 |
|
|
|
|
26-05-2008, 10:03 AM
|
#1 |
|
عـضـو
تاريخ التسجيل: Jul 2006
البلد: بريدة ،
المشاركات: 4,970
|
وهـ بس .. بغيت أصير مابه ، فكّن الله ! [ قصتي مع باب الاستديو بالصوت والصور ذذ ] !
السلام عليكم ورحمة الله وبركاته !
أهلاً وسهلا بالشنباي .. << جيدا لاتهرج رجاءً ، الشنباي بس  ياهلا والله ياهلا .. !  أقولكم ياعيال .. أمس .. كنت مواصل مانمت [ كالعادة ! ]  .. !وكان معي شيك لازم أصرفه الصبح قبل الظهر ! << طبعاً 300 ريال ، مايسوى العنوة بس أنا دجيج الموهيم ! قلت مانيب نيم لين أصرف الشيك .. طبعاً البنوك يفتحن الساعة 8 صباحاً ..  جلست على الماسنجر وسولفت شوي وماش جان النوم .. ! قلت مالي إلا أروح للاستديو لين تجي 8 ثم أمر البنك وأرجع أنام ! رحت للاستديو وكنت شاري كيلون للباب لأنه مافيه نفر إلا ومعه مفتاح له غيرت كيلون الشقة .. ثم رحت وجلست على الكمبيوتر وقعدت أخربط بالفروتي << لاتخلينا يا العبره ! لعله انفتحت القريحة ومسكت معي أنشد إيه و فتحت حبيب الألب السامبل وفتحت مشروع جديد .. وضغطت زر التسجيل ورحت لغرفة التسجيل .. دخلت الغرفة ، وصكيت الباب الأَول ، ثم الثاني ! بديت أسجل .. يوم انتصفت .. تذكرت انه أمس عندي واحد علة قادحة !  ومخلي باب الاستديو ما يفتح إلا من برا عشان إذا دخل وصك الباب مايطلع ! ياربيه وش أسوي ! دخلت يدي بمخباتي أبطلع الجوال ، لقيته ماهوب به .. بالغرفة اللي به الكمبيوتر ! عاد لو تصرخ من اليوم إلى بكره ما أحد يسمعك ، أنواع العوازل ! ظلمات بعظها فوق بعض ! ومن شين الحظ توي مغير الكيلون ! فكرت وقلت مالي إلا أكسر الباب ! الباب ولا حياتي ! لعلي علقت ثوبي وبديت أرجّف الباب !  تقريباً بالضربة السادسة فُرجت وانكسر الخشب اللي يُقفل به وانفتح الباب ! صور للباب بعد الكسر ! :   آثار الجريمة ! : طبعاً كان السامبل يسجّل .. ! لعلي قصصت المقطع ووخرت منه الأصوات اللي مش كويسة وقلت خل أحطه للتوثيق طبعاً جلست داخل أكثر من نصف ساعة ، بس بعد التصفية صار كذا [RAMS]http://www.buraydahcity.org/alfares/s1.MP3[/RAMS] http://www.buraydahcity.org/alfares/s1.MP3 خلوكم من النشاز .. أهم شي اللي بعدوه ! إيه والحمد لله فكّ الله عيني .. !
__________________
 من التقاطاتي التي أفتخر بها لمدينة بريدة .. آخر من قام بالتعديل الفـــارس; بتاريخ 26-05-2008 الساعة 10:25 AM. |
|
|
| الإشارات المرجعية |
|
|
النمط الأحادي