[اميرة من زمن الحب]

اقتباس المشاركة الأساسية كتبها جوجووو اميرة من زمن الحب تحطين الزيت بعدين تحطين عليه الحنا ؟ احس الفروة ما تستفيد من الحنا اذا كان عليها زيت ,, انا شعري جاف واحب الحنا بس الحنا يجففه , واذا قلت للوالدة ابغى احط معاه زيت قالت الزيت يمنع استفادة الشعر من الحنا , وش رايك ؟ معذرة ع المداخلة

لا والله ماهو صحيح هالكلام....
انا من ايام ماكنت صغيرة احط الزيت وبعدها احط الحنا ....واحيانا اعجن الحنا بشوي زيت وموية دافية...
والله ان كان شعري حلو وكثير واني يوم صرت بالمتوسط كثروا خطابي بالعروس من زينه

سويها واتكلي على الله.....
بس للمعلومية ....اذا كان شعرك تعبان مرة.... ومن زمان ماحنيتيه..... تراه بيطيح عليك كثير....
لان الحنا يطيح الشعر التالف والضعيف ويطلّع بداله شعر قوي ....

يعني انا اول كان اذا تأخرت عن الحنا يقوم يطيح شعري واعرف ان هذا الضعيف ...
واذا قعدت فترة وانا اهتم بشعري يقوم يطلع شعر جديد اشوف قصير عند المنابت.....
انتي جربي مانتي خسرانة واذا شفتي شعرك زان اعتمدي الطريقة....لان الشعر الجاف فعلا الحنا ينشفه وعشان كذا لازم الزيت......
الله يجزاها خير جارتنا العتيبية هي اللي كانت تعلم امي كذا... وكان شعر بناتها الى الركب كثير وناعم ماشاء الله تبارك الله....
الله ينفع به ان شاالله وتستفيدون....
دعواتكم يالغاليات.....