[>>معاند<<]

الســــــــــــــــلام عليكـــــــــــــــــــــــــم

كيف حالكم
ان شــــــــاء اللــــــــــه تمـــام
جايبه لكم قصه نكتوتيه على شان تروقون بهالظهرية

عن عرس كمخه عربجي ان شاءالله تعجبكم
7
7
7
7
7




ابقولكـم وش صار في ليله عرس دحـيم



المواصفات:



الأسم/ دحيم الدلخ



العمر/ منولد في سنه الطفرهـ


الشكل/ قزم ودب واقرع و وجهه كله خدود ومافيه عيون بإختصار يحوم التسبد<<يازينوه



الولد دحيم داش 24 ساعه مشاكل وتفحيط وخرابيط وهجوله<<هجيج يابو حسين



المهم ابوه قرر يزوجه يمكن يعقل الولد!!!!<<إلا العرس



ويقوم يخطب له ابوه بنت عمه حصه !!!



عاد حصه خبله مثله



المهم يوم جاء العرس ولا دحيم طالع مع اخوياه للثمامه يطعسون



وابوه يدق عليه



الأب: الووو دحيم وينك؟



دحيم: هلا والله طالع مع الشباب لثمامه<<فاله الرجال وهو يوم عرسه



!!! الأب: جعل تطلع روحك بلا تعال اليوم عرسك



دحيم: طيب العرس في اليل يمديني ارجع المغرب<<مروووووووق



الأب: اقول امش جعلي امشي العصا على ظهرك



دحيم: طيب خلاص جاي



ويقفل التلفون



المهم ويجي دحيم ويلبسونه الخبل ناوي يروح بقميص نوم وطاقيه<<متعود يروح للاستراحة بقميص وطاقيه مشخله



المهم ويمسكونه اخوانه ويلبسونه ويودونه للقصر



دحيم إلا الحين مايدري وش السالفه يبي يخلص بسرعه عشان يلحق على العيال في الأستراحه يلعب بلوت<<مايدري وين الله حاااااطه



ويدخلون القصر ويجلسونه في المنصه وهو يقول اروح اجلس عند القهوجيه ابي اتكي معهم واشرب شاهي (لا تعليق)



ويلقطه اخوه ويجلسه على الكرسي



ويجونه الناس يسلمون



المعازيم: مبرووك منك المال ومنه العيال



دحيم: هلا ايه طيب يكون خير والله ماعندي ولا ريال



( قايل لكم مهوب وجه زواج)



المهم ويدخلونه على الحريم



يوم دخل



(وهو إلي يفتح كشرته (ابتسامه عريضه



ويناظر في ذا البنيات



المهم يوم طقوا الطقاقات إلا هو يطمر ويرقص سامري



ويسحبه ابوه ويقولها اركد لا تفشلنا!!!!



المهم ويجلسه على الكرسي وتجي وحده ترقص عنده وهو إلي يضحك عليها ويقول اوووووه ماتعرفين ترقصين ياالدبه



وانواع الأستهبال والمشكله إلي ترقص امه مسكينه تبي تفرح به مادرت انه مايستاهل



المهم ويقومون البنيات يرقصون عنده وهو يناظر يقول صح ياالرقص مهوب رقص العيال في الأستراحه امحق رقصصص؟



إلا ابوه بصفقه على جبهته



دحيم: طيب خلاص انطم



المهم يوم خاصوا وهو يأخذ العروس ويركبون السياره



المهم مادرا إلا تقوم حصيصه وتقول مابغينا نطلع اقول ماعندك شريط كسراات (شعبي) بشير شنان يعني؟



ملينا من ذا الطقاقات ازعجوني



إلا هو ينبسط على حرمته خبله مثله



المهم تقوله له



حصيصه: دحيم بسألك سؤال؟



!!! دحيم: اسألي



حصيصه: انت الحين تعرف تفحط ؟؟؟



( دحيم: اكيد انا احسن واحد يفحط ( مسوي فنان عندها وهو ماعنده ماعند جدتي



حصيصه: والله ورني ابي اشوفك تفحط



( دحيم: توهق



( دحيم: خليها بعدين موب اليوم ( يبي يصرف



حصيصه: افا شكلك ماتعرف هههههااااي



دحيم: اوريك من إلي مايعرف



وهو إلي يلف هذيك الفه وطراااااخ في الماصوره على طول



والحين حصيصه ودحيم في الشميسي الدور الأول غرفه 123



قسم الكسور



الزياره من 9 إلى 12 ظهرا و 5 إلى 9 مساء

هذي اخرت العربجه