 |
|
|
|
|
28-06-2008, 09:00 PM
|
#1 |
|
عـضـو
تاريخ التسجيل: Jun 2007
البلد: الرياض << بلد العجايب
المشاركات: 916
|
كان - رحمه الله - يكب عفش فصلهم << ( الجزء الأول )
 يالله لك الحمد والمنة خلصنا 12 عام من الكرف في المدارس النظامية ، حتى طلع الشيب بروسنا وبدينا ما نفرق بين قراءة حفص وقراءة ابن كثير ..  لا تشرهون ياجماعة ، والله يالقراءات مبهذلتن بي ..  ومن خلصت الإختبارات و أنا ناشبن لمدرسنا ابيه يعلمن أنا ناجحن بهالمادة وإلا ساقط ؟؟ وكل مادقيت صرّفن .. << بعذره والله يانت حقنهـ الله يجيب النتيجة بس .. ويتوب علينا ويغفر لنا الجرائم اللي أجرمناه طوال السنوات الماضية ..  والمضمون من عنوانه ... ( أبكب عفش فصلنا 3/أدبي )  وتكفون مابي تحقيق وإلا يجين واحد يستذْيب ويبين أعلمه وشي هالمدرسة ... <<<< أماه ؟ الصورة الأولى :  هذا حبيب القلب أبو خالد ،، ضاقت يقرى الرياضية إلا بالفصل .. لا و بحصة القرآن بعد .. الصورة الثانية :  هذا من باب ما جاء في الحش بالمعلمين ،، واستغلال مابين الحصص (بالشخاميط ) .. الصورة الثالثة :  هذي الجاليات اللي يتكون منها الفصل .. أقربها في الصورة من اليسار إلى اليمين : عفيف ، المندق ، حريملاء ، جيزان ، بريدة ، عنيزة .. ولا تهون باقي الجاليات .. وللمعلومية وبحكم الكثرة ، قيادة الفصل بيد القصمان .. الصورة الرابعة :  هنا تظهر بوضوح كتابتي بريدة وعنيزة .. لا أخفيكم عن وجود مناوشات شبه يومية .. والمشكله ان الي يشبّه بكيراوي .. لكن يبقى اننا احبّه وينطبق علينا قول المثل : (أنا واخوي على ولد عمي ، وانا وولد عمي عالغريب) الصورة الخامسة :  هذا اسمي وفوقه المرحلة الي تخرجت منه .. هنا >> ننهي الجزء الأول من كب العفش .. وهو الزبدة .. نتقبل آراؤكم وانتقاداتكم بصدر رحب ..
__________________
أسيرُ وقد قلّ الزاد .. ومؤنسي في وحدتي ربٌ مجيب .. ربّاهـ إني سائرٌ إليك فلا تردني خائبا .. |
|
|
| الإشارات المرجعية |
|
|
النمط الأحادي