[ابو مسي]

بسم الله الرحمن الرحيم
بدون مقدمات ندخل الموضوع عـ طول ..... الى متى احنا على هالحااال وين بلدية بريده عن شوارعها والله صرنا نمشي (( بمطينه )) ماكأن فيه شوارع عااد هالمره مصخووها اول كنا ندخل الشاارع تلقى فيه عشر طعش مطب تطلع من الشااارع السياره ترقص كأنك راكب هزاز الشاارع تشوفه كانه قرطاسه انا اول مره اشوف شارع (( يتعرفط )) عاد تاصل اننا نمشي بوســــــــــــــط بريده بدون شارع نمشي على مطينه اعتقد كلكم شفتوا نهاية طريق الرواف مقابل اسواق الهبدان وانت متجهه لأشاره المحكمه والله لو نمشي بنفود كان اصرف اقالهم بيسون تجديد للشارع وشافو الشاارع جديد قالو لا زم نحفر فيه غريبه ماحفرنا بالشاارع ذا ..
والله الشارع اللي بطريق الرواف يقطع الكفرات ..
والله انا شفت شايب الاسبوووع اللي راح اول مادخل الشااارع شااف الغبراات ضغط على الفليشر على باله عجاج او عاصوف وقف بنص الشاارع هالشاايب ياحول وش ذنبه لو يصدمه احد واهو واقف بنص الشاارع من بيطالب بيروح للبلديه هاذا اذا كان حي,,, انا مأطيل عليكم بس كل اللي ابي منكم انكم تتفعلون معي بهالموضوع ونصير صوت واحد ويوصل صوتنا للبلديه ..
المشكله اننا ببريده عاصمة القصيم روحو شوفو عنيزه والبكيريه والرس وناظرو شوراعهم ونظافتهم تشوف هالشوارع مأكأنك بداخل السعوديه تنظيم ونظافه انا مأقول الى الله يكون بالعون ويكتب اللي به الخير