 |
|
|
|
|
06-12-2008, 10:23 PM
|
#1 |
|
عـضـو
تاريخ التسجيل: Apr 2008
المشاركات: 257
|
^ ^ شبابُنـا والبَـلــعُ ^ ^
ترى به سؤال باخر الموضوع واللي يجاوب عليه أبصفّق له حيل ما أقوى .. نبدأ هـدوء ياعيال هدوء هدوء .. قال الشاعر: / شكراً أخي صالح رضا . بطني عودْ وش كبرهْ .. مليان مليان من خضرهْ فيهْ طمْاطْْْْْ فيهْ جزرْ . . فــــــيهْ من كلَّ الخضرهْ <<== والله يالابيات منعـفـطـه  هذا لسان حال تسثيرٍ من العيال المعدة و البنكرياس و الأمعاء الغليظة و التسبد و الطحال و البلعوم و الأسنان <<= = صار درس علوم تكل مـيـد أربع وعشرين . . ساعة يشتغلن مابه شيءٍ يوكل بالدنيا إلا تسد بلعه ومابه مطعم بالسعودية إلا تسد سيّر عليه يعني تـبـيـه يخلي بطنه فـاضي ,, أيّيّيس أيّس إنس إنس هذاي تبي واسطة وكود تكتب له معروض مصدقّ من المحكمة ومن المرور ويمكن يقبل . ويمكن ترجع للمحكمة تكمّل بعض الاوراق لإن ختم المدير موب واضح <<= = قلب الموضوع سالفة الصيام مشطوب عليه بقلم أحمر ,, وبطامس زهري \ / الصيام ماعنده إلا برمضان ,, وإن صام فصيام الديك والدجاجة والمشكلة يادافع البلاء يالله لاتعادزبنا وتبلانا بعضهم ينام إلى حزة المسيان قبل المغرب ويقوم ياكل اندومي طيب طيب ماعلينا منك لو تاكل قوطي بس وراااااااااه ماتنوي صيام يابو إنو صيــام إنو وش عندك <<= = = بس لايصير طابن بطنك شيء الصبح زي المثل ذاك اللي يقول صام صام وقبل إذان المغرب بشوي أكل بصل أو إنه أكل فصفص <<= = الشك من الراوي ,, ماتوكدت هو أكل بصل ولا فصفص  ياعيال الهرج يطول والكيبورد يهج ولو أطول بالكتب نبي اندحدر لموضوعن ثاني مير خلونا حبايب ومتفاهمين ونحب بعض وإن شاء الله الأيام الجايه نستاجر إستراحة بألفين <<= = إيه هيّن ونبي نجتمع بس أخاف ماتجون والله إني هذا اللي خايف منه يمكن عشان لو الإستراحة بالراشديات طيب لوتصير بجنوب بريده بحي الريان <<=== ماشاء الله .. يدل ببريدة ,, بالجنوب بحي الريان بس بعض العيال مامعه جوال شلون ندق عليه على الأقل لو يصير معه بيجر نرن ويدق علينا من بقالة . <<= = = ماقلت لك يبي يقلب الموضوع ياشباب ياشباب ياشباب الموت مايعرف أحد <<== أخبره مطلع نشيده زبـدة الموضوع وزهمته هــي / $ $ $ لا أحد يفرط بصيام يوم عرفة ,, أبد النهار لاتأكل شيء وعقب المغرب رح نم عند مطاعم الفاخرية وترى الدنيا من تالي توحش والفايز اللي يتسلح بالطاعة ويتمسك بالدين بمان الله .
__________________
ياحبيلكم كلـكـم
|
|
|
| الإشارات المرجعية |
|
|
النمط الأحادي