[عبدالله هلالي]

السلام عليكم ورحمة الله وبركاته



الحمدلله والصلاة والسلام على رسول الله وعلى آله وصحبه أجمعين



اما بعد ...

احبائي ,,, انا طالب ادرس في مجمع القيروان وتحديدا



في المرحله المتوسطه



ولاحظت انّ هناك أشياء غريبة تحصل وانا سأتكلمـ عنها بالتفصيل .. :





- انهم يهددون بنقلنا الى مدرسة اخرى ...ليش ...؟



لآنه جاي للمدرسة متأخر ..يعني (متأخر عن الطابور) ويقولون الي



يتأخر ننقله .. ويطرون اسم مدرسة قريبة بالريان ..اكثر من مره





- طلاب النظام ...!!!! .....وماا ادراك ماطلاب النظام



من المعروف ان طلاب النظام يكونون قدوة للمدرسة في كل شيء



لكن في مدرستنا غييييييييييير...! هنالك بعضهم من يخطم بطابور



المقصف ... واذا قلت له ليش ...يقول مالك دخل نظاااام



لا ...وياليته على الخطم بالطابور بس . ولا ياكل ويرمي مخلفاته



بالمدرسة وهذا المدرسة تخالف عنه وتأمرنا بإنهاء هذه العاده



وبعضهم يجيبون مشروبات غازيه وطبعا هذا شيء ممنوع ...!



وفي داخل الفصل من افشل الطلاب بالدراسه واسؤاهم خلقهم ..



ويتأخرون عن الدرس ..ويسألهم الاستاذ يقولون نظام



ومره من الايام جاء وقت الصلاة والنظام يطلع الطلاب الى الصلاة



ولفت عيني احد طلاب النظام داخل الفصل بيطلع طلاب وكان فيه هوشه



وفزع معهم ...ليته فكهم او شاف لهم حل ...فزززززززززع



وبعد اذا انتهت الفسحه يمسكون ابواب دورات المياه منعا من دخول الطلاب



واذا الواحد جاء مضظر مايدخلونه يعني بس يدخلون اللي يعرفووون



وبعد لقللت لهم شيء متولمين للهواش ...يعني متولمين للهواش











- ((آلوااااسطة )) ... الواسطات هناك شغااله ,,يعني تعرف احد



والا ماتمشي هناك , أضرب لكم مثال :.. طالب في فصل زميلي



وهذا الطالب ولد المدير ,, وتشوف أن بعض المعلمين يجاملونه



مثل معلم اللغه الانجليزيه المعروف باسم ( ابو القواميس )



كم مره هذا الطالب ينسى شئ من أدواته وكتبه لكن المعلم



هذا يبتسم له ويقول أنا اعرفك ماتسويها وهذي مهب من



عاداتك وان شاء الله آخر مررررره . !!! وش هالتخلف .. ؟؟



ومثال آخر طالب يدرس في الصف 2م .. ويكون ابن عم الوكيل



واذكر مره انه سوى شئ بالفصل فناداهـ المعلم وقاله :



قم واقف .. همن قال وش اسمك



قال فلان بن فلان .. همن قال المعلم : وش يقرب لك الوكيل



قاله ولد عمي .. همن قاله اقعد ولا تعود له . ( يعني المعلم خاف من الوكيل )



-(( في مقصف المدرسه )) يشترون ساندويتش من الصغار



اللي 8 حبات بريال ويبيعون لنا الساندويتش الوحده بريال ... !!



وش هالتخلف



المشكله اللي مساكين ولا يقدرون يشرون .. وش يسوون



خآآآآآآآآآآآآآآآآآآآآآآآآآآآآآآآآآآآآآآفوا الله بطلابكم ..



ويبيعون شكشوكه والشكشوكه هي نفسها حقت امس



تذوقه باااارده مرره لا وتجيك حمراء اللون !!



والحليب حقنا .. يصبونه من اول الفسحه وانت وحظك



تلقاهـ بارد والا حار .. اللي يجي الاول يجيه بارد



والاخير يحووووووول يحيه بارد .



-// معلمي المدرسه // هناك بعض معلمي مدرستنا يجون



ويتعلمون التدريس على حسابنا , يعني واحد مايعرف يشرح



بس يقول اقرأ يافلان ولا قرأ وخلص يقول يالله حلو الاسئله .. !!!!



وهذولا هم المطبقين اللي يلعبون بالماده لعب الحقيقيه ,,



وحنا نعرف ان هذا قانون للمطبق يجي يدرس



لكن لاجاء الاختبار مافيها حد ياخذ درجه كامله ..



ويمكن ننجح وحنا والله مافهمنا الماده .. لكن الشكوى لله .







- الفصول

هنالك فصول ... كلمة فصل كبيره عليها ... لآنه بالاساس مغاسل او



مختبرات وهذا شيء غير صالح للدراسه او للتعليم فيه ...<< طبعا بعض



الفصول يدرسون فيه ...ليته بفصل واحد .. المشكله بفصلينا ..



فصل 3/5 و 3/4 و1/2 و 3/3



وبعض الفصول خرجو الطلاب منها وحطو غرفة الوكيل



يعني فووووووضه



وهناك في الاطباق العلويه صيانه جاريه .. المشكله انه في وقت الدراسه يشتغلون



حيث يصعب علينا التركيز ( هذا يطق وهذا بدريل والثاني قاعد يقص)



والفصول صغيره علينا وعدد الطلا حوالي 29 طالب









- مصادر التعلم ..........!!!!



هنالك حوالي 4 كمبيوترات فقط وعدد طلاب المدرسة حوالي 450 طالب



وايضاء لايوجد مادة حاسب الي او حصة نشاط







- الملللللللعب وماادراك مالملعب



نجد صعوووبه كبيره من الملعب حيث لانستطيع اللعب



وعدد الطلاب كثير والملعب صغير



ولا يوجد ثيل يعني موجود ثيل وله سنه ماسقي يعني لونه اصفر



وكله طين ومحفر









- الدووري ...



فيه قانون عندنا اذا قمزت الكوره برى الملعب يصير بلنتي ...!



هل هذا من حقنا او حق المدرسة على وضعهم السور قصير مترين



اين فوده عن هذا المهزله .





- بعض المدرسين ... ( ... )



مثال :


جانا مدرس وقال اختبار ..طبعا ماقلنا شيء .. ولما اختبرنا اسهله غير مفهومه



سأل احد الطلاب رفع ايده قال استاذ ..عندي سؤال



قال ورى ماتسكت وتاكل .×××...تكرمون



هل هذا اخلاق مدرس جاي يعلمنا ام مدرس يعلمنا اخلاق سيئة





- الثوب الابيض ..



المدرسة منعت لبس هذا الثوب في الشتاء ...



وتجد المدرسة تهاوش الي يلبسه



وياحول بعض الطلاب حالتهم حاله مايقدر يشري ..



ونجد ان بعض المدرسين الذين هم قدوتنا يلبسونه







الى متى سنبتل مع هذه الاخطاء




فياليت القائمين على المدرسة بأصلاح الاخطاء وتجنبها





وشكرا







ارجو عدم الحذف من المشرفين لآلآهمية الموضوع وللنقاش