 |
|
|
|
|
05-05-2008, 07:40 AM
|
#1 |
|
عـضـو
تاريخ التسجيل: Jul 2006
البلد: بريدة ،
المشاركات: 4,970
|
[ سواليفٌ مِن وَحيّ المَزرَعة ! ]
السلام عليكم ورحمة الله وبركاته .. حيّا الله عيال السواليف .. ياهلا والله ياهلا ..  [ سواليفٌ مِن وَحيّ المَزرَعة ! ] اللي يقرى العنوان يتوّهق به يحسبه صدّزي !  هناك ثمّة موقف من أيّام الطفولة والبراءة << امحق براءة  أردت أن أسرد منها ما أذكره ! يعني اللي فاضي ورايق يجلس وإلا يورينا عرض كتوفه .. ترى ماورانا إلا الدجّة  طبعاً سأتكلم بالعاميّة الريفية أقرب وأوكب للحدث :D  كنّا بالإجازات مالنا إلا المزرعة .. هي الملتقى !  عاد ذاك اليوم .. مجتمعين عيال عمي كلّهم بمزرعة جدي الله يرحمه عاد مسكت معهم سباحة  البرتسة صغيرة بالحيل .. مترين في متر ونص تقريباً ! ويالله البس سروال سباحة وطب ! طبعاً كنّا كثارين .. ومتعددي الأعمار .. وأنا يمكنّي أصغرهم ! << والله من يوم ويوم صرّفون يخافون أعلّم عليهم !ذيك الأيّام مالي أصدقاء [ عيال ] كبري .. والراس كبير مستحيل أروح مع الصغيّرين  الموهيم .. من صغر البرتسه يالله يالله تاخذ اثنين بس ! عاد كانوا كل شوي واحد يطب ويسوي حرّكة .. يايطب صاروخ وإلا على بطنه وإلا عقدة وإلا على احح .. كان عمق البرتسة متر وربع تقريباً .. وكان فيه فوق فتحة صغيرة تطلّع الماء على الساقي .. ! يعني يصفى من البرتسة متر بس ! جوك الذيابه وجابوا خياش وقشاويش وكوّروهن وسدّوا الفتحة بهن .. طبعاً مخلين الماء يشتغل ويصب على البرتسة ! وحنّا مبوبزين على جدار البرتسه وخذ تشجيع أيّهم أحسن واحد يطب ! كنت انا مع اللي مبوبزين على الجدار الجنوبي من البرتسة ومعي ثلاثة نفر !  وخذ تصفيق وتشجيع وهبال .. كان العامل باكستاني ماهنا أقشر منه .. ولا أدري وين طاسن لوه ذاك اليوم ! << نعمتن من الله انه ماهوب به ! :082: ولد عمي كان سمييييين .. ويقاله أنحف واحد بالعالم  طب المرّة الأولى على احح وخذ تصفيق .. طبعاً إذا طب مرّة كود نصبر شوي لين تعبّي الماء اللي انكب مع الجوانب ! وجاك المرة الثانية وطب على بطنه << من قوّة الضغط على البرتسة طاح الجدار الجنوبي اللي أنا فوقه ! كنّا مبوبزين وطحنا على مانحن عليه ! وكل الماء اللي بالبرتسة انكب علينا لاحول ولا قوّة إلا بالله عمومتي ماهنا أبرد منهم إلا واحد ! هم قعدوا يفكرون ويخططون وش يقولون للباكستاني وعمي ذا الحار .. وأنا طقطقت نعيلاتي ورحت لأصدقاي الثانين اللي مكبّر راسي عليهم صفت على كم لفعة على الطاير والبرتسة إلى الحين على هدّته !  للسواليف بقيّة !
__________________
 من التقاطاتي التي أفتخر بها لمدينة بريدة .. |
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي