[خوي السرور]

السلام عليكم ..

بدون مقدمات بدخل بالقصة مباشرة ..
انا اسمي مصيول ..
في يوم من الأيام ، كنت قاعد بغرفتي .. منجطل على بطني ، وقاعد أهوجس ..

متى يامصيول تعرس وتدخل قفص الزوجية وتترك عنبر العنوسة وتلحق قطار الزواج قبل مايفوتك :




استيقظت من أحلامي على صوت أمي وهي تنادي :

مصيييييول مصييييييييييول تعال وجع

ركضت إلى أمي ..

ـ سميّ يمه ؟!
ـ رح جب الصحون من جارتنا أم هدى .


رحت لبيت جارتنا أم هدى وطرقت الباب ..
وفتحت لي وحدهـ وقالت لي من ورا الباب بصوت كله نعومة :

ـ مصيول ابعد عن الباب بدفّ لك الاغراض .

ابعدت عن الباب وحاولت أني أقزّ ولكن هيهات .. ماكانت عندي الجرأة

شلت الصحون وطيران للبيت وأنا قاعد أفكّر بصاحبة هالصوت الناعم


بعد صلاة المغرب وحنا بجلستنا العائلية لشرب القهوة ..

أمي : مصيول ماتلاحظ أنك طولت ما أعرست ؟!
أنا : ألا
أمي : طيب وش فيك ماقد فكرت بالزواج ؟! محركاتك تعبانة ولا وش القصة ؟

سويت نفسي مستحي ونزلت راسي بعدين قمت وركضت لغرفتي ..

ومن بكرا وبجلستنا بعد المغرب قلت لأمي : خلاص يمّه قررت أتزوج ..
أمي : ق ق ق ق ق ق ل ل ل ل ل و و و و و ش ش ش ش >>> زغردهـ ..

بعد الزغرده سألتني : من هي سعيدة الحظ ؟!
أنا : هدى بنت جيراننا ..

أمي علطول نقزت وراحت للتلفون ودقت على أم هدى ..
وتم القرار بأن الزيارة بتكون لهم بكرى بعد العشاء ..

طبعاً ذيك الليلة تروشت لأول مرة منذ عامين ، وتسلفت من صديقي ريان عطره أبو عشرين ريال ..

ويوم جاء الوقت المحدد ، رحت مع الوالد والوالدة لهم ..

وبعد السلام على أبوها واستعراض سوابقي في الحارة تمت الموافقة المبدئية على الزواج

وحان وقت الرؤية الشرعية ..

دخلت هدى للمجلس .. كانت جميلة جداً وفاتنة وكان معها كتاب !
أنا استغربت من وجود الكتاب هذا
لكن بما أني وارث شوي ذكاء من جدي قلت يمكن عليها اختبار بكرا أو واجب ..



بعد شهرين كانت ليلة زواجي ..

دخلنا الغرفة بالفندق ودخلت أنا الحمام بعدّل التشخيصة ..

ويوم طلعت من الحمام وألقى مدامي هدى قاعدهـ تقرا

أنا : يا أخت هدى وش السالفة ؟!
هدى : أخوي مصيول انا أنسانة مثقفة وأحب أقرا قبل النوم وبعد كل وجبة وبعد الاستيقاظ بنصف ساعة وبعد الغداء ومنتصف العصر وقبل أذان العشاء بعشر دقائق ..

أنا :



***************

مر شهر من زواجي ولم أفلح في تغيير زوجتي ..

كانت فتاة تحب القراءة والإطلاع ..
تخيلوا إذا جينا ننام تشغل السهارية وتقعد تقرا ..
وأنا حالتي حالة

وإذا جلسنا نسولف .. تكلمني عن أشياء سياسية وثقافية طول عمري مافكرت ولا أطلعت عليها ..

المهم بعد ثلاث سنوات من زواجنا قررت أني اطلقها ..
كل المحاولات والطرق والاساليب والاستشارات جربتها ولا نفعت ..

لذلك في يوم من الأيام دخلت عليها وهي تقرأ في كتاب : الأزمات السياسية في العصر الآشولي ( ماقبل العصر الحجري ) !!

وقلت لها : أخت هدى ممكن كلمة .
هدى : دقيقة باقي 112 صفحة !
أنا : طيب


بعد أربع ساعات ألتفتت لي ..

هدى : سم وش بغيت ؟! لكن أرجو ماتطوّل لأن عندي كتاب ثاني لازم أقراهـ !!

أنا : أخت هدى أنا قررت أني أطلقك لأن العلاقة اللي بيننا لاتستحمل لذلك أنتي طالق طالق طالق ..

توقعت أنها تنصدم أو تبكي .. لكنها ببرود قامت لمكتبتها اللي بغرفتنا وأخذت كل كتبها وطلعت من البيت ..


رجعت لبيت أمي وأبوي ..

وقعدت سنة كاملة وأنا عندهم لازوجة ولا شي ..

قالت لي أمي في يوم من الأيام أن فيه وحده عندها بنت بعمري .. وتبغى رجال وأنت قدها وأنت مناسب لها ..


بعد الرؤية الشرعية والزواج ..

دخلت ليلة الدخلة عليها ..

وأول مادخلنا الغرفة حطيت بشتي على السرير وجلست عليه ..

وأسمع صوت مشاهق وصياح .. التفت وأثرها زوجتي ( عهود ) ..

وبعد نوبة من البكاء راحت للمطبخ وبدت تكسر بالصحون والأكواب

بعد ماهدت وتدخل من أمها وأبوها لمعرفة سبب هذا الانقلاب المفاجئ .. أثرها معترضة على عدم ترتيبي وليه حطيت البشت على السرير ماحطيته على المعلاق ..


كانت زوجتي الجديدة حريصة وبشكل مبالغ فيه على النظافة والترتيب والانتظام ..

إذا تأخرت دقيقة عن موعدي في الرجوع من الدوام تتصل على المدير وتهزأه ليه يتسبب بتأخيري ..



الملابس في جهة من الخزنة والشماغ في جهة ..
مهما كنت متأخر في استيقاظي من النوم ومهما كنت متأخر عن الدوام لازم أفرش أسناني وأرتب فراشي وأغسل الحوش

بعد خمس سنين من الزواج حدث الطلاق لطلبها الطلاق مني بسبب أني وضعت المنديل المستخدم في جيبي الأيمن بدلاً من الأيسر

وبعد شهور خطبت إحدى قريباتي ..

واكتشفت بعد مدة أني أخذت فتاة أقرب ماتكون للمصارع : ستيف أوستن !!



الشعر منفوش والتصرفات رجولية بحتة ..

كسرت لي ثلاثة أضلاع ذات يوم كمزحة منها ..
وكسرت أنفي لأني لم أحضر الطلبات كاملة !!

طبعاً بعد أربع سنين طلقتها لانها كسرت أسناني كلها .. بسبب أنها غضبت على جارها



بعد سنة تزوجت من فتاة ..

خجولة وهادئة .. طبخها متوسط الجودة وكذلك جمالها ..
لكني ارتحت معها وعشت أحلى أيام عمري ..





ا . هـ


خوي السرور
خاص بـ :
1 ـ منتدى بريدة ستي .
2 ـ منتدى المعالي .