 |
|
|
|
|
05-02-2008, 12:45 PM
|
#1 |
|
عـضـو
تاريخ التسجيل: Sep 2003
المشاركات: 204
|
أنـــا ::: وصــديـــقتي ::: والمــــــــشـروع :::!!
صباحكم مليء ببشارات النجاح والميمات تلو الميمات ..  في ظل الأوضاع الاقتصادية الحالية المفجعة  وبسبب غلاء الأسعار وكلن بدا يدور له رزق وعيشة قررت أنــا وصديقتي إقامة مشروع .. يعود ريعه لنا .. واختلفنا من قبل أن نبدأ به .. مــــــاهو المشروع ؟!! هي تبي : مشغل وكوافيرة أو مطعم أو محل ملابس نسائية أو ملابس حوامل " ماشي سوق الحوامل هالأيام مدري ليش ؟!"  وبتسمي المشروع على اسمها !!  طبعا الشريكة " أنـــا " رفضت رفضا باتا  أنا ودي بمكتبة أو تسجيلات <<.. خبركم أحب الثقافة والعلم ..  أو سوق غنم << استغلال لنفور الناس من الطيور بسبب الانفلونزا ..  ودي بشي به غذاء للعقل << تسمع به بس ماتدري وشو !! وهي ماله بالثقافة والعلم تبي الكشخات والموضات والمكاييج وهالخرابيط ! وأمي الله يسلمه ماقصرت يوم شاورته تقول : ابدوه بالعطلة وحطوه كوافيره ومشغل >> موسم زواجات وقبل تبدأ الدراسة بأسبوعين اقلبوه لمكتبة !! وقبل العيد بشوي اقلبوه لمحل ملابس وزاوية منه لــ حلاو العييييد وإذا قرب عيد الأضحى اقلبوا زاوية الحلاو مسلخ .. وإذا جاء الشتاء دوروا لكم حطب وبيعوه بالمحل وبكذا تضمنون الربح طووووووووول السنة .. وأخواني ماقصروا كلن على همه سرا ،، السمينين يبون مطعم عشان ياكلون ببلاش والي يقول اشتري باص وانقلي مدرسات !!>> يبي يموتنا ذا !!  ووخيتي تقول افتحي محل لديكوار البيوت !! ومحل لبيع الورود !! >> ياعيني عالرومنسية !! مع العلم أن راس المال 100 ألف جمعناها قرش قرش .. وممكن تزيد شوية آلاف نشري من الصين بالهلل ونبيع هوووووووون بالآلاف .. تراها حقيقة ,, الي تلقونهم كاتبين على الملابس انها ماركة ويبيعونه بالمئات والآلاف تراهم شارينها من الصين تقليد بالهلل .. وش رايكن ؟ وش نفتح مشروع ؟!! أبي مشروع فيه إبداااااااع ! مابي تقليدي ! والا ندخل بها أسهم ؟!! ترى السالفة جد .. أنتظر .. [ بادية أكتب بالأحمر .. تمهيد للتدريس الفصل الثاني ][ الله يعيييييييين ]
آخر من قام بالتعديل امتنان حمد; بتاريخ 05-02-2008 الساعة 12:48 PM. |
|
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي