[مملكة المحترمين]

بسم الله
السلام عليكم ورحمه الله
اخواني الكرام انا شريت سيارة جديدة ولله الحمد
بس تحسسسسسسسفت اني شريته
لأن فيه بس بشارعنا مزعجنا ازعاج
مايبي يقعد الا فوق سيارتي يترك كل السيارات الي بالشارع ويجي لسيارتي
المشكله مو بجلوسه فوق السيارة المشكله لي اسبوع شاري السيارة وكل يوم يطلع به مخش
من اظافر الي منب قايل بس قرررررررريح
لا وزيادة على هذا كله لون السيارة اسود
وابو الشباب السيد بس كل ماجاء يطلع او ينزل فوق سيارتي لازم يتزحلق بظافره
وسيارتي صارت تقل صبورة من شخاميط البس ولد البس
واليوم طلعت من البيت ولقيته فوق السيارة وطردته ودخلت للبيت وجلست شوي ويوم طلعت لقيته راجع ومتكي ابو الشباب فوق لا ومعه شي يبلعه
الا وتطلع جنيتي ويطلع براسي قروووووون واجيب وانتم بكرامه الزبيرية واصكه صكه ماينساه طول عمره
والحقه على رجليني لين اخر الشارع الي بالحارة ( والله ياركضت ركض بحياتي كله ماركضت مثله )
بس الله فكه من يديني اني مامسكته ولا لو اني ماسكه اني لا اصكك براسه جدران بيوت الجيران واحد ورا الثاني
و رحت لواحد من الشباب وقلت له السالفه قال حط سم للبس وفك عمرك منه
وش رايكم احط له سم
ولا وش اسوي فيه
عطونا حلولكم تكفووووووووووووووون
قسم بالله بيجيب لي جلطه