[الطيــــر]

السلام عليكم ورحمة الله وبركاته ...

أحبتي أعضاء منتدى بريدة ستي ...

نسمع دايم يقولون ليه السعودي ما يتوظف في القطاع الخاص ؟ وليه وليه 0
بصراحه العيب مو في طالب الوظيفه العيب في الشركات والقطاعات الخاصه اللي ما توظف السعوديين وتسعى لتطفيشهم0
فالشاب السعودي ملّ من كثر التقديم على القطاعات الخاصه والشركات ولا يلقى له إذن صاغيه او حتى تعامل حضاري 0
والشي الغريب ان الشركات هذي تحط اعلانات في الجرايد وفي كل مكان عن توفر وظائف لمن يرغب فيها احيانا يكتبون الافضليه للسعودي واحيانا يكتبون للسعوديين فقط 0 لكن الحقيقه الغير قابله للشك ان الشركه او القطاع الخاص مبيّته النيّه من قبل انها ما راح توظف الا غير سعودي يعني ما راح توظف سعودي حتى لو كانت مهارته وخبرته تؤهله0 والاعلانات هذي مجرد دعايه كاذبه فقط لا غير
فيروح الشاب السعودي ويتعب ويقدم على الشركه هذي وهذي وهذي ويتحمل مصاريف النقل ويحمل آمال انه يتوظف 0 لكن دائما ودوما يصدم بالحقيقه المره انه ما يلقى له فرصه توظيف0 بل ما يلقى اسلوب تعامل لطيف 0
وما ابغى اتحدث عن الشروط التعجيزيه اللي بعض الشركات تضعها بالقصد لطالب الوظيفه السعودي علشان ما تنطبق عليه فيجدونها عذر انهم ما يوظفونه 0
خصوصا شروط الخبره ؟ فكيف بالله شاب متخرج مثلا ويبحث عن وظيفه من وين يجيب شهاده خبره عشر سنوات؟؟؟؟؟؟؟؟
والصــوره اللي تحت توضــح نية الشـركه في انها ما راح توظـف سـعوديين مع انها كاتبه للسعوديين فقط !!

في الاخير انا ما عمم على جميع الشركات لكن الغالبيه العظمى منها

وأرجوا منكم أن تبدوا رأيكم حيال هذه المشكلة الخطيرة !


أخوكم الطيــــر