[شاعر-الإحساس]

صباح لايليقـ الا فى اعضاء منتدى بريده ستى..او..مساء لا يفوقـ اعضاء بريده ستى

أحتراما لمن احترامنى وتحيه عطره لمن اهتم بقرائة موضوعى وشكرا وعرفان لمن يرد على موضوعى مقدما

والله طفح الكيل.....مليت


الانترنت صار مقرف .اول نفتحه ندور شي يوسع الصدر, الحين ما فيه الا الاكله هذي مسرطنه, والعصير هذا يسبب صلع ,وكيس الخبز اذا شقيته بدون تفك الربطه يسبب سرطان في الابط,والصابون اذا حطيته في فمك يسبب سرطان لثه.والله مليت

كل شي مسرطن .كل شي ضار ..الله ياخذ بليسكم اذا كل شي مسرطن وضار وشلون عشنا.حتى الحب قالوا مسرطن..والشطة الي فيها مادة سو بي كورا مي دقني دقني دقني دق دق دق !!!..مسرطنه

الجح الي يباع في عز الصيف مسرطن.الماء الي تشربه بعد الوجبه يسبب حوله..

طيب ياخي غصيت وشلون ادف اللقمة .اموت الله ياخذ ام الاشاعات..لا والمصيبه اذا صار مصدر الاشاعة شركة تعال شوف.شركة سنكرس تستخدم زيت الخنزير عشان تدعم اسرائيل!!!.

والله يا جماعه من كثر الخزعبلات تلخبططت الافكار.الشماغ اذا لبسته والمرزام مقلوب يسبب سرطان في الاصبع الصغير من رجل شغالتكم(عشانها هي اليي تغسله)

بلد خربان..كله اشاعات

واي شي تلقاه عندك ومبسوط فيه يقرفونك فيه ويقولون يسبب مرض.مثل عندك الخيار

تحبه ولذيذ والسلطه بدونه ولا شي .يطلع لك طلعه ويقول ان الخيار كبير الحجم يسبب سرطان قولون ولا معدة ولا اي شي يضيق صدرك

طيب ياخي السؤال الي يطرح نفسه...



الخيار كبير الحجم وش يستخدم فيه!!!!! رد



[BLINK]هذا كوم وتراه ما يخلص وخلونا نروح للكوم الثاني [/BLINK]

________________


[GLINT]الكوم الثاني [/GLINT]

مليت من الرسايل الدينيه المكذوبة .كلها احاديث مكذوبه ومصطنعه.واخرتها يجي يقولك

قل هذي الجمله؟؟؟؟؟الان كسبت 398321 حسنه..على كيف امك هي .توزع حسنات

لا ويقولك انتبه لا يضحك عليك الشيطان ارسلها .انتبه تضغط دليت ترا اصل كلمت دليت


delete = devel



وتعني الشيطان

تلاحظ انا اول حرفين نفس الشي

de
Vوبدل.
L. بحرف
L يعني لا يضحك عليك الشيطان



Tوحرف

معناها تخسي تضحك علي



وصدقوني انا كتبتها وبعد فترة بتجيكم اشاعة وان مخترع الكيبورد يهودي



ياخذ ام الخزعبلات يا شيخ
انتبه انتبه ترا الشيطان واقف جنبك



ما درا ان الشيطان هو الي يضحك عليه وطاق معسل جنبه ويقول قم غير لي جمر


والملاحظ ان مصدر هالخزعبلات الدينية هو صغار السن والجهله . والا الي هم في جهه والدين في جهه ثانية..ما اقول ان انا كامل انا مثلكم بس ياخي قبل ما ترسل تاكد ان الاذكار يبغى لها تفكر وتامل واخلاص نية لله ..موب قاعد تقول الاذكار ومحمد عبده يدهر معك..
أو تكون من بعض مسوقين الشركات

سامحوني كل الحكاية ان الكيل طفح ..

وعلى دروب الخير نلتقى احبهـ

محبكم وآخوكم / شاعر الإحساســ