[- ضرار -]

.
.
.
أذكر إني وبعض الشباب يوم كنا بثالث متوسط نروح لمكه مع
الحملة كان عددنا يتراوح من الأربعة إلى الثمانية
وكان يقودنا قريب لي عمره بالأربعين من ناحية تجهيز
البرنامج لأنه من يوم نطلع من بريدة إلى مكه وحنا نخرط باليكرفون
يعني حنا فرقة إنشادية وبنفس الوقت مشايخ وكمان قهوجيين ( بتاع كله )
لكن أذكر الشيبان في الحملة إذا نزلنا بالفندق بمكه بما أننا عزوبيه
كل شوي يجي واحد منهم معه قهوة وشاهي وقدوع وخيرات وفلت إحجاج
وما غير يدعون لنا وكل شوي تجي عجوز تطق باب الشقة وإذا فتحنا له
ما غير تدعي لنا يصراحة مثل هالمواقف تخلي الواحد يفرح فرحة غير
طبيعية لأنه يحس إنه قدم شيء لكن الموقف اللي أثر بي أكثر شيء أحد
الشيبان لما رجعنا لبريدة وشافنا وحنا ننزل الأغراض والله إنه بكى ومسكنا
وقال : انا كل أسبوع أسافر مع هالحملة لا تبطون عنّا .
بصراحة يوم قال هالكلام حسيت إني أوّل مرّه أنفع لكن أحمد الله إني دخّلت
السرور على قلبه وأنا ذكرت هالقصه أتمنى الشباب يحتسب الواحد ويروح
هو ومجموعة من الأخوة ويجهزون برنامج وما راح يخسرون الأجر . . .
.
.
.