مشكلتي اللي أتعبت نفسيتي مع ( أخواتي المتزوجآت ) .. دخيلكم عطوني حل : (

●غزآل العآرضية~ · 20-03-2009, 08:21 AM

السلام عليكم ورحمة الله وبركاته

موضوع سبب لي أزمة نفسية
وكل يوم أفكر أكتبه وأهون .. أقول يمكن نفسيتي التعبآنة !
لين اتخذت قرآري .. وأبي شوركم بنآت بريدة الحكيمات

سلمكم الله أخواتي المتزوجات يجون الأربعاء وينامون عندنا ويروحون مغرب الخميس هذي عادتهم ..
لكن المشكلة إن هاليومين ذي يزيد عدد الشغالات ، بالإضافة إلى شغالاتنا وشغالاتهم .. شغالة جديدة ولا أرق ولا أنعم اللي هي ( غزال العارضية )
أحلف بربي إني ماأجلس هاليومين .. جريمة كبرى إن جلست !

جات فلانة .. جيبي لها قهوة .. جات علانة غيري القهوة .. اجتمعوا أخواتك جيبي العدة كلها قهوة وشاهي واللي تبعها ..
ويآكافي مامنتك نفسك تصلحين لو حلى !
نشرب شآهي لحاله !
روحي جيبي .. روحي حطي .. غسلي .. صلحي .. فلان كسر البيالة اكنسيها .. فلان راح للشارع جيبه .. فلانة مب فيه دوريها .. البنات يبون يلعبون لعبيهم .... وتطول القائمة !

العشاء والغداء طبعاً علي ، وفـ السنة حسنة يتكرمون ويطلبون من مطعم .. وطبعاً لازم تتفننين وتأكلين هالحمولة كلها وتشبعينهم ولاتفكرين تقعدين .. جيبي الملاعق .. جيبي سدآرة فلان .. وين الفآكهة .. وكلي فلانة عن أختك مسكينة خلها تآكل .. وانآ أنفذ الأوامر سكتم بكتم وياويلي إن ناقشت !
طيب سويت كل هالأشيا .. معليش آستريح وآكل ؟!
لآآآآ ... فلآن وفلآن وفلآنة .. قاعدين يلعبون ماتعشوا .. وفلانة وفلانة وفلان مابغوا العشا ماجازلهم .. قومي صلحي مكرونة ولا اندومي ولا شوفي وش يبون !!
طيب طيب !

وكلمة أمي اللي على لسانها : مساكين خواتك جايين يرتاحون وبتشقين بهم .. هم ضيفوك اللحين !!
يآسلام أنا بعد عندي مشاعر وأحاسيس وطآقة !
أنا بعد أبي أرتاح في هاليومين .. عندي جامعة وعندي أعمال وعندي ملخصات !
وبعدين معقولة حتى عيالهم موكلة بهم آنا ؟!!

هذا غير السوق أو المكتبة أو روحة معينة .. آخر من يفكر يطلب آنا لأن هاليومين لاخواتي المسكينات وآنا لاحقين علي !!
والمشكلة ياليتهم وسط الأسبوع على طول ينفذون اللي أبي !!
عقب الحسرة وعقب أسبوع وعقب الدموع وعقب تدخل الواسطات يتنفذ !
أما حضرة الأخت المتزوجة من تدق وهو طاير لها ، لأنها مسكينة محتاجة !
وأنا لو أبي كتاب للجامعة بكره ، لاحقين عليك !!
يعني الأخت الكريمة عندها زوجها ، وأنا أولى بأخوي منها لكن

طيب طيب

إذا جو يروحون زواج مع أمي أو لنفاس أو هالسوالف ، تعالي اسمعيهم ..
فلانة صعبة نروح كلنا من بيمسك البزارين ؟!
يجيك الرد : هو وغزال وش شغلها .. بتمسكهم !!

هنا ماأصبر وأنفجر وأقوم القيامة !!
يعني غزال تبع شغالاتكم .. حتى المشاورة ذوقاً وأدباً ماتشاورونها !!
لا وبعد وش شغلها ، وهي كل أربعاء وخميس مابقى إلا تهمز ظهوركم !!

وتعالي شوفي الردود : ( ماعمرك خدمتينا )..الله لايحوجنا .. حتى أخواتك بتمنينهم .. إلخ !!

أنوآآآآآع نكران الجميل .. وأنواع التجريح .. وأنا وقسم بالله ماأكره شي فـ حياتي قد ماأكره المن ، لكن اللي يجحد غصب تذكرينه باللي سويتيه كوده يقدر !!
ومع ذلك أتعب ع الفاضي ويستمر الجحود !
وتجيك أمي وتقعد تترجآني أعتذر .. قال إيش .. قال أختك الكبيرة المتزوجة .. ع الأقل قدريها .. انتي ماوراك شي .. هي ورآها زوجها وحمولتها وبتعبين نفسيتها زيادة !!!!!!!!!!

وقسم بالله أمرض هنا !
وأعتذر وكني مطعونة بس عشان أمي !

وتعالي شوفيهم عقب هالمناسبة .. ولاأحلم بكلمة شكر إلا تحقيقات واستجواب !!
غزال زياد يقول إنه رقى فوق المظلة وينك عنه ؟!
آها لو طاح !!
غزال نورة تشكى من عينها من ذاك اليوم .. وش جايها وينك عنها ؟!!
غزآل .. غزآآل .. غزآآل

واللي يزيد الطين بلة .. اخواني كل حياتهم ملاعب وكورة واستراحات وجمعات ولو يتكرم واحد ويودينا مشوار خمس دقايق .. تعآآآلي اسمعي كلام أمي اللي يقطر عسل : تعبناك معنا .. ياسعد اللي بتاخذك .. شكلك نعسآن ومشورنا بك .. الله يوفقك .. الله يسعدك !!!!!!!!!!!!!!!!!!!!!
وأكتم عبرتي ويمشي الحال !!

صديقتي ( الروح بالروح ) عندها أختين متزوجات بس ، وقسم بالله ماأشوف معها شي وأسألها من وين شرته إلا الجواب : والله مدري فلانة جابته لي ، هذي هدية علانة يوم ترجع من السفر .. هذا جايز لأختي وجابت لي مثله ..
ودآآآآآآآيم .. فلانة مرتني أروح للسوق تمشيني .. فلانة بتمرني نروح نتعشى .. يا حبي لفلانة بتحطي لي حفلة نجاح ....... !!
وأنا أسمع وغآآآآية أحلامي كلمة تقدير بس .. كلمة شكراً بس !!
إلا ياحسرة ينشره علي لو ماأهديهم هم وحواقيلهم بعد !

أغراض الجامعة ياما جابتها لي هي .. عشان هالأخوان يالله متفضين لأعمارهم وللمتزوجات والله إني أنحرج ودايم تقولي أبد حتى أخوي يقول هي تامر أمر .. اسم إني رايح أجيب لك انتِ ..
وإذا قلت لأمي قالت عادي أنتِ معطيتهم حقهم مايكدون عليك إلا أبد الله يقويهم ويجزاهم خير !!!

طيب وهالمشورة .. خصوصاً إن عندي اخوان ويبدون علي عيال الناس.. مب شي يفشل ؟!!!

وأقسم لكم بالله .. إني إذا رفعت يدي أدعي .. أول من يجي على بالي صديقتي وأهلها وأدعي لهم .. وآخر من يجي على بالي أهلي !!

أدري الحق يعور القلب بس وش أسوي

المشكلة الأكبر .. إن موضوع البيت أثر على نفسيتي واجد ..انعكس علي حتى برآ البيت .. وصرت أعصب على أسباب تافهة وحساسة من أدني شي !
إلا ماسمنت إلا من هالسالفة ، بس أعصب وأحط حرتي في الأكل !!
وعلى الفكرة .. أنا مافكرت حتى أجيب سيرة نفاساتهم ( كنت كآتبة هنا سجن أبو غريب بس استغفرت ربي ) لأن هذا لحاله يبيله موسوعة عشان أتكلم عنه وعساها تكفي

ويــــــــــــــآآآقلب لاتحزن : /

شوركم جعلكم للتوفيق والتقدير والسعادة

20-03-2009, 08:21 AM	#1
●غزآل العآرضية~ عـضـو تاريخ التسجيل: Jul 2007 البلد: ربِ ارزقني الأنس بقربك ،، المشاركات: 643	مشكلتي اللي أتعبت نفسيتي مع ( أخواتي المتزوجآت ) .. دخيلكم عطوني حل : ( السلام عليكم ورحمة الله وبركاته موضوع سبب لي أزمة نفسية وكل يوم أفكر أكتبه وأهون .. أقول يمكن نفسيتي التعبآنة ! لين اتخذت قرآري .. وأبي شوركم بنآت بريدة الحكيمات سلمكم الله أخواتي المتزوجات يجون الأربعاء وينامون عندنا ويروحون مغرب الخميس هذي عادتهم .. لكن المشكلة إن هاليومين ذي يزيد عدد الشغالات ، بالإضافة إلى شغالاتنا وشغالاتهم .. شغالة جديدة ولا أرق ولا أنعم اللي هي ( غزال العارضية ) أحلف بربي إني ماأجلس هاليومين .. جريمة كبرى إن جلست ! جات فلانة .. جيبي لها قهوة .. جات علانة غيري القهوة .. اجتمعوا أخواتك جيبي العدة كلها قهوة وشاهي واللي تبعها .. ويآكافي مامنتك نفسك تصلحين لو حلى ! نشرب شآهي لحاله ! روحي جيبي .. روحي حطي .. غسلي .. صلحي .. فلان كسر البيالة اكنسيها .. فلان راح للشارع جيبه .. فلانة مب فيه دوريها .. البنات يبون يلعبون لعبيهم .... وتطول القائمة ! العشاء والغداء طبعاً علي ، وفـ السنة حسنة يتكرمون ويطلبون من مطعم .. وطبعاً لازم تتفننين وتأكلين هالحمولة كلها وتشبعينهم ولاتفكرين تقعدين .. جيبي الملاعق .. جيبي سدآرة فلان .. وين الفآكهة .. وكلي فلانة عن أختك مسكينة خلها تآكل .. وانآ أنفذ الأوامر سكتم بكتم وياويلي إن ناقشت ! طيب سويت كل هالأشيا .. معليش آستريح وآكل ؟! لآآآآ ... فلآن وفلآن وفلآنة .. قاعدين يلعبون ماتعشوا .. وفلانة وفلانة وفلان مابغوا العشا ماجازلهم .. قومي صلحي مكرونة ولا اندومي ولا شوفي وش يبون !! طيب طيب ! وكلمة أمي اللي على لسانها : مساكين خواتك جايين يرتاحون وبتشقين بهم .. هم ضيفوك اللحين !! يآسلام أنا بعد عندي مشاعر وأحاسيس وطآقة ! أنا بعد أبي أرتاح في هاليومين .. عندي جامعة وعندي أعمال وعندي ملخصات ! وبعدين معقولة حتى عيالهم موكلة بهم آنا ؟!! هذا غير السوق أو المكتبة أو روحة معينة .. آخر من يفكر يطلب آنا لأن هاليومين لاخواتي المسكينات وآنا لاحقين علي !! والمشكلة ياليتهم وسط الأسبوع على طول ينفذون اللي أبي !! عقب الحسرة وعقب أسبوع وعقب الدموع وعقب تدخل الواسطات يتنفذ ! أما حضرة الأخت المتزوجة من تدق وهو طاير لها ، لأنها مسكينة محتاجة ! وأنا لو أبي كتاب للجامعة بكره ، لاحقين عليك !! يعني الأخت الكريمة عندها زوجها ، وأنا أولى بأخوي منها لكن طيب طيب إذا جو يروحون زواج مع أمي أو لنفاس أو هالسوالف ، تعالي اسمعيهم .. فلانة صعبة نروح كلنا من بيمسك البزارين ؟! يجيك الرد : هو وغزال وش شغلها .. بتمسكهم !! هنا ماأصبر وأنفجر وأقوم القيامة !! يعني غزال تبع شغالاتكم .. حتى المشاورة ذوقاً وأدباً ماتشاورونها !! لا وبعد وش شغلها ، وهي كل أربعاء وخميس مابقى إلا تهمز ظهوركم !! وتعالي شوفي الردود : ( ماعمرك خدمتينا )..الله لايحوجنا .. حتى أخواتك بتمنينهم .. إلخ !! أنوآآآآآع نكران الجميل .. وأنواع التجريح .. وأنا وقسم بالله ماأكره شي فـ حياتي قد ماأكره المن ، لكن اللي يجحد غصب تذكرينه باللي سويتيه كوده يقدر !! ومع ذلك أتعب ع الفاضي ويستمر الجحود ! وتجيك أمي وتقعد تترجآني أعتذر .. قال إيش .. قال أختك الكبيرة المتزوجة .. ع الأقل قدريها .. انتي ماوراك شي .. هي ورآها زوجها وحمولتها وبتعبين نفسيتها زيادة !!!!!!!!!! وقسم بالله أمرض هنا ! وأعتذر وكني مطعونة بس عشان أمي ! وتعالي شوفيهم عقب هالمناسبة .. ولاأحلم بكلمة شكر إلا تحقيقات واستجواب !! غزال زياد يقول إنه رقى فوق المظلة وينك عنه ؟! آها لو طاح !! غزال نورة تشكى من عينها من ذاك اليوم .. وش جايها وينك عنها ؟!! غزآل .. غزآآل .. غزآآل واللي يزيد الطين بلة .. اخواني كل حياتهم ملاعب وكورة واستراحات وجمعات ولو يتكرم واحد ويودينا مشوار خمس دقايق .. تعآآآلي اسمعي كلام أمي اللي يقطر عسل : تعبناك معنا .. ياسعد اللي بتاخذك .. شكلك نعسآن ومشورنا بك .. الله يوفقك .. الله يسعدك !!!!!!!!!!!!!!!!!!!!! وأكتم عبرتي ويمشي الحال !! صديقتي ( الروح بالروح ) عندها أختين متزوجات بس ، وقسم بالله ماأشوف معها شي وأسألها من وين شرته إلا الجواب : والله مدري فلانة جابته لي ، هذي هدية علانة يوم ترجع من السفر .. هذا جايز لأختي وجابت لي مثله .. ودآآآآآآآيم .. فلانة مرتني أروح للسوق تمشيني .. فلانة بتمرني نروح نتعشى .. يا حبي لفلانة بتحطي لي حفلة نجاح ....... !! وأنا أسمع وغآآآآية أحلامي كلمة تقدير بس .. كلمة شكراً بس !! إلا ياحسرة ينشره علي لو ماأهديهم هم وحواقيلهم بعد ! أغراض الجامعة ياما جابتها لي هي .. عشان هالأخوان يالله متفضين لأعمارهم وللمتزوجات والله إني أنحرج ودايم تقولي أبد حتى أخوي يقول هي تامر أمر .. اسم إني رايح أجيب لك انتِ .. وإذا قلت لأمي قالت عادي أنتِ معطيتهم حقهم مايكدون عليك إلا أبد الله يقويهم ويجزاهم خير !!! طيب وهالمشورة .. خصوصاً إن عندي اخوان ويبدون علي عيال الناس.. مب شي يفشل ؟!!! وأقسم لكم بالله .. إني إذا رفعت يدي أدعي .. أول من يجي على بالي صديقتي وأهلها وأدعي لهم .. وآخر من يجي على بالي أهلي !! أدري الحق يعور القلب بس وش أسوي المشكلة الأكبر .. إن موضوع البيت أثر على نفسيتي واجد ..انعكس علي حتى برآ البيت .. وصرت أعصب على أسباب تافهة وحساسة من أدني شي ! إلا ماسمنت إلا من هالسالفة ، بس أعصب وأحط حرتي في الأكل !! وعلى الفكرة .. أنا مافكرت حتى أجيب سيرة نفاساتهم ( كنت كآتبة هنا سجن أبو غريب بس استغفرت ربي ) لأن هذا لحاله يبيله موسوعة عشان أتكلم عنه وعساها تكفي ويــــــــــــــآآآقلب لاتحزن : / شوركم جعلكم للتوفيق والتقدير والسعادة __________________ \| توقفٌ حتى حين \| قلبي يُقرأكم دعوآته وأصدق أمآنيه والســلآم ! آخر من قام بالتعديل ●غزآل العآرضية~; بتاريخ 20-03-2009 الساعة 08:25 AM.