[تَــيَّــــار]

سلام عليكم صباخ .. ما تدري عن نخل جدي اللي بالصباخ وش صار عليهن

ثاني حاجة والله يانا دخلت جو مع توقيعك .. كم تبيعه >>خخخخخ

ثالث حاجة واللي هي أول حاجة بالنسبة لموضوعنا ...

إفتح لي قلبك ثواني .. وإسأل مجرب وصل إلى أروقة المحاكم بسبب دكتور ..

وقبل لأقول لك أحب إني أذكرك إنك أنت اللي أحدثت الثغرة على نفسك ..

أغلب الدكاترة ينطبق عليهم المثل اللي يقول [ خذ ما على الحمار ودعه يذهب ]

وشوري عليك خله يغيّبك ولا تروح له مرة ثانية .. عشان ما ينخرم الموضوع براسه

وأنت ما شفت اللوحة اللي بالجامعة اللي تقول { إما تحمّل ذل وظلم الدكتور أو سوق الخضرة }

طبعاً ماتقدر تشوف اللوحة لين تلبس نظارات من محل [ صكات بقعاء ] .. والجامعة تراه صبر ساعة

أما قولك بئس المقاييس .. لا تستغرب هالكلمة نص الدكاترة دواكير ماخذينهم يوم الجامعة بحاجة ..

اقتباس ولكن يبدو لي أن ضريبة الصدق هي الطرد من القاعة

لاتنظر الضريبة وتنسى الثمن .. أقصد الأجر إن شاء الله

بإختصار :
الجامعة تريد قبول وتسرية كل ما يقال .. عدم التردد بين الأقسام بسبب الدكاترة فكلهم واحد
ولا تفكر إنك بتاخذ حقك اللي بالورقة .. لذلك إحضر وإختبر والباقي على الله ..

وبالنسبة للطالب اللي يسأل : أنا أذكر كنت طاف بس أسأل .. ومرة قابلت بحدى الأسياب الدكتور وقال لي انت يافلان تحاول تختبر الدكتور .. والطلاب الله يهديهم يحسبون الدكتور ما يعرف شيء


نصيحة جانبية : لا تأجل ترم مقابل الحرص على البداية الجادة في الترم المقبل

أو الإنتقال إلى قسم آخر بدافع البداية بجدية .. ترى النجاح بالجامعة على باب الله ..



وجهة نظر ..