[عبد الله الحميدة]

من شعره في التضرع وهو مطلع قصيدة :
يا الله يا جابر عز كل مفجـــــــــوع تجبر عزا للي كل ما جاه راعه
ذالي ثلاث سنين ما شفت منفوع وما شفت من ربعي بتاعـــــــــــــه
أحدٍ من الذلة كنس خشّه الطوع وأحدٍ ذلف للشام يبغي بضاعه
وحنا بضاعتنا سيوف لها صوع نناحي بها العدوان في كل ساعه

وله :
يا لله ياللي عالمٍ بالخفّــــــــــــــــيــــات يا فارج الضيقات جزل العطّيـــه
راجيك يا سمّاك سبع السمــــوات عبدك شكالك رافعٍ لك يديّـــــــه
أظهرت يونس من بحورٍ عميقـــات نجا وهو في غبّة خرمسيّـــــــــــــه
وذا النون يوم انه دعى بالظليمات أدعيتها من عقب همّه فضيـــــه
تفرج لمن ضاقت عليه الوسيعات متوازيٍ به علّة ٍ باطنيـــــــــــــــــه
عزّاه يا كبدٍ على النار محمـــــات ومن الهضايم يابساتٍ شفيــــــــّه
كّني قريصٍ صابني سم حيّــــــات فكروا بي الاجناب والاهليـــــه
والله ما قوّم قران التحّيــــــــــــات الناس لا ناموا عيوني شقيــــــــه
من شن مشاكيني على كل حـــزّات متمكّنٍ وسط الضلوع الخفيــــــــه

وفي الرثاء المبطن بالحكمة :
امس الضحى قابلت علي بن شريان واوجست في نفسي صواب مـكينــا
قلت الخبر قال النقيصة كحيــــــــلان أبو حمـــد مروي شبات السنيـــــــــــنا
قيدوم ربعه يوم روغات الاذهــــان فــي ساعةٍ ولـــد الـــردي مـــا يبينــــا
دنياك ذي لا تامنه يابن عمـــــــران يا ما فجت ناسٍ وهـــم قـــاطنينـــــــــا
ونّيت ونّة من ضرب بامّ سيـــلان خلّي طريــــح ولا بته مــــدبرينــــــــــــــا
أوونة اللي غاله القيظ ضميــــان فــي ضحضحٍ خالـــي من القاطنينــــا
على رفيقي فايح الراس سكران وجدي على المسطور ذرب اليميــــنا

وفي الحكمة له :
يا شاري البندق ولو قلل السوم تنباع باروده ولو هي حسافــــــــه
أحب أنا الطيب ولو هو من القوم و الا الردي لو هو قريب نعافـــه
وغير ذلك .
ومن الممكن التفضل بزيارة منتديات آل أبو عليان على الرابط التالي :
http://www.albu-olayan.com/vb/index.php