[مدحت شوقي بريده]

السلام عليكم ..

هلا والله بالجميع .. هلا بشباب بريدة ستي .. ذكوراُ وإناثا .. عيالاً وبناتا .. أحياءً وأموتا .. صخوراً ونباتا ..
واويل تسبدك على السجع بعد .. تكفون انفهقوا شوي خل ابمطخن .. والله اني جزت لي ..
( جزت لي ) وش رايكم عااااااااااااااااد ماتصلح اسم معجون اسنان .




هكذا هي الدنيا .. تارة تعلوا بك في العلاااااااالي .. وتارة تمسط بك على الأراضي ..
تفوح احياناً منها رائحة عطر زي التيليفون ..
( مدحت .. ترى اسمه عطر الزيزفون ) ايه صح .. تفوح منها رائحة الزيزفون ..

واخرى احياناً تزكم الأنوف .. من نـتـنـها ..
<<((== لااحد يجي يقراه هاللحين تـتـنـهـا .. همن يقعد يبلشنا فرقعين جدي .. يقول منهي بنت قريح هاللي تـتـن



<<((== اقول ياملغك بعد .. هاللحين وراك ماتدخل بالموضوع ..




ياشباب ترى ماعندي غير الهمق .. ماعندي الا تساؤلااااااااااات .. ابتسثحه عليكم ..
والصرااحة انه اسئلة تشلق الرآس ..


اسئلة لبعض هالشباااااااااااااب المعرسين .. اللي يحسبون العرس جيبي شاهي عطين موية ..
ماغير يتجطل بهالصالة . تقول عجوزن ام سبعين سنة ..






وسؤالنا في هذة الحلقة .. لفضيلة الدكتور :

[GLINT]مدحت شلقة تفاحة ..[/GLINT]


استشاري الغدة النخامية .. <<((== كفوك ياصعيدي قريح ..



س :
مارأيك ببعض الأزواج اللي تمرض زوجاتهم .. ولايأبهون بذلك .. ولا يهتمون .. بل احياناًً بها يسخرون ..



ج :

الصرااااااااااااحة إنك تشوف انواع العجاااااااااااااااااااااايب .. وردود الأفعال الغريبة والسقيمة بعد ..
وكأني بهم وقد صُمت آذانهم عن : ( وجعلنا بينهم مودة ورحمة )


اذا دخل الواحد وشاف زوجته المسكينة .. تتلوى من الوجع .. وياويلي تحترية يجي يودية للمستشفى ..
اول مايدخل ويشوفه مثولثة من الوجع على الأرض يقوله ..
الحمدلله وشبتس .. كل الناااااااااااااااس تمرض ماسووا مثلك .. قومي بس مابك الا العاااااااااااافية ..




لاياماااااااااال الدمل اللي ينبت بإبطك .. وراه ماتودية للمستشفى ..
لو هي واحد من اصدقاك اللي بالاستراحة كان قعدت تتشحذه ساااااااااااعة علشان تودية للمستشفى ..
وبنت النااااااااااس اللي عندك اماااااااااانة .. تقول له هالحتسي ..




والا اكلف ماعلى الواحد اذا مرضت زوجته .. قال قومي اجدعتس عند اهلتس الين تخفين ..
الله يجعلك لخف البعير اللي ياطاااااااااااك .. وراه ماتودية لدكتور يشوف وش به ..
او تبيه اذا هي صحيحة واذ هي معتلة تبي توديه لأهله .. كره ماأكرهك ..




ومن زين الطبااااااااااااايع وقلة المروة .. يجدعه عند اهله ويضف قشوه ويكشت ..
يقول فرصة مادام هي مريضة نروح نكشت ..



بدال ماياقف بجنبه .. ويحط ايده على هامته ويقوله .. بسم الله عليتس يالغاليه ياأم عيالي ..
ماترين باس وماتشوفين شر .. وأنا معتس بالحلوة والمرة .. بالصحة وبالمرض ..
أنا وأنتي كلنا جسد واحد .. اللي يصيبك يصيبن ..
قسم ان تقوم مثل الحصااااااااااان من هالحتسي يصير مابه الا العااااااااااااااافية ..


او انت تحسبه جماااااااااااااااد ماتحس .. ياولد الذين امنوا ..


عااااااااااااااد اللي يقهرك زود .. اذا هو مرض ..
تشوفوه تقول ( مرة .. مضنية ) ماغير يتبطح ويون ..

وهاللحين وراه ماتقول كل النااااااااااااااااااااااااس تمرض ..
او حلاااااااااااااال عليك المرض وحراااااااااااام عليه ..


لكن قسم لو تجين وحدة بالعيادة وتقول ان رجلي اذا مرضت مايودين للمستشفى ..
إني لادبغه الين يقول العيد الليلة ..


والسلام عليكم ورحمة الله وبركاااااااااااته ..

شكراً فضلية الدكتور : مدحت شلقة تفااااااااااحة ..


ياهلا وسهلا ..


سي يو ..