 |
|
|
|
|
31-05-2009, 09:04 PM
|
#1 |
|
عـضـو
تاريخ التسجيل: Jul 2006
البلد: بريدة ،
المشاركات: 4,970
|
المٌبدع فتى المدينة .. والإخوة الفُضلاء .. تعالوا إلى كَلمةٍ سواء !!
بسم الله الرحمن الرحيم ..
أسأل الله أن تكونوا دوماً بتمام الصحة والعافية .. وأن يملأ حياتكم فرحة ووئآم وحُب وأمن وسعادة ! أحبّكم !  ورب الكون أحبّكم ! آه بس منكم !  بصراحة بتكلم باسلوب عفوي جداً .. ماودي أعفّط الهرج منا ومنا يقالي اسلوب وفاهم ! ودائماً الكلام العفوي يطلع من القلب ويطب صلقاطي بالقلب ! ياعيال .. والله ماهوب أنا اللي أنبهكم ! وأنا ما أسوى شيء عندكم .. ! لكن تعرفون إن هالمنتدى وهالقسم بالذات يدخله ناس واجد من غير بريدة ! وصاير واجهة من واجهات المنتدى .. ومن زمان وحنا نبنيه لين قوى وتمّكن .. والآن بدينا بهدمه !! بعض الأعضاء يرسل رسائل تنبيه وربما هواش ووو على وضع المنتدى الحالي والشيل والحط فيه .. والحقيقه إنّه ما قال شيء غلط ! الوضع يفشل وزفت بزفت ! والبعض الآخر ربما تكلم بإشراف الصوتيات وإنه محطوط بس رزّة ! وحنا والله نتابع ودخلونا بكل وقت ولا يخفى علينا شيء ! لكن ياخوان نحسّب لحذف الرد ألف حساب ! والله ياخوان اني كثير أشوف رد ( يحوّم الكبد ) ثم إذا شفت من الكاتب أتركه غصب عني ! يعني واحد فاهم وما عندك بأحسن منه .. وش جابن أنا وأشكالي عنده ! ودائماً أمشيها وأقول ربما مزحة أو كلام عابر :/ والحقيقة قبل كذا كله إني أستحي ألمس ردّه ! وأحسب للحذف ألف حساب ! اللي أبوصله يا اخوان .. ولا أحد يفهمني إني أتشره أو كذا ! لا والله .. المقصد الأول والأخير مصلحة المنتدى وظهوره للناس بصورة أحلى ! هو فقط تنبيه .. وأتمنى الجميع يعمل به ! بالنسبة لأناشيد الأخ فتى المدينة .. فالحقيقة أنّها تسوؤني أنا والمشرفين والإدارة الردود التجريحيّة والاستهبالية .. وكثير نضطر إننا نقفل الموضوع .. والحقيقة إنّه مو من حقّنا نقفله ! يعني مافيه شيء غلط .. ولا فيه مخالفات ! المخالفات فقط في الردود ! لكن لو كانت الردود جميعها مخالفة والموضوع غير مخالف .. الحل الأمثل الإغلاق وإلا أصبح الموضوع (زبالة) تكرمون :/ ! لذلك .. أتمنى من الأخ فتى المدينة مواصلة إبداعه .. ومن أراد النقد فلينقد نقد هادف وجميلٌ أن يترك معه كلمات تشجيعيه ! لأنها تبقى في القلب .. وتجعل المنقود يقبل النقد بصدر رحب ! أما الردود الـ(هـاجة) فمصيرها الحذف، وإذا تكرر من أصحابها ذلك سيتم إيقافهم وأتمنى أن لا يحصل ذلك .. الأمر الآخر .. يشهد الله أني ترددت كثيراً في كتابة هذا الموضوع .. فأرجوا أن يؤخذ بالإعتبار كتنبيه فقط .. والعتب والله من المحبة لكم وللساحة الخضراء ! الأمر الأخير .. أعتذر من الأخ فتى المدينة ذكر إسمه كمثال في هذا الموضوع .. والمقصود من ذكره وضوح الصورة وجذب زبائن للموضوع .. وليس والله استحقاراً أو استضعافاً للأخ .. فإبداعه ملموس وليس لأحد أن ينكره ! أشكركم على قراءتكم حروفي المبعثرة .. وأتمنى أن لا تؤاخذوني على هذا الاسلوب و(حوق) اللغة وخلطها بالعامية :/ ! سلااااام عليكم (F):$
__________________
 من التقاطاتي التي أفتخر بها لمدينة بريدة .. آخر من قام بالتعديل الفـــارس; بتاريخ 31-05-2009 الساعة 09:39 PM. السبب: وهـ وش أنا قلت ! ص1 |
|
| الإشارات المرجعية |
|
|
النمط الأحادي