[مدحت شوقي بريده]

السلاااااااااااام عليكم ..

ياحي الله شباب بريدة ستي ..
حياكم الله وبياااااااااكم ..
الصرااااحة اني ماأدري وش تبي ( بيااااااكم ) هذي ..
بس انا اقول شكله موقع ( بيع ) وراعية تكرونية وإسمه ..
( بيا..كم ) www.baiya.com


عاااااااااد ندخل بالموضوع دغري قبل لاانسى ..
وإن تساني مانيب واااهم .. إن دغري هذي عيارة ابراهيم ولد عمتي مزنة ..
<<((== برحوا لوه اولاه يبي يوقع ..



الحقيقة إنه قدر الله علي ووقفت قدام المراية .. وقعدت اناظرن ..
والصراااحة اني اعجبتن .. وانا قاعد اشوفن ..
وانا من حيني وأنا معجبن وأحبن وجايزن لي ..

عاااااااااد من زيني انا وراسي هالمربع ..
هاللي تقول كرتون شاهي ربيع .. والاكأنه راس هالهدر ..
اللي يجي ببرنامج ودمتم سالمين ..
سالم .... ين .. <<((== هذا حضرمي فاتحن بنك بالمانيا ..




المهم مالكم بالطويلة .. الصراااحة ان منقهر من بعض هالناس المغرورين ..
واللي شايفين انفسهم .. ولايحاكونك الا مع طرف خشومهم ..
وهذولا يالبي .. ودك تعلمهم وش كانوا قبل الميلااااااااااااااااد ..
علشان يعرفون وش اصل تكوينهم همن مايشوفون انفسهم على الناس ..


يعني اللي شايف نفسه مايدري وش كان ..
مايدري انه مخلوقن من طين ..
مايدري إنه :

*نطفة
*ثم علقة
*ثم المضغة
*ثم العظام
*كساء اللحم للعظام
*ثم يصبح خلقا آخر

( ثُمَّ خَلَقْنَا النُّطْفَةَ عَلَقَةً فَخَلَقْنَا الْعَلَقَةَ مُضْغَةً فَخَلَقْنَا الْمُضْغَةَ عِظَامًا فَكَسَوْنَا الْعِظَامَ لَحْمًا ثُمَّ أَنشَأْنَاهُ خَلْقًا آخَرَ فَتَبَارَكَ اللَّهُ أَحْسَنُ الْخَالِقِينَ * ثُمَّ إِنَّكُمْ بَعْدَ ذَلِكَ لَمَيِّتُونَ )


صيحوا صيحوا .. وراه ماتصيحون .. انا قاعدن انصحكم هاللحين ..
يالله ابي يسمع مناشقكم اللي بعرعر ..



وياللي شايفين انفسكم ومغرورين .. نااظروا وش كنتم ببطون امهاتكم ..


( 1 )






( 2 )






( 3 )




وياليت كل انسااااااااان .. يعرف وش كان .. علشان مايشوف روحه ..
وإنه خلق مثله مثل اي بشر .. ولا يتكبر على الناااااااااس ..
لإن المتكبرين يأتون يوم القيامة مثل الذر .. يطئهم الناااااااااس ..
من صغرهم وهوانهم عند الله ..




عااااااااااد انا الصراااحة ابذكر لكم حالتي قبل الميلاااااااااد ..
يعني يوم انا ببطن امي .. عاااد خبركم انا قديم بالدنيا ..
يوم ( الرحم ) طين الله المستعان ..
<<((== ولو ماودك يسولف هالدبشة همن تهج بوه ..


انا الصرااااااحة كنت اذكر يوم اني قاعدن ببطن امي ..
والحبل السري مربوط وموصل بيني وبينه ..
الصرااااحة اني احس اني سوداني زز ماغير اتبطح وآكل وأشرب ..


بس الله يهديه اذا أكلت كراااااااث .. والله يالدنيا عندي انه تغيم ..
وتغدي زيطة ..

بس اعلمكم بعد .. أحيان تقعد تاكل علك .. واصير انا مشتهي علك ..
همن اتعنقط بالحبل السري وأشفط شفطة قوية واسحب العلك ..
عاااد اسمعه تقول .. ( وه بس واتسبدية ) بلعت العلك ..
عسى مايسد على وليدي همن ينقطع انفسه ..


ماتدري ان ( هالوليدي ) هو اللي شافطن العلك ..


والصراااااحة ماكنت استانس الا اذا راااااحت لعرس ..
لإني كنت فاتحن فتحة مع السر اقعد اويق معه .. واتفرج على العرس ..

بس مره من المرات شافتن موضي العبدالرحمن .. والله لايسلط عليه .. قالت ..
( هو ) <<((== وهذي صيغة تعجب عن القصمان ..
وش هاللي يويق مع سرتس يامنيرة .. فرقعين جدي لاتصيرين حاملتن ببسة ..
عاااااد انا اخذت قطعة علك وسديت الفتحة ونمت .. كني ماسويت شي ..



وياسلااااااام اذا رااااااحت للدكتورة .. والله اني استانس عليه هاك المصرية ..
اذا دخلنا عنده وحطت السماعة .. اسكت ولا اتنفس .. همن تقول لأمي الواد ميت ..

وتقعد امي ياويلي تصيح .. واذا رجعنا للبيت قمت ارفس ..
وتستانس امي وتقول هالدكتورة ماعنده دبرة ..


ايه .. الصراحة انه ونااااااااااااسة هاك التسعة اشهر ..




عاااااااااد جادت قريحتي بكم ابيت عن هالمغرورين .. وابسدحهن لكم ..


اذا ازدراك وحقرك شخص مغرور .. لاتلتفت له وقف عنه وخله ..

خله بحاله وإن زعل منت مجبور .. تنزل بنفسك للردى والمذلة ..

يعيش راعي الكبر مبغض ومحقور .. وبالآخرة ربي يوريه ذلة ..

بالموقف المشهود مهانن ومدحور .. وكلن يجي ويفش فيه غله ..

وسلاام للي بحضرته يشرق النور .. طلق الحجاج ومجلسه ماتمله ..

متواضع ومايعرف الكذب والزور .. ولايعرف البايرة والمستزلة ..


والباقي مشفر .. اشتركوا بقناة مدحت للتراث واللقافة .. وتلقونه كاملة هناك ..


وسلااااااام ائليكم يالبي ..


سي يو ..