[محمد الفوزان]

السلام عليكم ورحمة الله وبركاته
كيفكم شباب
بصراحه انا ما كنت افكر اكتب هذا الموضوع بس من القهر اللي فيني ومن قمة الاحراج اللي صار لي مع ضيفي قررت اني اكتب
بس بالبداية لا احد يرد علي الا برد جاد بعيد عن النقد ابي اقرأ ردود عقلانيه مفيده وابي حل
انتم عارفين ان الأسبوع الماضي كانت اجازة وسموها (اجازة الربيع) واهم ايام الاجازة الأربعاء ليلة الخميس
يعني المفروض انك تحصل جميع وسائل الترفيه والجدول يكون مزحوم
المهم بدون ما اطول عليكم
اتصل علي واحد من الشباب اول مره يزور بريدة هو وزوجته و بصراحه علاقتي فيه سطحيه (علاقة عمل) اتصلت على زوجتي وقلت لها تجهزي وجهزي القهوة والحلى بنطلع مع صاحبي للعييري بارك(طبعا بعد مشاورات وصلنا ان مافيه غير العييري بارك نقدر نروحله أو استراحة خاصة بس ماقدرنا نحصل حجز) تلاقيت انا والرجال وقلت له خلك وراي ترى مشوارنا شوي طويل وطلبت عشاء من فيشون وقلت له يوصله الساعة 11 للعيري اتجهت للعيري وزميلي (الضيف ) ينتظر المفاجأة وايش العييري بارك هذا وحاط في رأسه صورة عن المنتزة مادرى اني مثل مايقولون (ايش حدك على المر قال اللي أمر منه )
تعديت المفرق حق العييري بارك وانا كني كنت شاك انه هو المفرق بس كانت اللوحة مو مبينه والاضاءة مقفله عن الشارع اللي يدخل للعيري
؟؟؟؟؟؟؟؟؟!!!!!!!!!!!!!!!!!!!!!!!!!!!!
رجعت ودخلت مع المفرق وراي ثلاث سيارات(الدليله طبعأ) انا الجزوم حقهم (بوديهم العييري بارك!!)
و شوي شوي والطريق اللي الظاهر انه مزين (للبعارين ؟؟) بس الظاهر انهم ماعرفوا ان احنا في عام 2008م
المهم مو مشكلة كل شيء يهون عشان نحصل مكان !!! نقدر نودي ضيوفنا له!!!؟؟؟
وصلت للمكااااااااااان ويا للهوووووووووووول!!!!!!
(يا خزياااااااااااااااااااه)و(يا فشيلتااااااااااااه)ويا كل شيء ويا قمة الاحرااااااااااااااااااااااااااج
يا الله
نزلت من السيارة وزميلي(الضيف)نزل وقااااااااااااال (هيه ياالخو انت وش بتسوي فيني بتخطفني!!!)
انا ضااااااااااااااااااااااع وجهي
قال (والا بتعطيني مخدرات ) وش السالفة وش ذا المكاااااااااااان
انا نزلت رأسي قلت لا عادي حنا في السعوديه ؟! توقع كل شيء
طبعا اخواننا في العيري بارك مسكرين:083: يحسبونه السبت في اول يوم بالأختبارات (مضيعين) شكلهم ماعندهم جدول الاجازات واللي يقهر انهم ماحطوا اي لوحه في الموقع لا عذرا ولا نأسف ولا اي شيء !!!!! قمة التخلف السياحي؟؟؟
قلت العذر والسموحه بعد كل هالمعاناة انا آآسف بس بصراحة الموضوع مو بيدي والحمدلله اللي انقذ الموقف السيارات اللي ورانا واللي يوم طلعنا والناس يدخلون عرف انه مو بس حنا فهانت المصيبه
طبعا توقعوا الحين كم الساعه(9ونص)قلت تدري عاد لازم نررررررروح (تتوقعووون وين)
لا تزعلوووون انا مثلكم احب بريدة بس وش اسوووووووووي
اصيح !!!!!!!!!!!!!!!
رحت لعنيزة لدريم لاند
الشكوى لله
بس المشكلة العشاء وش يجيبه ومتى بيوصل
الحمد لله كلمت الاندونيسي وقال اعرف دريم لاند قلت له خلاص وصل العشاء وبعطيك بخشيش 10ريال
قال اوكي
وصلنااااااااااااا الحمد لله الساعة 10 (طبعا كنا نمشي 200)
يوم وصلنا وانا اناظر عيون الرجال وهو وراه خط بيمشي للرياض بعد هذي النزهه كنه يقول ياليتنا بلا هالنزهه عسى ما سياحه
الشيء اللي يضحك اننا وحنا داخلين لدريم لاند فيه ناس يطلعون وصاحبي يناظرني يقول ياخي ليش الناس يمشون بدري عندكم (ههههههههههه:D وانا اضحك من القهر)
آآآآآآآآآآآآآآآآآآآه
بصراحه شباب
تتوقعون رفيقي ذا يمكن يجي مره ثانيه لي
انا اتوقع لا
وشكله يقول لو تبي نلتقي الوعد ماليزياااااااااااا
الى كل متعصب لبريدة ويحبها زيي!!!! ايش المفروض يصير ومن المسؤل!!
انا من هذا كله
اقترح اقتراحين:
1:أمانة منطقة القصيم مسئول لوضع خطط تسهل على التجار المساعدة في دعم المشاريع السياحيه طبعا مع الهيئة السياحية
2: نشر ثقافة السياحة بين المواطنين الذين تسببوا بضعف ثقافته لما وصله له الحال في بريده
اقصد انهم تأقلموا على الاستراحات الخاصة والبر؟؟؟؟ دون اي تفكير لأي منتزه سياحي في بريدة ولسان حالهم يقول الوعد في الصيف انشاءالله نروووح جده والا ابها والا ماليزيا او اندونيسيا
وما عمره فكر الواحد انه يعيش في بريدة جو سياحي
اقصد ان اي واحد منا يتخيل انه تاجر ويسأل نفسه سؤال ليش افتح في بريدة منتزه سياحي والناس هنا مايدعمووون؟؟؟

شكرا للجميع وتقبلوا وافر تحياتي ولا احد يزعل لأنه هذا الواقع