[طاير بليا جناح]

هذه أول مشاركة ولن تكون الأخيرة بأذن واحد أحد
أخواني وأخواتي الأعضاء:
السلام عليكم ورحمة الله تعالى وبركاته .......................
تعال وشف المصايب اللي بالهبل في بريده
تبي نبدأ العد التنازلي
- في جميع الدوائر الحكومية أهمالات واضحة للعيان ولكن ليس هناك رقيب من الجهة المعنية .
- الوظائف طايره للغير (من أجانب وأبناء مناطق أخرى ) وعيال المنطقة أو المدينة أو المحافظة مالهم نصيب فيها .
- الخدمات من زفت لأزفت من الخدمات البلدية والصحية والتعليمية والأمنية وغيرها الكثير.
- رؤوسا أو مدراء الدوائر الحكومية ديكورات إعلاميه لو رجعت أحد هؤلاء في أي موضوع قالوا لك : رح للمدير الفلاني (يعني أنا ما عندي خلفيه عن هذي المواضيع لا تشغل رأسي ).
- تخيل أن مصيرك مربوط في رئيس أجنبي في الدوائر الحكومية يعني وش خلوا لشركات ولا ذا قالوا سعودية وينه ؟؟؟!!
- وإلا الواسطات بالهبل اللي ما عنده واسطة يروح تحت الرجلين ما هي بعيدة باكر نشوف الرشاوي تدهر هذا كان هي ما بدت .
- مسميات وظائف ذات أهمية ليس لها وجود غير المسمى والراتب أخر الشهر .
- كراسي فارغة ولو فيها أجساد ؟؟؟!!
- شف عمليات النصب بالدوائر الحكومية والنهب والكلك يعني الكذب على وذنه ونصيب المواطن الله يخلف راح تبون نضرب مثل : كم عدد اللي تم منحهم أراضي السنة الماضية بالنسبة لعدد المتقدمين أو السكان ولا 15% ولاحظ الأسماء حول بعضها قرابة يعني يطلعون أعيال خالي أعيال خالتي وأنا المدير وقدمتهم على الناس !!!!!!!!
- حنا جالسين نكتب بالنت وناسين الجرائد والإذاعة والتلفزيون بكل مجال حاولوا توصلون أصواتكم .
كل اللي أنتم شايفينه من سبب صمتنا وتهاونا
قالوا : (يا فرعون وش فرعنك) قال : ما لقيت أحد يلمنْ أو ( يردعنْ )
لا تنطبق علينا المقولة ( قوم وش كاري ) ما فيه شي أسمه (وش كارك اليوم في جارك وباكر بدارك) .
هذا الموضوع نبيه كل شكوى في أي قطاع بدون تحديد أسماء أشخاص أن تطرحها هنا .......

أبدأ بنفسي أنا خارج المدينة ولي سنين طالب بنقل (وضيفة شاغرة ) وإلى يومكم ما حصلت وإذا حصلت قال المدير العام روح نسق مع مدير الفرع إذا وافق أنا ما عندي مانع كثر خيرك وأنت تدري أنه فيه وظيفة شاغرة مالك صلاحية صلاحيتك بالميزانية فقط (صح )