صديقتي والمفسر النصاب:( ..

ما تَهَاب · 26-12-2008, 05:29 AM

السلام عليكم ورحمة الله وبركاته ..<<رد السلام واجب ياحلوات

بما ان تفسير الرؤى والأحلام منتشر هالأيام بشكل كبير خاصة بيننا حنا يالحريـــم حبيت نتناقش بهالموضوع ..

وأول شي بقولكن سبب كتابتي لهالموضوع ,,, بجيب لكن السالفه من أولها<<الله يعيننا عليك <<اقول تراك مو مجبره ع القراءة ..

الزبـــــــــــــدة ..
مرة حلمت حلم حيرني شوي وحبيت أفسره ,, طلبت من صديقتي أرقام مفسرين لأن اللي عندي مايردوووون ,, المهم جتني من بكرا معها الرقم وقالت انه يرد على طول<<هذا أهم شي ,,
عاد انا ماصدقت خبر بنفس اليوم كلمته قبل صلاة العشاء قال انا بالمسجد دقي بعدين سكرتها وانا مستغررربه من صوته شكله صغيــــــر!!
مادريت بعد عشر دقايق تقريباً يدق الجوال واناظر أثاريه اخونا فـ الله"المفسر!!!" دق لين انقطع ,, كانت أختي عندي قالت دقي عليه يمكنه فاضي الحين ,, دقيت رد قال معليش انا الحين مشغول دقي تسع <<طيب وشوله تدق وانت مشغول!!!!
ارسلت لصديقتي بتأكد لأنها مكلمته ومفسر لها قبل ,, قالت لا لا تخافين واضح انه ملتزم من أسلوبه..
المهم!!
دقيت تسع وانا متردده " ماأدري ليه ماأرتحت له استغفر الله" ,,, رد وكان عنده ازعاااااااااااج رجـــال ,, وبعد التحية مباشرةً قال انتِ متزوجه والا ماتزوجتي؟!!
جاوبت وانا مستغربه بالعادة يسألون بعد مانقول الحلم بس هذا غير .. قلت يمكن هذا طريقته غير المفسرين ,, قلت له حلمي وفسره لي وسكرتها <<أحلفي !!
من بكرا قلت لصديقتي انا احس انه مو مفسر بس يخربط , قالت حرام عليك علشانه يرد صار مو مفسر يعني لازم المفسر يغث اللي يكلمونه علشان نصدقه!!
انا سكت قلت يمكن كلامها صحيح الله اعلم ..
جت اللحظه الحاسمة<<الحلقة الأخيرة ..
دقت علي صديقتي أمس منصدمة ومعصبه قالت شفتي المفسر اللي عطيتك رقمه لااااتدقين عليه حـ...........!!
انا مغصن بطني قلت ليش وش سوى لك؟!!
تقول:دقيت عليه ابغيه يفسر لي حلم قال أنتِ متزوجة<<وش قصته!!!
قالت ايه..
قال انتِ حلوة<< ! ..
قالت ماأدري ياشيخ "!!!!" ..
قال المهم انتِ فيك شي محسودة عليه اقري وردك وقال لها أدعيه وأذكار تقراها ..
تقول قلت له الله يجزاك خير"بتسكرها"
قال لو سمحتِ بما أنك متزوجة انا عندي مشكلة ممكن أعرضها عليك لأني ماعندي خوات؟!!
تقول قلت له تفضل "على انه ملتزم"..
تقول قال انا وحيد امي وما تزوجت وفـ اخر سنة بالجامعة وعندي بحث مهـــم عن "امور خاصه بالنساء"<<طبعاً هو قالها صريحة بس أنا ماأقدر ..
قال وش الدو........ تقول انا انصدمت بس ماأدري ليه ماسكرتها!! ...
تقول قلت أسأل امك قال لا أستحي <<الله من زين الحياء!!!!
تقول قلت طيب ادخل النت وابحث قال لا النت باب شر وماابي ادخله وأنصحك تبعدين عنه!!!!
تقول قلت تدخل النت أحسن من تسأل حرمه ماتعرفها !!
قال طيب وش الـ........؟ تقول انا لحظتها صحيت وسكرتها بوجهه وانا أرجف وأدعي عليه ... وأكتشفت مع الأسف انه نصاااااب ..
(انا أدري انكم مثلي نقدتم على صديقتي ليه ماسكرتها من أول شي بس تقول والله اني احسبه صادق وماأدري وش جاني خليته يكمل!!)

فالحذر الحذر عزيزاتي من هذا وأشكاله لأنه أشد خطر من غيره ,,, لأنه لما يسأل سؤال نجاوب عليه على انه مفسر وله الحق"بحدود طبعاً" وهو نواياه خبيثة ,,, يعني اللي أقصده ,,, المفروض اننا نتأكد من صدق المفسر و مانكلم على كل من هب ودب اي رقم يقولون لنا الناس هذا مفسر نكلمه لو انه بنقالي كافر!!!
لأنه بصراحه الحين بعض الشباب صاروا يدورون اي طريقة يتصيدون فيها البنات من دون مايفكرون بالذنب ,,
طبعاً هالشي حرام بكل طُرقه ,, بس اذا أجتمع حرامين مثل "التعدي على أعراض الناس ,, وتفسير الرؤى بدون علم"... اكيد بتكون الجريمة والذنب أكبر وأعظم ..

********

وفي النهاية حطيت تصويت ابي اعرف وش رأي الأغلبيه بتفسير الأحلام:
- أحرص على تفسيرها
- ماأهتم لها مهما كانت
-على حسب الحلم<<نادر..
^
^
^
وياليت كل وحدة تصوت تذكر سبب أختيارها ..

بشرى سآآآرة ..

أنتهــــى الموضــــوع..

والسلام عليكم ورحمة الله وبركاته..

26-12-2008, 05:29 AM	#1
ما تَهَاب عـضـو تاريخ التسجيل: Sep 2008 البلد: الريــاض ’, المشاركات: 8,043	صديقتي والمفسر النصاب:( .. السلام عليكم ورحمة الله وبركاته ..<<رد السلام واجب ياحلوات بما ان تفسير الرؤى والأحلام منتشر هالأيام بشكل كبير خاصة بيننا حنا يالحريـــم حبيت نتناقش بهالموضوع .. وأول شي بقولكن سبب كتابتي لهالموضوع ,,, بجيب لكن السالفه من أولها<<الله يعيننا عليك <<اقول تراك مو مجبره ع القراءة .. الزبـــــــــــــدة .. مرة حلمت حلم حيرني شوي وحبيت أفسره ,, طلبت من صديقتي أرقام مفسرين لأن اللي عندي مايردوووون ,, المهم جتني من بكرا معها الرقم وقالت انه يرد على طول<<هذا أهم شي ,, عاد انا ماصدقت خبر بنفس اليوم كلمته قبل صلاة العشاء قال انا بالمسجد دقي بعدين سكرتها وانا مستغررربه من صوته شكله صغيــــــر!! مادريت بعد عشر دقايق تقريباً يدق الجوال واناظر أثاريه اخونا فـ الله"المفسر!!!" دق لين انقطع ,, كانت أختي عندي قالت دقي عليه يمكنه فاضي الحين ,, دقيت رد قال معليش انا الحين مشغول دقي تسع <<طيب وشوله تدق وانت مشغول!!!! ارسلت لصديقتي بتأكد لأنها مكلمته ومفسر لها قبل ,, قالت لا لا تخافين واضح انه ملتزم من أسلوبه.. المهم!! دقيت تسع وانا متردده " ماأدري ليه ماأرتحت له استغفر الله" ,,, رد وكان عنده ازعاااااااااااج رجـــال ,, وبعد التحية مباشرةً قال انتِ متزوجه والا ماتزوجتي؟!! جاوبت وانا مستغربه بالعادة يسألون بعد مانقول الحلم بس هذا غير .. قلت يمكن هذا طريقته غير المفسرين ,, قلت له حلمي وفسره لي وسكرتها <<أحلفي !! من بكرا قلت لصديقتي انا احس انه مو مفسر بس يخربط , قالت حرام عليك علشانه يرد صار مو مفسر يعني لازم المفسر يغث اللي يكلمونه علشان نصدقه!! انا سكت قلت يمكن كلامها صحيح الله اعلم .. جت اللحظه الحاسمة<<الحلقة الأخيرة .. دقت علي صديقتي أمس منصدمة ومعصبه قالت شفتي المفسر اللي عطيتك رقمه لااااتدقين عليه حـ...........!! انا مغصن بطني قلت ليش وش سوى لك؟!! تقول:دقيت عليه ابغيه يفسر لي حلم قال أنتِ متزوجة<<وش قصته!!! قالت ايه.. قال انتِ حلوة<< ! .. قالت ماأدري ياشيخ "!!!!" .. قال المهم انتِ فيك شي محسودة عليه اقري وردك وقال لها أدعيه وأذكار تقراها .. تقول قلت له الله يجزاك خير"بتسكرها" قال لو سمحتِ بما أنك متزوجة انا عندي مشكلة ممكن أعرضها عليك لأني ماعندي خوات؟!! تقول قلت له تفضل "على انه ملتزم".. تقول قال انا وحيد امي وما تزوجت وفـ اخر سنة بالجامعة وعندي بحث مهـــم عن "امور خاصه بالنساء"<<طبعاً هو قالها صريحة بس أنا ماأقدر .. قال وش الدو........ تقول انا انصدمت بس ماأدري ليه ماسكرتها!! ... تقول قلت أسأل امك قال لا أستحي <<الله من زين الحياء!!!! تقول قلت طيب ادخل النت وابحث قال لا النت باب شر وماابي ادخله وأنصحك تبعدين عنه!!!! تقول قلت تدخل النت أحسن من تسأل حرمه ماتعرفها !! قال طيب وش الـ........؟ تقول انا لحظتها صحيت وسكرتها بوجهه وانا أرجف وأدعي عليه ... وأكتشفت مع الأسف انه نصاااااب .. (انا أدري انكم مثلي نقدتم على صديقتي ليه ماسكرتها من أول شي بس تقول والله اني احسبه صادق وماأدري وش جاني خليته يكمل!!) فالحذر الحذر عزيزاتي من هذا وأشكاله لأنه أشد خطر من غيره ,,, لأنه لما يسأل سؤال نجاوب عليه على انه مفسر وله الحق"بحدود طبعاً" وهو نواياه خبيثة ,,, يعني اللي أقصده ,,, المفروض اننا نتأكد من صدق المفسر و مانكلم على كل من هب ودب اي رقم يقولون لنا الناس هذا مفسر نكلمه لو انه بنقالي كافر!!! لأنه بصراحه الحين بعض الشباب صاروا يدورون اي طريقة يتصيدون فيها البنات من دون مايفكرون بالذنب ,, طبعاً هالشي حرام بكل طُرقه ,, بس اذا أجتمع حرامين مثل "التعدي على أعراض الناس ,, وتفسير الرؤى بدون علم"... اكيد بتكون الجريمة والذنب أكبر وأعظم .. ******** وفي النهاية حطيت تصويت ابي اعرف وش رأي الأغلبيه بتفسير الأحلام: - أحرص على تفسيرها - ماأهتم لها مهما كانت -على حسب الحلم<<نادر.. ^ ^ ^ وياليت كل وحدة تصوت تذكر سبب أختيارها .. بشرى سآآآرة .. أنتهــــى الموضــــوع.. والسلام عليكم ورحمة الله وبركاته.. __________________ ‏‏‏الذين رحلوا إلىَ [ الله ] في سن مبكرة . . اهدونا رسالة تقول : [ لا تُطيلوا قوائمَ أُمنياتكم ] لأنَ الحياة اقصر منها بِـ كثيــر ، آخر من قام بالتعديل ما تَهَاب; بتاريخ 26-12-2008 الساعة 05:38 AM.