 |
|
|
|
|
17-03-2008, 12:29 AM
|
#1 |
|
عـضـو
تاريخ التسجيل: Dec 2004
المشاركات: 5,253
|
المعتوهـ أبوســـــــــرّ ، ( وقفات مع طفولته + صورته واشياء أخرى )
 أبطب بالموضوع دغري .. التويجري ينقد ، مقبولة !  وحيد الخلان يصمم ، مقبولة !  ريكي يسوي نفسه رسمي ، مقبولة !  عبدالسلام يستهبل ، مقبولة !  الخفاش يدعي ، مقبولة !  بس ابوسر يتميلح عند البنـات هذي ، لا !  خلوني أحدثكم عن ابوسر ، هذا المخلوق الأعجوبة .. أبوسر ياسادة ( علي الطنطاوي ! ) رجالن حبيب وطيب ، عقدته بالحياة شئ اسمه اذاعة مدرسية .. نشأ وترعرع في كنف والده ، حيث انه منذ ولادته وهو يتيم الأم  .. نعم بالله آهات ياحبة فستق تكفى !!  يذكرون انه كان يحب البيرندا ، حتى انه كان يفطر فول سوداني مع صمولي وبيرندا !  حتى يقالي وأنا مدري ، يقال لي انه كان يسعبل وهو يسولف بكثرة ، حتى انه يقولون انه مرتن قاعدن يسولف على ربعه بحدى الطعوس ، يقولون يوم جو الأسبوع الي بعده لنفس المكان لقو شجرة سدر نابتتن بمحلهم ، اكتشوف انه من سعابيله .. والدليل وجود مادة لزجة على أوراق السدر بها نكهة بيرندا ..   حقيقة أنا ماتعرفت عليه الا منذو وشسمه ، ما ابطيت يعني .. بس أن أمه تسولف على أمي ( صورة واحد يتسذب ) ، تقول ان ولدي أول كان حلو ، هذي الام تقوله وانا مدري أطلع منه .. تقولي علمقال اولدي منول هو فاتن بنات الحارة  ، حتى اني أذكره ينصب سيكله عند باب البيت والبنت مغير يويدزن عليه !!أمي ببراءة قالت والله يـأم ديد أني ما أظنه تسذاتا !!  ( للمعلومية ، ترى جده الرابع أبوعيون ، وجده أبوخشم ، وابوه ابوديد ، وهو ابوسر ، الله يستر يابوسر ولكّ وش يبي يصير ابو !! معقولة يصير ابوركبة !! ==> برئ الولد )عاد أمه تقول انه إلقط بعين ياكافي ، وإلى يومتس وحالته مدوبرة !! ، واني اذ أورد هذه القصة .. ترغيبا لكم بالابتهال إلى الله بالدعاء لهذا المعتوه .. وحمده وشكره على نعمة الصحة .. وان اذا اوردها ، لأثبت لكم أن السواليف كشكولية علمقال مابه الي تقول أموره متوجهه ، مابه إلا مدحت ومنتالي تسني أشوف أموره مدوبره !!  غير جدير بالذكر أن أبوآدم هو أعته من أخيه !!  سلام عليكم ديار المعاتيه .. 
__________________
|
|
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي