[قاهر الروس]

.
.

بسم الله الرحمن الرحيم

السلآم عليكم ورحمة الله وَبركاته


أسعد الله أوقاتكم بكل خير


ويْ ويْ ويْ >>> هذا إقاله صوت مرور وشرطه وهوايل

بغيت أكتب قاق قاق بس قلت أخاف يقومون الجيران


قَبل أمس كنت رايح للمطار ، طبَعاً أنا مينوووون سرعة
لكني ذاك اليوم الدعوى ريلاكس وسلوو لأن الحوادث وااايد
والعرب عاضيين على الفرامل


المهم كان جدامي راعي كرسيدا ممكن مديل 83 مدري تخمين
وهو ما غير يسرع شوي بعدين فجأة يضغط فرامل

وأنا من يوم شفته جذي وأنا حاس إن في الأمر شي
فقررت أكون بعيد عنه شوي

إنفتح الخط من الزحمة ، وهو إقاله حمق
داس وعلى طول أكل الفرامل

يوم بديت أشوف سيارته تلعب دور
إستدااار راسي ما غير هاجتن به ولا أدري وين وجهته ورا وإلا جدام

ما دريت إلا ويقابلني بصدام سيارتي
المهم وقفت السيارة ونزلت أطمن عليه ، ما دريت إلا يقول أنت المخطي

قلت رح الله يستر علينا وعليك واحمد ربك ما ياني شي وإلا والله لأتعشى عليك >>> يقاله شديد يبي يلزخ له مره

قَال لا أبتصل على المرور

المشكله هو المخطي والحين متعطلين الناس ، وسيارته ما تسوى يعني المرور على شانها ، ولا ياهـا شي يسوى .

قلت أنا ماني فاضي بيلس حتى المرور ييي بأمان الله

طبعا مشيت وهو يحلتم ويهاوش
ولولا الله ثم إني متأخر ووجود الناس كَان شفنا شنو يبي
لكن عيب والله الواحد يتمشكل مع أحد أكبر منه ، لكن للضرورة أحكام >>>> أوب عاقل محمد علي كلاي


أستَغفُركَ اللهم وَأتوبُ إليك
لا إلَه إلا أنتَ سُبحَانَكَ إني كُنتُ مِنْ الظَّالمين


يالله تمسوون على خير
ونصيحة لا أحد يأكل حب إذا كان بطريق زحمة

.
.