[أشعة في بلقع]

في العادة اطرح موضوع كل شهر تقريبا وهالمرة تأخرت شوي فأعتذر لجميع الإخوة والأخوات

طبعا سبب التأخير .... اني مشغول بالروحة للسوق بزوجتي لشراء مقاضي رمضان عشان ماتلعب علي زي العام ( اللي وده يعرف القصه اللي صارت العام يضغط هنا )


المزاج لك عليه شوي ،،،لذلك قد لا احسن تصفيف الموضوع زين زي العاده فاعتذر مقدما

عندي مواضيع واجد عن اخطاء الحريم (اعانكم الله ايها الرجال وكتب لكم الاجر والمثوبه)، لكن فيه حاجة استفزتن لذا اخترت هالموضوع وقدمته على غيره
دخلت مرة من المرات على موقع بنت بريدة طبعا بعد ما قلت اح ح ح ياولد ولقيت هاك الموضوع اللي شلق راسي .... ملخص الموضوع : وحده تقول للبنات :وش رايكن لو تصير البنت هي اللي تخطب الرجل وتدفع المهر وش تبي تسوون يا بنات ؟ وعاد وش توقع من امراه وصار بيدها السلطة .. وحده تقول: وش نبي بالوجيه الودرة ابروح واخطب من البنانيين الحمران ... وحده ثانيه تقول : ابعطيه مهر عشرين الف بس ولو يبي ريال زود مااعطيه ( يعني قيمة ددسن ثلاث وتسعين الرفرف مصدوم).. زين اللي قبلت به ... وثالثه : وع ع ع ياهارجال من يبيهم ويشتههيهم ... رابعة خامسه وخذ يا حش بنا




وين : اهم شي الاخلاق .... وين : بنت بلدك احسن من عشرين وحده من بلاد برا ... وين : بنت الديره تحافظ عليك وعيالك ... وين : بنت الديره تخاف الله ... وين : ما تلقى وحده تصبر عليك مثل بنت ديرك

والله طالت وشمخت ... والله وتطورت منفوحه (حاره قديمه بالرياض)
المهم هالموضوع صحيح ولايقبل النقاش والحمدلله اللي طلع اللي بقلوبهن وتبين زيف الشعارات اللي يقولنهن .




والحكيم والعاقل واللي رجل صحيح ... لازم يُعد العده من هالحين .. ويدور له بنيت حلال من الحمر اللي يفتحن النفس و يسعدن الزوج ... اقولها لكم من اعماق قلبي ..لاني جربت وشفت الحريم فعلا .. فلا يفوتنكم ... وخلوا عنكم هالشين و صغر عين


والله من وراء القصد والهادي الى سواء السبيل وعم بنفعها ارجاء البلاد وعلى المقيمين خارجها مراعاة فارق الملح والسناعه