.≈ ما يحويهِ مًتصفّحي ,, ما هـو إلا / | مخزونٌ عاطفيٌّ يهوى تقبيـلَ وُريْـقتـي | ≈

انطفت شمعتي ( على خدّ الليل )
و جيت أسولِف للـبحر ,,
و اثر البحر !
حتى الـبحر ,, لابس ثيـاب الليـل ..!
ـــ
يا بحر ما دريت اشصار فيني ؟
مع نديمي اللي مبتليني !
باستسمحِك !
يا بحر بصارحك ...!
عن قلب الحبيب ,,
اللي بربوعه صرت الـغريب ؟
أنا اللي متغرّب عن كل مابي لِـعينه !
أنا اللي حيــل متشرّب حنيـنه ...؟
و اهْـوَ صد !
إهْـوَ بَرَد !
و ختـم علي بهجره و اعتمـد ..~
إهْـوَ جَـنْ ,,
بالـبعادُ و إرتِكَـن ...!
صار مجنون الـبعاد
معشوق الـصحاري و الـجماد ...!
و ما يحرّك الـساكِن ؟
ـــ
يـا بح ــر قل له ../
عن قلبي الـهايم وش حصل له !
يا موجي الـعاتي ,,
اشرح له معاناتي ...!
و إن صدري تحسَّـر ,,
كمـا موجك تكسّـر ...~
قل له كيـف تهتـاج من نظرتي ؟
كيـف تغرَق من عبرتـي ؟
كيـف دقات قلبي اللي يحتاجـك ,,
تغلِب صوت أمواجــك !
وصِّــل له ,,,
يا بـح ــر أرجوك قلّه ,,/
عن قلبي الـعاشق وش حصل له ؟
قل له : عن الـحكاوي و الـشكاوي و الـغناوي ,,
اللي فيه سمّعتِـك ...!
اللي فيهـا علّمتك :
إنه آهتي , إنه زفرتي ...!
وحيــل الـروح ما تملّه ...~
ـــ
يـا بـح ــر تكفى قل له ,,/
عن قلبي الـظامي وش حصل له ؟
قل له : عن كياني وشلون متفتّـت ,,
و عن إحساسي كيف متشتّت ...!
تايِه ضايـع هُـدى
لأبـعـد مـدى ....~
ألـتفِت عنّـه , و ألاقيـني أدَوره !
و ألمح طيوفه , و آصَـوْره ...~
حبّـه عمانـي ,,
و لِـعيونه خذانـي ..!
حبّـه أمـاني ,,
رغم الـضيـاع
رغم آحاسيـسي الـجيـاع ..!
و إنّه هنــا ,,/ قطعةٍ منـي ...
و إنه منّـي أحـق منّـي !
و إنه قبلي فكلّ شيء ,,,
و فكلّ شيء ,, أبدى مني علي ...!
ـــ
و هاالـحب هذا صعب حلّه !
يا بحر قل له ,,/
عن قلبي الـتايق وش حصل له ؟
قلّه : إن غيره في الـمحاني ما احتويـت ,,
أقسِم بربّ الـبيـت ,,
تعذّبت ,,
ارتعدت ,,
إرتعشت ,,
و تعنّيت ...!
!

يا بعد عمر الشقـا ,,
حنّـا خُلِقنـا للّـقـاء ...~
جفني , عيني , دمعي ,,
و ابتهالات شمعـي ..~
ملّـوا فراقك ,,!
يا قسوتك ما حان اشتياقك ؟
ما حنيـت ؟
ما مليـت ؟
ما ملّتك هالقسوة ..!
طلبتك لا تكسـر الـهقوة ..!؟
ـــ

أنا أحبك ,,
كثر ما صدّني قلبك ..
كثر ما هاجني ذكرك ...
كثر صمتِـك و قِل جهرك ...~
أحبك ,,
و روحي تتوسل !
قلبي يتوسل !!
أنا كلّي أتوسّلك ,,
إنت الـمدينة و الـملك ~
أتوسّلك ,, تحس فيني
تراضيني
و للأماني تودّيني ..
ـــ
أبي أنسى الـظما و الـجوع ,,
و أنسى الـعنا و دربي الـمقطوع ..!
أبيك
أبسكن فيك ..
ابتظلّلك و اغفى فيـك ...
أبي أنسى ,,
كيـف كنت أنا منسِـي !
و أبي أنسى ,,
الـمآسـي بأمسـي ...!
ـــ
نديـمـي ,,
يا حلوك و يا صعبك
و يا كثرهـا سحبك ..!
رقْ لي اشوي !
أبي شويّة ضي ..!
و قلبي الـمعتوه دلّه ...~
إنقِـذه لِمّـه و تِلّـه ..!
و قلّه يا بـح ــر ,, اشفع لي عنده !
[ خلّه يشـوف الـمعنّى وش حصـل له ] !
ـــــــــــــ
[ أشكر حضورك هالأمسيـة ]
عازفة الـجنون :
بنت آوى
كُتِبت في
15/8/1427هـ
نُشِرت في
16/11/1429هـ
..