[الجنرال]

السلام عليكم ورحمة الله وبركاته

[c]
من البريد
===============

الفقع اشهر اماكنه وانواعه

السلام عليكم : الفقع طال عمركم ثلاث انواع خلاسي وزبيدي وتسما ( كمأ ) افضلهن طهم التسما وافضلهن شكل ونظره الزبيدي طال عمركم الفقع من اشهر المناطق اللي يكثر فيها هو حفرالباطن وحفرالباطن كله اماكن فقع الاماكن الي يتواجد فيها الفقع بحفرالباطن هي

1- الصيداوي المنطقه تبعد عن حفرالباطن 90 كيلو ويتواجد بها الفقع بكثره

2- ام قليب : تبعد عن حفرالباطن 15 كيلو زفلت و10 كيلو صحراء يتواجد بها الفقع ايضا بكثره على حسب المطر

3- الفاو : تبعد عن منطقة حفرالباطن حوالي 10 الى 15 كيلو زفلت وحوالي 7 كيلو قار ايضا يتواجد به الفقع بكثره

4- الوجعان تبعد عن منطقة حفرالباطن 100 كيلو ويكثر ايضا فيها الفقع.

بالنسبة للطرق لكل من هذه المناطق ( الصيداوي ) على طريق الدمام ( الوجعان _ الفاو ) على طريق الشمال طريق عرعر وطريف ورفحاء ( ام قليب ) على طريق الرياض ****** من يريد معرفة الفقع على قولة القايل *** دور الفقع حول الارقه *** الارقه هو نوع من النباتات الصغيره واذا مالقيت الارقه بالمنطقه الي تبي تدور فيها الفقع انصحك لاتتعب روحك وتدور الفقع وفيه مثل يقولون *** فلان مع فلان مثل الفقعه والارقه يعني مايتفارقون عن بعض وهذه بعض الصور للفقع عل وعسى انها تفيدكم

1 - هذي اول صوره وهي انك تدور الشقوق بالارض ومعناه انه فيه فقعه



2 - شد حيلك ودور الفقع على الله تلقاها ولا تلقاها هوبر والهوبر هذا مكان تشققه مثل وجود الفقع لكنه مثل الفلين ولا ينفع

3 - مبرووووووووووووك لقينا الفقعه هذي هي الفقعه وطريقة وجودها في الارض

4 - اما هذي ياطويلين العمر الفقعه لاصار مافوقه تراب وتسمى مصلعه نسبة الى عدم وجود التراب فوقها


في اخر هذا الموضوع ادعو الله ان ينزل المطر ويغيث العباد لكي تقر اعيننا بخشرة الارض وكثرة الفقع وازدهار الزراعه وكثرة المياة في امان الله عز الله ان هالموضوع لحس مخي من هالصور وتعبت عليه كثير لكن تستاهلون يالوجيه الغانمه


====================

الجنرال


[/c]