 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
21-06-2009, 04:54 PM
|
#24 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
ياكهرباء
سوا لإناقش معك الموضوع مع اني متأخر جداً لم ارى الموضوع إلا من الصباخ جزاه الله خير
وقتً طويلاً .. يعني كم ؟ وهل استغرقت 30 سنه تقصد ؟ هالإجرارات الأمنية؟ وغيرها اما املاك المواطن هذي كثر لي منها حبيب البي املاك المواطن أخر مايلتفت له
اوكي كلام على العين والراس طيب وينهم كل هالسنين ؟ ليش توهم يلتفتون ؟ لاتقنعني ان الشركة من 30 سنه وهي على هالعمل فالأكاذيب اللي صرح بها رئيسكم كذب في كذب يبي يسكت الجمهور فقط
اي دولة بالعالم لازم لها تزايد سكاني وهذا عذر غبي عاد معقولة الشركة ماتعرف ان السكان سيزيدون انت لو قايلي ان في دولة ثانية دخلت دولتنا كان اقول معذروني فجأه جاء ضغط قوي لكن السعودين يتازيدون وتأتون تاخذون احصائيات من بيوتنا وتعرفون كم هو النمو السكاني والله العظيم ان الشركة لم يكن هذا مبررها بل مبرر غبي جداً جداً
. لا حبيبي انا اخالفك انا لدي عمار واعرف فيها المقاولين موجودين وكثر لكن قل المقاولين القله هم (الرخيصين) ولاادفع يجيك ياخوي لو اجيب لي طاقم عمل وكادر من خارج السعودية الشركة مهب عجزه عن هذا
يعني تبي تقنعني .. انكم حاولت ومسكتوا سرا في طابور الكابلات وقالوالكم خلص؟ ياشيخ ودي أصدق بس مخي قال مهبول انت فاستحيت اصدق بصراحه طيب ليش مانناضر الدول الأخرى ؟ وشلون أخذت الكيابل هذه ؟ ولم يطفى الكهرباء عندهم صيتنا في الخزي على انطفاء الكهرباء وصل للهند الله يفشلكم
ههههههههه حبيب قلبي ممكن تقولي شركة الكهرباء .. كم تعد اكبر شركة في السعودية وكم في العالم إنها الثانية بعد ارامكوا من الغبا تجي للموضف تقوله نبيك تكد مليون ساعه بـ 1500 ريال إحمد ربك إذا ماتفل بوجك اضربوا رواتب صح وبدلات فأنتم شركة خاصة وليست للدولة مثل ماصرحتم اضرب بدلات زيادات والله مايطلع الموضف منك انا لو اجيب اخوي اصغير يمسك ادارة الشركة كان خلها أفضل شركة بالعالم
كذب التخطيط لم يدأ أبداً والتزايد العمراني ليست حجة لكم فلو ذهبت لستشفى شهار حق شركة الكهرباء لقالوا لك نعم ان السعودية في ازدياد في عدد السكان ولو كانت الشركة ماتنهب دراهم (لكنك ماتقدر تصرح) لكانت عمل خطة خمسية ولوضعت مولدات احتياطية تستطيع تغطي افريقيا بأكملها وتستطيعون على ذلك قلي بالله لماذا الدول الأخرى لم يطفى الكهرباء لديهم ؟ لماذا فقط السعودية ؟
اي أخوة ؟ انتم خليتوا فيه اخوة الله يلعن من كان السبب اللهم يجعله في قعر جهنم انا أول من يشغل جميع الأجهزة في البيت ولن أراع هذه الإرشادات وكل ماقلتوا هالكلام وانذليتوا بعد ماكلتونا أكل بالفواتير تقولون اخوة الله يلعن الأخوة اللي تجي من ورا هالكلام حنا يابا لسنا في اولى ابتدائي ولا بالروضه تلعب علينا تاكلونا الدراهم وتقولون قللوا تخربون مكيفاتنا وثلاجاتنا واجهزتنا وتقولون قللوا؟ والله العظيم لو بيدي ذرة من الأمر والله ما أغلي ولا لمبة في جميع البيوت حتى مراوح الهوايات لا اشغلها واي شي يسبب لكم الإزعاج لا اسوية ماوقفت على الفاتورة كل عمرنا نسددها غصبن علينا عسا من اكل هالدراهم يحدرهن موسة حلاقة وشضايا قزاز على الأقل في هذا الوقت ليش ماتحذفون الفواتير وتقولون ارشادات
أداؤها أفضل مانبيلكم أداء إذا هذي ادائها افضل 30 سنه يامجرمين 30 سنه وتقولونها وبي فخر والله قمة التخلف لا والله مهب أفضل قولو مادامه تشتغل وشوله تغير والدراهم بالمخبات ودخلنا بالأسهم وراحت وحنا الضحية وبعدين الغبي اللي يشتري شي ويعرف ان مافيه قطع غيار الحين مادام الغيار مهب موجود ليش ماتغيرونها ؟ جعلكم للفقر
تقليل التكاليف؟ لا قل لأن الدباشة ركبتهم ولا شركة كبيرة تسوي هالسوايا وكل اعتذار اقبح من اللي قبله قسم بالله
هههههههههههههههههه شكلي ابنقل هالنكته لقسم كشكول ياعمي انت تقول اشياء البزر مايصدقها كم مواطن عندك ؟ كم بيت مفتوح كل بيت 100% ان عندها كهرب رسوم عداد وفواتير ونقل ومادري ايش تقسم الظهر هذا غير دعم الدولة والأسهم ياشيخ طير
يعني إذا جلست على الكمبيوتر وطفى الكهرب اقول إشاعه ترا الكهرباء ماطفى اشاعه همن اقعد قدام الشاشة السوداء ايقالي اتصفح الانترنت وانا اقول اشاعه ههههههههه شي نشوفه بعيوننا ونحس فيه ياعمي اي اشاعات وخرابيط طيب سؤال من يعوضنا في الأجهزة العطلانه والمكيفات الخرابنه ؟ لا احد
__________________
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
| الإشارات المرجعية |
|
|
النمط الأحادي