[al7an Alsseba]

السلام عليكم ..


اليوم بمناسبة اني فعطلة ..

و بكرى بتطلع نتيجتي اللي بتكسّر لي رآسي ..



حآبة أروي لكم واحدة من أروع الذكريات لي ..


لما كنت تقريبا فالمتوسط ..

أي قبل 7 سنوااات ..

كنا رايحين لمكة .. / تحديدا ساكنين فالشامية << معروووف

ولما صار لا ايام ..

جت خالتي لمكه و جلسوا بشقة بعيدة عن الحرم ..

بالعزيزية أو هناك ..

المهم / قلنا لخالتي تعالي عندنا ميشان نروح ندور ع الاسواق و كذا ..

جت لمنا المغرب ..

لها بنت كبري << و هذي الزبـــــــدة

انا و ذا البنت كنا أخوااات .. من صغرنا و انا واياها قلبين في جسد !

و مرررة صرت مرتاااحة لما جت عندي ..



صلينا المغرب و العشاء بالحرم ..

و طبعا تعرفوا بنات المراااهقة بنات المتوسط .. ما صدقنا تخلص الصلوات نطلع ع السوووق ..


رحت أنا و أمي و هي لشركة مكة << أسواق الهيلتون


و صرنا ندووور فيها ..

و مسوين فيها اننا ياي ..

معنا جوال كاميرا مين قدنا ..

و دخلنا محل ابن داوود

و صرنا ندوّر فالبضايع حقاتهم ..

<< كنا بنشتري و احنا بس كذا بناخذ حاجتين و نطلع .!!!

لما رحنا قسم الاكسسوار << ذالحين الغوا ذالقسم

كان قسم كااامل فضة و كذا

و جينا ندووور فيه امي مخليتنا على راحتنا نطالع فيذا و فيذا ما تقول لنا عيب ..

طالعنا عقد لؤلؤ معلق .. نطالع فيه كويس اثاريه ب1700 ريااال

احنا << أووووووو

علطول جوال الكاميرا جاهز طلعناه و اكشن اكشن

نصور فيه

<< قسم كننا طرارات



والله ان ذيك اللحظات على بجاحتنا فيها الا انها لها طــــــعـــــــــــم !!

خاصة ان هذي بنت خالتي ذالحين فاااقدتها بعد ما تعلقققت فيها و خلاااص رآحت أيامي الحلوة معها .



دايمآ أقول يآرب بسرعة نروح للجنة ميشان أرجع للي فاقدتهم .. و نمسح كلمة الفرآآآق!


طلعنا من ذاك السوووق و صرنا كننا فموووج ..

نروح يمين ثم يسار و نطالع هذا ثم نشتري هذا ..

<< و تخيلوا اشكالنا بنات متوسط و رايحات لسوووق ..

طبعا نسرررع انا و اياها و امي لحالها خلفنا ..

و سوالف و كننا سكارى !

خلصنا من ذيك الجهه << باب الملك عبدالعزيز و حوالينه ..



رجعنا للشامية << و ما أدراك مالشامية

صرنا داخلين طالعين بذول المحلات ..

و مسخرة و ضحك ..

ايه // طالعي ذالشنطة مثل شنطة فلانة ذا اللي شايفة نفسها و اثاريها شاريته من هنا ..

و طالعي ذالجزمات كنها جزمات فلانة ..

و طالعي و طالعي << لو نمشي من عند لوحة كان حشينا فيها ..

<< الله يصلح الحآل !!!




يااااااااهـ // يا أيامي الحلوـوـوـوة ..




أخيرآ ..

رجعنا ع البيت أو بالأصح ع الشقة الجمييييلة ..


لما دخلنا البيت خالتي قالت بسرررعة ناموا..

ياااه ..

ما احنا فاضين للنوم بنسولف و نشوف مشترواتنا << اللي نصها حلق و اساور ..

خالتي قالت و الله لو ما تناموا بنرجع لشقتنا ..

احنا لالا خلاااص بننوم ..

رحنا رقدنا انا و اياها << بنت خالتي ..

و اسرتهم تعرفوا سرير شقق مكة كذا مصفوفة ع الجدار واحد وراه الثاني ..

خذيت سرير قريب له سرير لي واحد و لها واحد ..

يعني راسي ثم الحديدة حقت السرير ثم راسها ..

فاهمين ..

<< كننا افلام كرتووون !



و كل وحدة تلحفت بشرشفها ..


<<ذا الموقف بالضبط اللي كل ما تذكرته قسم تخنقني العبرة ..


و صرنا نمثل اننا نايمات ..

الييييييييييين نامت خالتي ..

لما نامت بسم الله كننا جن طلعت راسي و طلعت راسهآ

صار وجهي بوجهها ..

و فوق راسي صاقع بفوق راسها ..

ياااااهــ

و نطقها سوااالف ..

ثم اذا حسينا ان خالتي تحركت تغطينا و خاااخ خ ..

<< كننا نايمات ..

و اذا سكتت ..

طلعنا رؤوسنا و سوااالف ..

حتى يعني بسوالفنا حاسين فالجريمة ...

وحدة تسولف و وحدة تطالع خالتي لا تصحي ..


ـهههههـ
يا حلو ذاك الهبااال و ذيك اللحظات البريئة..


حنيت لأيامي ..

يا الله / ما ألذها من أيام ..

يارب ترجع لحظات زماني ..

و انام و اقوم بسلام ..




ان شاء الله حدوثتي عاجبتكم ..

و اذا تبون حدوثة جديدة قولوا ..

تحيتي : )