[يحب النقش]

السلام عليكم ورحمة الله وبركاته

عندي موضوع مهم جدا ً لأصحاب السيارات .. وخاصة ً اللي يغيرون زيت (وسيفون) عند البناشر النصابين .

اكيد كل واحد وده يعرف وش السالفه .. وش اللي خلاني أكتب هذا الموضوع .

والله الذي لا إله إلا هو إني حبيت أكتب اللي صار معي .. عشان ماحد يصير بنفس موقفي وأحذركم من إنكم تغيرون سيفون* عند البناشر . واللي خلاني أكتب اسم البنشر عشان تاخذون حذركم اخواني .
* السيفون = فلتر الزيت .


- - قبل اسبوع رحت أغير زيت عند بنشر (سدر القصيم) وما أدراك ماسدر القصيم اللي على طريق مصنع الببسي بعد محطة دار ريانه ثالث محطة على يدك اليمين .
غيرت زيت ((وسيفون)) بعدين عطيته الحساب ومشيت .
بعد يومين لاحظت زيت من تحت المكينه والسيارة واقفه بالشارع ولا عطيته أي اهتمام قلت شكله من قبل .. ومن بكرا يوم شفت تحت المكينه لقيت زيت وباين انه جديد يعني من سيارتي علطول رحت لميكانيكي ولاهو واحد رحت لثلاثة بعدين كلهم قالو الصرة مضبوطة وكل شيء مظبوط وديته لواحد رابع قال أعرف وشو اللي خلاها تنزل زيت لما تكون واقفة قلت وشو ؟
تتوقعون وشو رده ؟؟
وربي قال السيفون مو أصلي !!!
أعوذ بالله غش يعني يقولون البناشر أصلي وهو مو أصلي بعدين رحت للوكالة عاشت أيامه
وأخذت (سيفون) بعدين رحت للبنشري اللي (بسدر القصيم) وقلت له غير هذا السيفون وقلت والله يانت تبي تلعن لعن لاكن ركب أول يوم ركبه واظبطه قلت عاير الزيت لقيته ناقص فوق ربع علبه وبعدين قارنت السيفون اللي معي مع السيفون اللي عنده لقيته نفس الكرتون لاكن اللي عنده لونه أحمر فاقع واللي معي أحمر عادي مو فاقع مثل اللي عنده والكتابه اللي على سيفونه أكبر بقليل من الكتابه اللي على (الأصلي) .
المهم غيره وبعدين جاوه ماجاوه يحول بدا يصيح ويتشكى قلت سادك ياكلف هم يقولون كلف
والحمد لله لاتهريب ولا يحزنون وتأكدت إن التجاري لعين !! .

عشان كذا حبيت أحذركم اخواني لا وبالوكالة بـ 12 ريال وعنده بـ 20 وتجاري ..
والواحد مو همه الفلوس لاكن ليش يغش يجيب تجاري وياخذ أكثر فلوس صح ولا لا .
واللي مو مصدق يجرب بنفسه يجيب سيفون ويشوف اللي عند هالمحطة .

هذا اللي صار لي وربي يبي يسألن يوم القيامه ..
فأنا حبيت أحذر الجميع عشان ماتصيرون مثلي ..

وأشكر لكم مروركم ... والسلام عليكم ...