[~أدلع مهسترهـ~]

تراني اليوم فاضية عشانوا خميس ..

و قررت أقول لكم ذا الموضوع يارب يعجبكم ..

بقول لكم موقف صار لي مع التسجيلات ..

لا اله الا الله .. صلوا على الحبيب ..



مرة كنت أدور في سوق ..

السوق مليئ بمحلات الملابس ..

لفت عيني مل صغير مدري شنو ..

قربت له .. لقيته محل تسجيلات ..

قلت لأمي أبغى أدخل بشوف وش نزل أشرطة جديدة ..

دخلت ..

علطول للهندي ..

لو سمحت وش آخر شريط نزل للسوق ؟

قال شوف هذا شريط كويس و حيلو ..

أنا خذيت الشريط ..

أشوف شكل الشريط ..

الشريط محطوط عليه صورة المنشد و اسمه ..

الصورة .. رجال عليه غترة و محلق لحيته ..

و اسمه خالد عبد الرحمن ..

و انا متعودة ان كل المنشدين ما يحلقون ..

صح يخففون .. خليجية قريبة من التحليق .. بس مو تحليق تحليق ..

و من كنت صغيرة علطول اشوف صورة احد لحيته خليجية يعني منشد // محلق بالمرة مغني !!!

سألت مامتي ..

يماه .. ليه المنشد هذا محلق لحيته ؟

قالت مدري عنه ..

يماه .. طيب منهو خالد عبدالرحمن .؟؟

أول مرة سمع فيه !

قالت مدري ..

يعني يمكن انه منشد جديد ..

و الله فكرة حلوة ذا المنشد جديد خليني اكتشفه يعرف ينشد او لا ؟

بس منهو و ليه حاط صورته على الشريط !!!

قلت للهندي ..

هذ منهو .. ايش اسمه ؟

قال .. انت ما فيه شوف ؟؟

هذا خالد عبدالرحمن ..

قلت ايوة طيب شنو عايلته ؟؟

بس كذا خالد عبد الرحمن و بس ؟؟

قال .. انت ما فيه يعرف خالد عبد الرحمن !!!!!

انا بوجهي البريئ و عيناي المستغربتان ..

ايوة ما اعرفه ؟؟

قلت بنفسي اكيد انه قصيمي ليه مخبي عايلته الا انه قصيمي !!!

ما شاء الله علي قاعدة أخربط من نفسي !!

قلت للهندي ..

طيب حلو صوته اشتري الشريط ..

قال ايوة و هو مرة مستغرب ..

يعني تعرفون ( جح يدربي قرع )

أنا مستغربه وش ذا المنشد بلشت فيه ..

و الهندي مستغرب وش ذي البنت ما تعرف خالد عبد الرحمن !!

كل واحد مطير عيونه مو فاهم للثاني !!!

قلت :

طيب كم سعره ؟؟

قال كمس تأش ريال 15 . ريال ..

غريبة !!

دايما اشتريهم ب6 ريالات ليه هذا أغلى !!!

أكييييد انه شركة قوية و هذا منشد قوي شريطه غالي ويني عنه من زمان اكيد صوته حلو !!!

قلت :

طيب ممكن تشغله لي بسمع صوته ..

هو : ايش انت .. ايش كلام ممنوع فك شريط ..

قلت طيب عندك اشرطه ثانيه له بس بسمع صوته يعجبني عشان اشتري ذا الشريط او ما أشتريه ..

قال .. ايوة فيه شريط ثاني ..

و يجيب لي ذاك الشريط ..

و المحل كله سماعات ..

و الصوت عالي ..

و المكان فاضي ..

و شغل الشريط ..

طن طن ططن .. يآآآآآآآآه .. طن طون طاططنق !!!

أمي توحشت .......

هي !!!

ولد !!!

وش ذا يا قليل الأدب تشغل أغاني حرااااااااام !!!

الهندي : ايش فيه ..

ليه تشغل اغاني .. حرام ..

انا ابغاك تشغل لي المنشد اللي قبل شوي .. تروح تشغل اغاني ..

قال : انت ما فيه شوف لوحة كبير برى محل ؟؟؟

قلت .. لا

عساني بمشي و أقرأ اللوحات .. بيجي بكرى ما خلصت حاجة !

قال : هذا تسجيلات ما فيه اسلامي ايش يبغى انت ليه يدخل محل و ......... طب فيني هواش !!!

لا حول و لا قوة الا باالله ..

شرايكم بموقفي ..

نصيحة لوجه الله .. لا تدخلون محل الا انتم قريتوا اللوحة .