[أبوجبل]

معقووووله ياناس في شباب بهاالوقاحه


أطيب تحية اهديها للجميع ..
وأعتذر عن اختيار الموضوع .. لكن والله بقلبي نااااااااار من اللي شفته
وسمعته .. اوكي ندخل بالموضوع طوالي

اليوم كنت اتفرج على برنامج في التلفزيون .. وفي قناة عربيه ..
البرنامج رائع نوعا ما .. في مقتطفات مفيده ورائعه وفي مقتطفات اشوف انو ماليها
داعي بالوجود .. المهم كنت اتابع الفقره الاخيره وهي عباره عن
قراءة الرسائل اللي توصل من المتفرجين والمشتركين ..
وخلال قراءة الرسائل .. تجي وحده من الرسائل فيها كلام عجيب غريب
اقسم بالله العظيم اني وقتها ماصدقت اللي اسمعه ..
احنا عرب والا اجانب ..؟؟ احنا مسلمين والا كفار ؟؟؟
احنا يحكمنا دين والا شهوة ؟؟؟
عجيب عجيب عجيب .. والاعجب من كدا انو هالرساله تنقرء قدام
الملاء .. يعني راضيين بيها ؟؟؟ بدل مايرسلوا للمرسل رد محترم وكلام في العظام
حتى يتقي الله ويعرف اش اللي قاعد يكتبه ..
لا يقرؤها ويضحكوا عليها وحركات زي القررررررررررررف ..

اوكي احسكم شوي ضايعين ...!!
نقول اش مضمون الرساله ..
الرساله يااخي الحبيب ويااختي الغاليه .. انو الشاب يتغزل
بالقائمات على البرنامج والمذيعات ..
عجييييييييييييب .. ماصار عندنا غيره ؟؟ ولا صار عندنا حرمه ؟؟
ولا صار عندنا خوف من الله ؟؟؟
والاعجب من كدا انهم كانو قبل دقايق يتكلموا عن الاخلاق والتربيه !!!
اي تربية وانتم بهادا الشكل ؟؟؟؟
برنامج تاني كنت اتفرج عليه بس زمان .. يعني مو من قريب
المهم البرنامج كان عباره عن مسابقه ..
تخيلووووووووووووووووو شاب يتصل مو عشان يشارك بالمسابقه
لالالالا افااااااااااااا اش جاب لجاب ؟؟؟؟
متصل عشان يقول للمذيعه ممكن تديني ايميلك الخاص ؟؟؟ واذا عندك
رقم جوال يبقى زيادة الخير خيريين ؟؟؟؟
والمذيعه تضحك وتدلع !!!!!!! وجععععععععععععععععععع فيك وفيها
وجععععع في ناس قليلة ادب وذوق واحترام ؟؟
وجعععععععع في ناس نسيت عروبتها واصالتها وكرامتها وعاداتها وتقاليدها ..
حسبي الله ونعم الوكيل ... والله شئ يحرق الدم .. شئ يخلي الواحد يبكي خجل
من اللي يصير ..
اااه حاولت اقنع نفسي حاولت اكذب اللي صار قدامي وسمعته لكن للأسف من دون جدوى
هي هادي الحقيقه .. وان كااااااااانو قلّه ...
لكن انا اعتب على الناس اللي سامحه للشوية حقراء انذال .. ومذيعات
تجردوا من الحياء بعدما تجردوا من كل معاني الاخلاق والذوق

سامحوني على اسلوبي ..
لكن ربي عالم احس قلبي ينحرق من جووووووووووا
احنا في الحرب وناس جالسه تعصي الله وتتبع شهواتها .. ياربي لا تؤاخذنا
بما فعل السفهاء منا .. ياربي اهدي شباب المسلمين ..
ياربي امين ..

منقووووووووووووووول