأة وش هي .:
العسكري لمـا كتب القسيمة .. من المفترض يقطع الورقة الصفراء فقط و يسلمها لـ المخالف و الورقة البيضاء تكون بـ نفس الدفتر علشان يسجلون عليها المخالفة ..!
لكن العسكري قطع الورقة البيضاء و الصفراء : و عطاهـا لـ اخويـانا : ..

فـ لذا ..: القسيمة ما راح تسجل لـ اخوياننا لإن ما فيه ورقة بيضاء و اللي هي تثبت القسيمة و فيها المعلومات , العسكري راح يسدد قيمة الورقة المفقودة .. حيث دفتر القسايم معدود الورقات و اذا نقصت ورقة يحال العسكري لـ التحقيق و قد يدفع رسوم تضيع ورقة ..!!

هذي القصة .. و الله كريم


.. بالنهاية نقول ../
رمضــان كريم .! :magkiss: