[. الأمــــل .]

السلام عليكم

هذي قصة واحد مسكين دايم نسمعها وتردد للعظه فيه واحد ضعيف ماعنده فلوس دجه كان مع خوياه

يبون يكشتون للبر بعدين هالضعيف راح معهم للبر برد وجوع هو جوعان لقى خبزه قطع منها قطعه

صغيره واكله يوم دخلوا خوياه لقوا الخبزه مقطوع منها قطعه صغيره مره. قالوا من اكل من الخبزه ؟وانا

مادري هو اكل شوي او الفار اكل شوي المهم هو قال لهم : الفار .قالوا غريبه الفار ياكل الخبز؟ ما

صدقوه هاوشوه وخلوه ما يسوى .المهم دارت الدنيا وصار هالضعيف غني مره وهم على فقرهم

جاء وحط لهم عزيمه كبيره وذبيحه وقال : تفضلوا . يوم دخلوا للعشاء قال : اصبروا شوي

جاب فاس من حديد منكسر طرفه. قال يا عيال لو اقول لكم ان الفار اكل هالفاس بتصدقون ؟

قالوا :اكيد نصدق الفار ياكل كل شي .

قال : الحين تصدقونن يوم صرت غني يوم حنا كاشتين وانا اقول الفار اكل الخبز تقولون :لا الفار ما

ياكل الخبز. يالله قوموا وعشا ماني معشيكم وطردهم. الفقير يكذبونه والغني لو هو يكذب يصدقونه .

عساها تعجبكم . فيه حكمه تقول:

اذا جت لك الدنيا على غاية المطلوب ترفق ترا الدنيا لها اقبال واقفاي