[أنا حره]

مؤخرًا ..
صار عند الناس هوس اسمه (الحلم أو الرؤية) ..
والي وده يعرف هذا الهوس يشوف عدد المشتغلين فيه والمحتكين في وسطه ..
أنا شفت في أحد (علب الليل) في السعودية <<<تقصدالملاهي ...
شفت كوشك فيه واحد يعرض خدماته في تفسير الأحلام ..
يبيع الوهم! ..
بس الشهادة لله كان البيع احترافي وترويجي ..
كان صاحبنا بذقن طويل ويعلك بقية سواك .. والبشت يتعلق بأطراف كتفيه ..
ويفسر أحلام ..
والمحل – سم الله – شغال مية مية ..
مو بس هذا ..
رسائل الجوال .. صفحات جرائد .. برامج تلفزيونية .. والشغل مية مية ..
والواحد بس يشوف حلم فيه أي أمل يقوم من الفرحة – ويولم ولو بشات – ويعزم عليها القاصي والداني ..
خصوصًا أن كان تفسير الرؤية باب رزق (وأندلق*) له ...
أن أشوف أن هذا التعلق تفسير طبيعي لحالة ( النوم ) الي يعيشونه ابنا جلدتنا ..
نووووم على جميع المستويات اقتصاديًا وسياسيًا واجتماعيًا ..
صار التعلق بمرحلة هولامية ضبابية بعد فشل المرحلة الواقعية ..
(الحلم هو الحل) .. هذا عنوان المرحلة القادم وبقوة ..
وما نقول إلا ( خير اللهم أجعله خير .. )!

اندلق = انفتح