 |
|
|
|
|
09-07-2008, 01:54 AM
|
#1 |
|
كاتبة متميّزة
تاريخ التسجيل: Dec 2007
البلد: بين النبلاء .
المشاركات: 8,290
|
مواقف ومـــذكـرات || } ~.. [نورة 11] .. [حنا لهـا وقــدها ] ..
بسم الله الرحــمن الرحيـم ,,
الســلام عليكــم ورحمــة الله وبركـــاته ,,  اليـوم المــوضــوع غيــر سـواليف وأحــداث ومـواقف من مــذكــراتي الخــاصه ,,  لعيــون بنــــــــــات بريـــده ستي الغــــاليات الجميع بلا إستثنــاء ,, والمــواقف والأحــداث تتـــنوع في حيــاة الإنســان ,, منها الحزين والمضحك والمؤثر ,, وغيرها الكثير تجــدونها في مــذكــرات نورة ,,  وترى مــاهنا كلافه بسواليف << يعني ابســولف بالعــاميه ,, جيبــي كراث وشــاهي ولا حلا وقهــوه وروووقي واقــري السواليف والمواقف ,, ولا اشـربي لتس كــوفي ,,  ولا عصيــــر به ثــلج وستــانسي وطربي عمرك,,  مــوقف مــؤثــر: , , ,  , , , بصــراحه هــذا الموقف ,, مستحيــل انســاه طيــلة حيــاتي ولا راح انســاه بإذن الله ,, كان في حارتنا ولد يعني شوي موب على بعــضه ,, عايش بين امه وابوه واخوانه طبيعي تزوجوا خواته واخوانه ,, تهاوش مره هو وابوه وصلت للسكاكين ,, امه ماقدرت تحمل الموقف وفقدت الوعي <<اغمى عليه ,, وداوه للمستشفى توفت على طول << الله يرحمه ,, وابوه تزوج وهو الله اعلم بحـاله ,, واذا شافوه بزارين الحاره يبدون بتطنز به وتعييره ,, باع ابوه البيت وعاش بصــندقه او ملحق بجنب البيت ,, يعــني تقــطع القلب حــالته ,, والحمد الله كــانوا اقــاربي مايقصـرون معــه ,, المهم قبل ثلاث شهور تقريبا ,, دخل اخوي وقال : نورة توفى اليوم ..فلان << الرجل المسيكين ,, انا وكل الي يقربون لي تأثـرنا قــــوووه ,, حتى وحده من بنات خالاتي تقول احس انه يبي يصير شايب << يعني ماتوقعت يموت ,, بنفس اليوم رحنا للخالتي بنفس الحاره ,, وكــانوا يسولفون عنه الله يرحمه وقــالوا كلمه مستحيل انسـاه ,, هي الي اثرت بي وهي قاله رجل خالتي وهو يعزينا,, [الأنســان لازم يحـرص على كل شئ يسويه لأنه مايدري متى يغــادر],,  اجمل واحـسن موقف بحيــاتي : , , ,  , , , مره رحــنا للمعمــل حق المدرسه ,, يعني مامعك الا المقلمه والدفتر والكتـــاب اما الشنطه بالفصل ,, وكان الوقت بعــز الشتــــاء والبــرد شــــديـــد مــره ,, وتعرفون لازم الزكمه والأنفلونزا والتعب ,, المهم والأســـتاذه تشرح وانا احتجت منديل خلاص ابيه ضروري ,, والأستــاذه كــانت شديــده مره يعني مستحيل تحركين وهي تشرح ,, دورت بمخباتي مالقيت ولا منديل ولتفت على الي بجنبي ومامعه ,, وعلى الي حولي مامعهن وهن يالله يردن خايفات من المعلمه ,, والمعـلمه تناضرن بحده يعني اسكتي ولا ...ايــه .. ,, انا خلاص انقهــرت مادري وش اسوي ,, علطول كان مكتوب بالسبورة ,, [بسم الله الرحمن الرحيــم ] ,, ناظرت اسم الي خلقن وتكفل بمعيشتي سبحانه ,, ودمعت عيوني لاشعوري وقلت بقلبي يارب ترزقن ,, منتك يارب ولامنة خلقك ,, ودخلت ايدي بمخباتي وكان مشقوق من داخل يعني مابان << فضيحه ,, واثر فيه منديل داخل مع الشق بوسط الجاكيت .. سبحـــــــــــــان الله شوفوا رحمة الله بعد هـذا الموقف ,, حسيت ان ربي معي ولا ضيعن يوم التجــأت له سبحــانه ,, يابنـــات .. لا.. يمــن عليكــم احد اي شئ ضيق صدرك اشكي لربك ,, تبيــن شئ اطلبي ربك لأنه مــافيه احد يرحمك مثــله سبحـــــــانه ,,  موقف يفطــس من الضحك : , , ,  , , , خالتي ياحبيله به براءه العالمين ,, تقول بنته : راحت امي لم السوق وشافت قميص جازله ,, وكان محطوط على الباترينه ,, ووالله وتجي تاخذ الباترينه وتنسفه بالعربيه ,, ودفته للمحاسب تقول بنت خالتي : التفت اخوي ووالله يشوف عصاقيل الباترينه بالعربيــه ,, <<<<<< هههههههههههههههههههههه انواع البراءه تحسبه مثل المعلاقه ,,  موقف من براءة الطفوله : , , ,  , , , كنا انا وبنات خالاتي بمزرعة خالي ,, وجت بنت خالتي نزل عليه الدين فجـاءه ,, وقالت بلهجة الطفوله الرائــعه : ترى يابنات الكبارين يصلون اكثر منا حنا فجينا اثاميينا قلنا : صدز احلفييي وشن علمينا ,, قالت : ان به صلاة القبر << قصده صلاة الميت وصلاة السينكو << عاد ذي خربطه من عنده ولا وش دخل السينكو,, وكملت وش رايكن نصليهن حتى ندخل الجنه ..؟؟ حنا استااااانسنا قلنا خلاص كم ؟؟ لايفوتكم بس وش قالت..!؟ قالت : كثار كل شوي تصلين ثنتين ,, وحنا بدينا نروكع مرة قدام السينكو ومرة بصاله ,, <<< ههههههه عاد اكتشفونا الحريم وماتوا من الضحك وعلمونا كل شئ ,, إلى هـــــنا اتوقف لـ أرى ردودكم ,, ومــن ثم اكــمل لكــم من مــذكـراتي ,,  اتـــــمنى انكــم استمتعـــتوا بالمواقف ,, وفي جعبتي الكثيــــر بس المـره الثانيه اشربي عصيـر فروله ,,  بقـــلمـ ,, نـــورهــ ,, , , ,  , , ,
__________________
آخر من قام بالتعديل تباشير المطر ~; بتاريخ 09-07-2008 الساعة 02:20 AM. |
|
|
| الإشارات المرجعية |
|
|
النمط الأحادي