 |
|
|
|
|
15-12-2008, 05:46 AM
|
#1 |
|
عـضـو
تاريخ التسجيل: Jan 2008
البلد: القصيم
المشاركات: 1,990
|
ابشركم فتح دار سينما اخيرا
قبل مده كنت تفشان
 قلت في نفسي وين اروووووح ياربي؟؟؟  وافكر الا مابه بحر نجلس عليه ولا شارع تحليه نتمشى فيه ولا برنامج تلفزوني يصور ونروح نحضره علشان نطلع بالتلفزون الا ام رقيبه هههههه والله لا يحدني عليها اتصلت على واحد من الشباب وقلت له: اذا انت طفشان ببريده وين تروح؟؟؟ قال لي: اروح اقرب كفي واطلب قهوة واشربها وأرجع. << طبعا هنا انا طوالي سكرت المكالمه وقلت في نفسي إيش الاجابه الغبيه هذي .. حذفت رقمه من جوالي علشان يتوب عن هالاجابات الغبيه  اتصلت على واحد ثاني وقال لي: باختصار رح للربيعيه بس اذا مسكتك الشرطه ماني مسؤول.. << بعد سكرت بسرعه لاني سمعت طاري شرطه ما شرطه  واتصل على واحد ثالث: قال لي طال عمرك امسك الدايري <<طبعا الولد يحب السرعه طبعا لو نفكر سوا ماتحصل مكان ترفيهي للشباب غير قنوات الافلام او الشوارع وطبعا المرور والشرطه مايقصرون الحمد لله ... وانا في هذا المقام اشكرهم من كل قلبي لانهم مستحيل يوقفونك ويقولون ((وش عندك هنا)) << ماهو زي مرور الرس الله ياخذهم..  اليوم قريت موضوع بصراحه افرحني كشاب .... وهو انهم فتحوا دار سينما اخيرا... والله يستر لا يقلبونه بكره عوائل.... اليكم الخبر.... بعد توقف دام نحو 30 عاما يمكن للسعوديين الذهاب مجددا الى دور السينما في بلادهم حيث توجه الجمهور الى داري سينما يوم الثلاثاء (9 ديسمبر كانون الاول) لمشاهدة الفيلم العربي "مناحي". والفيلم من انتاج شركة روتانا المملوكة للامير السعودي الوليد بن طلال وهو الاول الذي يتاح للعرض على الجمهور منذ حظر السينما في المملكة في السبعينات . وكانت صلات الامير الوليد الوثيقة بالعائلة المالكة وعلى رأسها الملك عبد الله عاملا رئيسيا في اقناع السلطات الدينية بمباركة رفع الحظر. والفيلم الذي تكلف مليوني دولار وأخرجه أيمن مكرم هو أول تجسيد سينمائي لشخصية "مناحي" التي يؤديها الممثل السعودي فايز المالكي ويقوم فيها بدور مزارع بسيط ومتواضع يجد نفسه دائما متورطا في مغامرات هزلية. وتدور أحداث الفيلم عن مشاركة "مناحي" في برنامج للاثراء السريع حيث يسافر من موطنه القبلي الى دبي المزدهرة. ولدى عرض الفيلم لم يتمكن المالكي من اخفاء شعوره بالاثارة. وأعرب أفراد من الجمهور عن أملهم في أن يكون الفيلم مجرد بداية طبعا ادري فيه بعض اخواننا الاعضاء الكبار في السن راح يقولون كبر عقلك وخل عنك هالمراهقه ... لكن انا كبرت عقلي وحصلت ان هالاشياء لايمكن لمراهق تركها... او لشاب بمعنى اخر... واللي بيقول لي دور السينما فتنه... فانا ارد عليه قبل يتكلم واقول انه مافيه شاب بالسعوديه مايتابع قنوات الافلام الا الملتزمين طبعا ... واكيد ماراح يروح لمثل هالدور الا الشباب اللي يتابعون الافلام.... قبل اترك لكم المجال... اتمنى يكون الحوار بعيد عن التجريح
__________________
iMac
Canon 5D Mark ll Canon EF 24 - 105 f/4 L Canon EF 100mm f/2.8 L Macro Canon EF 17 - 40mm f/4 L Canon EF 100-400mm f4.5-5.6 L |
|
| الإشارات المرجعية |
|
|
النمط الأحادي