[Ali Ezzat Begovich]

فيه قطري تعرفت عليه ، رجل محترم وخلوق ومؤدب مثل أكثر أهل قطر ، مرة من المرات كنت اسولف معه على الماسنجر، وسواليف ووناسة واخبار وسعة صدر، وحنا في غمرة السواليف فجأة وكالعادة للأسف انقطع الكهرب ، وياشين لا انقطع وانت خاش سواليف وسعة صدر ، المهم ضاقت بي الدنيا وشتمت شركة الكهرب ألين دخت وزاد الطين بله أنه وقت الانقطاع كان العصر والحر على أشده ، المهم شفت الاخ القطري من بكرأ على الماسنجر ، قالي سلامات رحت فجأة من الماسنجر ليه والرجال يقول خفت عليك احسبك جاك شي ، قلت له ياقلبي أنت ماتدري حنا من شهر وحنا والكهرب شيل وحط كل يوم طافي ، قالي ليه وش فيه قلت مادري يقولون شركة الكهرب فيه ضغط ، قال أنت تكلمني من السعودية ولا من دولة أفريقية ، قلت لا من السعودية وش فيك ، قال حرام عليكم دولة عندها فلوس وعاجزين تحلون مشكلة الكهرب ، قلت الشكوى لله خلها بالقلب تحرق مابقى ، قال تصدق عاد ، قلت وشوووو ، قال الكهرب عندنا بقطر ابلاش ولا ندفع ولا ريال وابيوت اهل قطر تقل بالقطب المتجمد المكيفات كلها شغاله والانوار ماتطفى ولا ندفع ولا ريال للشركة كل هالشي متكفلة فيه الحكومة ، والله ومير وأحك راسي مادري وش أقول ، ماقلت ألا يحق لكم والله موهب حنا الله يخلف ، قال وأزودك من الشعر بيت , قلت وشووو ،، قال أن الدولة قبل ثلاث سنين زودت سعة الطاقة الكهربائية بسعة تستطيع انها تشغل مدينة كاملة بحجم الرياض ، يق، سألته متى آخر مرة انقطع الكهرب عندكم ؟؟، قال من يوم انولدت ماعمري شفت كهرب عندنا منقطع، حتى لو صار فيه اعمال صيانه يشبكون المولدات على مولدات احتياطية ؛ بعدها انجمت قلت اللهم من الشكوى لك شركة الكهرب تمن علينا والكهرب غالي وانتم ابلاش وبيوتكم تقل ثلاجات ماشاء الله ولا فيه أمل ينقطع الكهرب , بعدها أقام المسجد قلت بعد اذنك بصلي وبطلع عندي كم شغل ، رحت صليت وخلصت شغلي ويوم جيت للبيت لقيت الكهرب طافي . . .. . .