[أشعة في بلقع]

أنا لا زلت أبحث عن زوجة . . . .

أخبرني من أثق به فقال :

لقد أزعجتني العام المنصرم بكثرة الذهاب للسوق في رمضان ( يقصد زوجته )

لكن هذه السنة قلت خلينا كويسين و نحل المشكلة من بدري

شاورت بعض الرجال شرواكم حول الحل للمشكلة

فنصحوني بأن نشتري أغراض العيد في شعبان

وفعلا ذهبنا للسوق واشترينا وقلت الحمد لله سنرتاح هذا العام من السوق

لكن في أول يوم في رمضان قالت زوجتي بقي نعال للبنت و ما أدري إيش و طولت الكلام ...

قلت لنفسي خلينا نوديها هالحين قبل الزحمة . . . وديتها

وبعد أربعة أيام قالت لي : ترا ثوب البنت يبغى له تطويل شوي فلازم نشتري قماش و نخيطه على الثوب لأنه قصير ، يالله ودني للسوق . قلت بنفسي ثوب البنت قصير ما يصير . . .لأ . . . لازم نطوووله علشان حنا ما نصير قدوة لغيرنا بتقصير الثياب . و رحنا للسوق

بعد أيام قالت لي : الشيخ المنجد الله يجزاه خير أرسل رسالة يقول فيها إنه أحسن الوحده تقضي أشغالها قبل دخول العشر . فااااا وش رايك البلوزة حقت البنت ما تناسب للبنطلون وودي أشوف شيء يناسب و إن أختي نورة تقول إنها شافت بلوزه تهبببببل بستي ماكس . فاا وديت المره للسوق

دخلت العشر المباركة . . . أنا عندي طاري روحة للعمرة .
قالت شف قبل ما تروح للعمرة ، لازم نروح نودي القماش لشهيرة علشان يسوي له تكسير ثم نخيطه على التنورة . . . رحنا

بعد يومين ... زوجتي : ترا القماش قضى ... رح لشهيرة و دور خياط يصلحه ويطلع قبل العيد

و . . شف الله يعافيك تراي عندي قماش يصلح تنورة لبلوزة عندي ودي ألبسهن يوم العيد باليل . إذا جيت تروح للخياط خذه معك لا تنساه

أعوذ بالله . . . ليلة العيد عندي أربعة مشاوير اثنين منهن لخياطين والثالث لمحل نعال و الرابع لزكاة الفطر

بعد هذا كله . . . اكتشفت إن زوجتي لعبت علي

والله يا أنا كمخه

لكن هين الوعد السنة الجايه نبي نشري الأغراض بشهر رجب و نرجع و نبدل بشهر شعبان . انتهت القصة

في الختام . . . قال تعالى عن الشيطان ( إن كيد الشيطان كان ضعيفا )

وقال عن النساء ( إن كيدكن عظيم )