[صافي*]

انه شارع الخبيب وما ادراك ما شارع الخبيب

والله اني اسمع من خمس وعشرين سنه انهم يفكرون يحطون جسور وانفاق سمعت هذا وانا في المتوسط . طيب وش نقول عن حالنا الان وهل ينفع الترقيع وازالة الرصيف حتى عانى المارة وبدو يسيرون على الشارع . نعم نعم شارع الخبيب وما ادراك ماشارع الخبيب اهم شارع في بريدة وهو عصيب الحياة فيها واهم شوارعها لذى سمي شارع الملك عبدالعزيز رحمه الله ومهما حاولت تبحث عن بديل لا يوجد بديل ناجح لشارع الخبيب لا يوجد في المدينه طريق سريع يشقها مع الوسط من الشمال الى الجنوب فالى متى شارع الخبيب اهم من طريق الملك فهد لان المدينه تمشي بالتجاه الشمال والذي يريد ان ينتقل من الشممال الى الجنوب يعاني ويعاني لانه لايوجد كما قلت طريق سريع يشق المدينه مع الوسط

والله لو هو في المدينة التي عانا جنوب كان تلقاه كباري وانفاق ، هم يتمنون الزحمة علشان يعتمد له مشروع لكن الديره ماتحتاج وحنا لازم نعاني ونصيح ونموت علشان يجيك مشروع بطلعة الروح ، والدليل مع انها ماتبي دليل كل- نعم كل- وليس بعض مشاريع بريدة جابتها الحاجة الماسة جداً . وكل- نعم كل - مشاريع تلك المدينه جابتها سواعد ابنائها حتى ولو وصل الامر الى سرقة مشاريع الجيران .

ووالله ثم والله لو ان مدينتي فيها رجال زي الموجدين هناك كان شفت المدينه بشكل أخر مختلف عن الوضع الحالي وكانك في قرية ، كان وجدت المدينة كلها جسور وانفاق وكباري ، بل ووجد في المدينة المذكورة شي والله ماشفته الا بالرياض لا يوجد في بريدة امسك الدائري الغربي ورح جنوب ولا توقف ابد الى ان ياتيك ذلك النفق الكبير العظيم ونتبه للحركة المرورية تدرك انه ليس هناك مايدعو الى وضعه ، ثم ارجع الى بريدة وشف الختناقات المرورية في كل مكان ، وكانك انتقلت الى ولايه اخرى تابعه لدولة اخرى فقيرة بالمشاريع كفانا الله شر كل من يقف حاسداً لها ، او غير مبالي بها معقول هذي العاصمة والامارة عندنا وامير القصيم ساكن معنا ليش ما نكسبه زي ماكسبه الآخرين ونخليه يحبنا ونحبه ، تحسبونه مايحس برفع اخشومنا عليه وكبريائا كل واحد من حاط روحه امير وشايف نفسه فوق الناس وما ضرنا الا هذا ندعي الدين وهذي اخلاقنا مع بعضنا الله يهدينا كبريا وجفاء واننانية مفرطة كل واحد مايهمة الا جيبه ولا مدينته عساها بالحرقه ليش مع ان حب المدينه فطري ، الرسول حب مكة حبا شديدا , ختاما ما اقول الا الله يهدينا