هل الخليجيون، بل السعوديون، بل القصمان، بل أنا أفضل الناس ؟

الحد · 11-05-2009, 10:08 AM

أبوعلي وأبو صالح : رجلان كبيرا بالسن يحبون يجلسون بأحد (العيّر) يسولفون ، يحشون بذا ويمدحون ذاك ، وكل واحد قاعد يهّمز الثاني ، المهم كل يوم لهم موضوع يسولفون فيه .

يوم من الأيام قاعدين يطالعون الأخبار في بلدتهم بريدة في القصيم.

أبو علي - وش قاعد تفكر فيه يا بو صالح؟

أبو صالح - أفكر بهالدين العظيم اللي انتشر من أقصى الأرض الى أقصاها. ناظر هالمسلمين الصينيين.

- و الله أنك صادز (صادق) يا أبو صالح.

- بس ترى هذول ما يعرفون من الدين الا القشور. طبايعهم زي الأجانب، بس يصلون. المسلمين الصدز هم العرب اللي يفهمون القرآن و الأحاديث.

- و الله أنك صادز يا أبو صالح.

- و بعد ترى موب كل العرب مسلمين صحيحين. عندك هالشوام و المصاروه و المغاربه و الله حتى ما يصلون صلاة ربي. ان بغيت المسلمين الصدز تراهم أهل الجزيرة و الخليج.

- و الله أنك صادز يا أبو صالح..

- و موب بعد كل الخليج.. ترى كل هالدول تسمح بالخمر و بالكنايس، الدين الصدز هو ديننا حنا يا أهل السعودية.

- و الله أنك صادز يا أبو صالح.

- بس عندك بعد أهل الشرقية فيهم شيعة و حريمهم ما يغطون وجيهم، و أهل الغربية حريمهم بعد ما يتغطون و يشيشون، و أهل الشمال حريمهم ما يتغطون عن رجالهم و يجلسون معهم و يضيفوهم. و أهل الجنوب مثل ما انت خابر عندهم بدع واجد. الدين الصدز هنيه عندنا في الوسطى و القصيم.

- و الله أنك صادز يا أبو صالح..

- بس ترى عندك هنا في الوسطى الناس يتتنون (يدخنون) و يسمعون موسيقى و العياذ بالله. الدين الصدز هنيه ببريدة.

- و الله أنك صادز يا أبو صالح..

- بس بعد في بريدة موب كل حارة زي الثانية، ترى أكثر أهل بريدة مركبين دشوش و يشوفون القنوات الماجنة. ما فيه مثل حارتنا مافيها و لا دش واحد.

- و الله أنك صادز يا أبو صالح...

- بس الله يهديهم جيراننا موب دايم تشوف عيالهم في المسجد، و لا تشوفهم دايم في صلاة الفجر. الصراحة يا بو علي ما فيه في الحارة يصلون الفجر دايم في المسجد الا أنا و انت.

- و الله أنك صادز يا أبو صالح..

-بس أشوفك يا بو علي هالأيام ما تخشع زين في صلاة الفجر!!
..............................

صح القصه خياليه وما جت عدل ، بـــــــــــــس " الصراحة " هذا هو الواقع اللذي نعايشه مع كل أسف .
كل واحد منا ، بل كل أهل منطقة ، بل كل سكان دولة مــا ، بل بعض الشعوب أو القارات أو الأعراق واللغات أو اللون والجنس ........... كلٍ يحـــــس أنه هو أفضل شخص وأنه كامل دينياً وخلقياً .

يجب أن لا نزكي أنفسنا ، وأننا أفضل الشعوب ، بل يجب أن نسعى لكي نصبح من الأفاضل دينياً ودنيوياً ،، فلا أقول إلا اللهم أرحمنا برحمتك يارب العالمين .

11-05-2009, 10:08 AM	#1
الحد عـضـو تاريخ التسجيل: Mar 2007 البلد: بريده المشاركات: 663	هل الخليجيون، بل السعوديون، بل القصمان، بل أنا أفضل الناس ؟ أبوعلي وأبو صالح : رجلان كبيرا بالسن يحبون يجلسون بأحد (العيّر) يسولفون ، يحشون بذا ويمدحون ذاك ، وكل واحد قاعد يهّمز الثاني ، المهم كل يوم لهم موضوع يسولفون فيه . يوم من الأيام قاعدين يطالعون الأخبار في بلدتهم بريدة في القصيم. أبو علي - وش قاعد تفكر فيه يا بو صالح؟ أبو صالح - أفكر بهالدين العظيم اللي انتشر من أقصى الأرض الى أقصاها. ناظر هالمسلمين الصينيين. - و الله أنك صادز (صادق) يا أبو صالح. - بس ترى هذول ما يعرفون من الدين الا القشور. طبايعهم زي الأجانب، بس يصلون. المسلمين الصدز هم العرب اللي يفهمون القرآن و الأحاديث. - و الله أنك صادز يا أبو صالح. - و بعد ترى موب كل العرب مسلمين صحيحين. عندك هالشوام و المصاروه و المغاربه و الله حتى ما يصلون صلاة ربي. ان بغيت المسلمين الصدز تراهم أهل الجزيرة و الخليج. - و الله أنك صادز يا أبو صالح.. - و موب بعد كل الخليج.. ترى كل هالدول تسمح بالخمر و بالكنايس، الدين الصدز هو ديننا حنا يا أهل السعودية. - و الله أنك صادز يا أبو صالح. - بس عندك بعد أهل الشرقية فيهم شيعة و حريمهم ما يغطون وجيهم، و أهل الغربية حريمهم بعد ما يتغطون و يشيشون، و أهل الشمال حريمهم ما يتغطون عن رجالهم و يجلسون معهم و يضيفوهم. و أهل الجنوب مثل ما انت خابر عندهم بدع واجد. الدين الصدز هنيه عندنا في الوسطى و القصيم. - و الله أنك صادز يا أبو صالح.. - بس ترى عندك هنا في الوسطى الناس يتتنون (يدخنون) و يسمعون موسيقى و العياذ بالله. الدين الصدز هنيه ببريدة. - و الله أنك صادز يا أبو صالح.. - بس بعد في بريدة موب كل حارة زي الثانية، ترى أكثر أهل بريدة مركبين دشوش و يشوفون القنوات الماجنة. ما فيه مثل حارتنا مافيها و لا دش واحد. - و الله أنك صادز يا أبو صالح... - بس الله يهديهم جيراننا موب دايم تشوف عيالهم في المسجد، و لا تشوفهم دايم في صلاة الفجر. الصراحة يا بو علي ما فيه في الحارة يصلون الفجر دايم في المسجد الا أنا و انت. - و الله أنك صادز يا أبو صالح.. -بس أشوفك يا بو علي هالأيام ما تخشع زين في صلاة الفجر!! .............................. صح القصه خياليه وما جت عدل ، بـــــــــــــس " الصراحة " هذا هو الواقع اللذي نعايشه مع كل أسف . كل واحد منا ، بل كل أهل منطقة ، بل كل سكان دولة مــا ، بل بعض الشعوب أو القارات أو الأعراق واللغات أو اللون والجنس ........... كلٍ يحـــــس أنه هو أفضل شخص وأنه كامل دينياً وخلقياً . يجب أن لا نزكي أنفسنا ، وأننا أفضل الشعوب ، بل يجب أن نسعى لكي نصبح من الأفاضل دينياً ودنيوياً ،، فلا أقول إلا اللهم أرحمنا برحمتك يارب العالمين . __________________ [FLASH="http://dc13.arabsh.com/i/02516/8w6m2jy9iuyw.swf"]width=400 height=350 t=0[/FLASH]