 |
|
|
|
|
05-04-2009, 10:30 PM
|
#1 |
|
عـضـو
تاريخ التسجيل: Feb 2009
البلد: وٍسِطَ آلزٍحِآمٍَ
المشاركات: 247
|
خلآآآآآآآآآآآص ملينآآآ وش ذآآآآ ..!!
,
(( الموضوع تقريبا موجه للنسونجيات...)) خلاااص مليناا وش ذا ..!! من جد الحياة صارت كئيبه مو مثل أول ..! ليييييييييييييييييه وألف لييه..؟؟!! الحل بيدينا اذا فكرنا بجدية وحاولنا نغير من أنفسنا .. ويكون آآآآآآآآخر همنا [ النـــ وكلامهم ـــاس ] ..! ,,| * * * * [][][] خوذوها حكمة [][][] {(((( كل ماقلت ثقتك بنفسك زاد تقديرك للاشياء الماديه ))))} نبدآآآ موضوعنا... خلاص.. وشو ذاااا.. ملينـا.. ما صارت !!! ما كتبت هذا الموضوع إلا من بعد ما حامت كبدي من اللي أشوفه قدامي .. ليه المجتمع الحين صاير سطحي بكل ما تعنيه الكلمه ؟؟ أنا أعمم هالكلام على الحريم والرجال بعد بس بعلمكم أو أقصد بذكركم (لأني متأكده انه الكل ملاحظ هالشيء) باللي يصير بمجتمع الحريم بما إني عايشة بمجتمع ستاتي .. تكلف بأبسط الأشياء ليه الناس صاروا يتكلفون بكل شي .. عزايم .. زيارات .. زواجات .. كل شي بمعنى كل شي؟؟ لو الوحده بيجيها أي أحد يزورها أول شي تفكر فيه وش بنحط ووش بنجيب ... لازم الحلى من المكان الفلاني ... والفطاير من المحل العلاني ... والسكر شكله كذا .. والصينية مدري وشي قايله كل ماهب و دب محطوط فيها ما بقي الا ينثرون على الأكل جليتر من الزبرقه الزايده .. ذاك اليوم أقول لأختي بجيب فطاير من المحل ( ...... ) اللي جمبنا قالت لآآآآآآآآ وع قروي ... من متى صار الأكل فيه قروي و مب قروي .. سلاماااااااات !! يازين أيام أمي كانت الدنيا بساطة كلن يزور الثاني والعشاء نواشف وان تحمسوا جابوا فول وتميس ... السالفة مب سالفة فقير وغني السالفة سالفة بساطة وتكلف ... وكلش كوم وإذا قال لك أحد والله الناس تقاطعوا هالأيام !!! كل هذا وما تبون يتقاطعون !؟  الهدايا ليه إذا ولدت الوحده صاروا الناس يتنافسون من يجيب الأغلى مب الأحلى ... تلقون إذا الوحده يجيها مدري كم طعش سله من باتشي واللي مثله وسعر السله الوحده ما يقل عن 500 طيب سله سلتين بتفتحهم والباقي حراام وش تسوي فيه ؟؟ .. ليه ما نسوي بيبي شور زي الأجانب وكل وحده تكتب قائمة بالحاجات اللي تحتاجها وتسوي زي الحفله البسيطه يجون فيها الناس منها انها ماراح يجيها هدايا إلا الحاجات اللي تحتاجها ومنها انه تجمع الناس مره وحده وما تقعد استقبل وودع طول فترة النفاس .. أكيد الناس بيستصعبونها بالبداية بس بعدين عادي بيتعودون عليها زي الحاجات الكثيرة اللي استنكرناها بالبداية بعدين صارت عادي مصالة بنات اليوم ليه البنات صايرين ماصلين وسوالفهم مره ماصله ؟؟ أكبر همهم فلانه وش لبست .. والمحل الفلاني وش نزل .. يااي مره حلوالفستان عليك (!!)... كلنا بنات ونحب هالسواليف بس مب عاد تصير اكبر همنا !! من متى الوحده حتى لو لابسه شي يحوم الكبد بس عليه اللوقو حق الماركه يصير كشخه ؟؟!! كننا مشفح  ولو وحده لابسه مرتب وألوانه حلوه بس مب ماركه تطلع قرقر ..  ما أتذكر قبل 6 أو 7 سنين كنا نفكر كذا أبدا .. وأكبر دليل على هالشي ان السعودية إذا جت تشتري شي ماركه معينه أهم شي عندها ان اسم الماركه مبين و وش كبره يعني مو شاريته علشانه حلو بس علشانه الماركه الفلانيه ... حتى الصغار صاروا لازم يلبسون ماركات ( لو سمحتوا ) والمشكله الأعظم انو تلقين البزر توه ما فقش من البيضه ويقول ترى البولو حقي من رالف لورين!؟ النت ليه البنات بايعين صورهم بتراب .. مسنجر .. فيس بوك ... تاقد .. وغيره وغيره .. يعني خلاص إذا حطيتي صورتك صرتي مودرن وكول ؟ وإلا كلش كوم وإذا جت وصورت يدها والا رجلها  ولو سمحتوا لازم تكون ماسكه بيدها شنطه ماركه .. هو الأساس بالصوره إنك تورينا يدك والا الشنطه ؟  ما أدري نضحك على تطليع اليد والا الشنطه !؟  المظاهر الكذابة ليه البنات بالمنتديات سبحان الله أكثرهم مصيفين بباريس  وعندهم كلب ( لو سمحتوا ترى البسه موضه قديمه) وسياراتهم مرسيدس وينادون أبوهم وأمهم بابي ومامي ؟؟ ترى مرررررره صدقناكم !! مهازل تحدث بالعزاء ليه الحريم صاروا يحطون ميك أب بالعزاء وشو ذا استغفر الله ... حطي بشفايفك مرطب ورتبي نفسك شوي ما نقول لا بس تجين بروج فوشي ولا مناكير أحمر ...  استحوووو خييييييييير   النت مررررة أخرى ليه الوحده تقعد الليل كله لميييييين تطلع الشمس عـ النت وتستخسر انها تصلي 10 دقايق قبل الفجر تدعي ربها فيها ؟؟ الكبـِر ليه الوحده صارت كل ما كبرت تكشيرتها وناظرت الناس بطرف خشمها صارت رزه و وااااااو ..  والوحده اللي تسلم على اللي ما تعرف والا عـ الأقل تبتسم قدامه مخفه والا معجبه باللي قدامها ... الرسول نفسه اللهم صلي وسلم عليه قال وتبسمك في وجه أخيك صدقه .... بس فيه أحد يسمع ؟؟ حفلات الزواج ليه الوحده إذا انعزمت على زواج صديقة صديقة صديقتها تدفع 500 1000 أو أكثر بعد على تسريحه بتقعد ثلاث ساعات هذا إن طولت بالزواج وتستخسر تدفع 100 ولا 200 على صدقة ؟؟ الناس قاعدين يموتون جوع وحنا قاعدين نضيع فلوسنا على حاجات سخيفة ليه بالزواجات كل وحده تناظر الثانية من بعيد وتقول ماني قايمه أسلم ..! ليه ما هي تجي تسلم علي ؟؟ المشكلة.. لو تسألون أي أحد عن اللي صاير بيقول انه موعاجبه الوضع..!! .. بس كلن يجاري الثاني ويقول مابي الناس يصيرون أحسن مني ..انا وش ناقصني بعد..! لازم أحد يبدا ويسوي شي ... لأن الوضع صاير من سيء لأسوأ..!! متى بنغير اللي قاعد يصير إذا كان الكل ساكت ؟؟ , للامانة منقول بتصرف بسيط....
__________________
 . |
|
| الإشارات المرجعية |
|
|
النمط الأحادي