[HILUX GLX]

بسم الله الرحمن الرحيم


وبعد.


ابوصالح جالس مع ابوراشد بعد صلاة العصر يسولفون ويقطّعون الوقت


= = = = = = = = = = = = = = = =

أبو صالح : افكر بهاالدين العظيم اللي طلع من مكة المكرمه وصل الى اخر الدنيا‎

أبو رشد : آآآآآيه ،،، يالله أما لك الحمد والشكر على نعمة الإسلام ... أسلم يا بوصالح

أبو صالح : بس لايهمونك دين اهل اسيا الوسطى واوربا والله مابهم من الاسلام الا اسمه‎

أبو راشد: والله انك صادق يا بوصالح‎

أبو صالح : ولا يهون دين هالشوام والله مهب اللي أنت تبي يا بو راشد

أبو راشد : والله انك صادق يا بو صالح

أبو صالح : وإلا هالأفارقه والمصاريه والسودانيين متصوفه ومبتدعه ومهب هم والاسلام ولايف

أبو راشد : أي والله يا بوصالح انك صادق

أبو صالح : إن بغيت الاسلام بهالديرة بالسعوديه وبس

أبو راشد : نعم نعم ،،، والله انك صدقت

أبو صالح : وبعد والله مهوب دين كل اهل هالديره على اللي أنت تبي يابو راشد

اهل الشمال : دينهم سمح

اهل الجنوب : اهل بدع وزيدية واسماعلييه مالهم من الدين الا اسمه

وأهل الشرقيه : رفضه وشيعه والله ما خذو من الاسلام الا اسمه

واهل الحجاز : مبتدعة صوفية ماهوب والله اللي انت تبي يا بوراشد‎

أبو راشد : نعم نعم الله المستعان

أقول يابو راشد : ان بغيت الدين والله في نجد والباقين خلهم على يسراك

أبو راشد : أنا أشهد يا بو صالح اسلم

أبو صالح : اييييه ،،، والله حتى أهل نجد دينهم مهب على اللي أنت تبي

اهل الرياض : واللي حولها شرابين للتتن ويشوفون الدش والله مادري عن دينهم يا ابوراشد‎

أبو صالح : أقول خل عنك بس لا بغيت الاسلام تراه عندك بذيا بالقصيم

أبو راشد : ايه بذا ايه

أبو صالح : والله بعد مهب كل أهل القصيم ترى دينهم مضبوط لك عليهم

اهل عنيزة : واللي حولها يبعون التتن ويلبسون كبك والدشوش مليانه با السطوح‎

أبو صالح : أقول إن بغيت الدين والله تراه بذيا عندك ببريده‎

أبو راشد : اييييييه والله صدقت نعم نعم

أبو صالح : حتى أهل بريده لك عليهم شوي مهب كلهم مضبوطين

طلعت هالاستراحات ومايندرى من اللي يشوف الدش ومن اللي مايشوفُه

خل عنك بس : ان بغيت الدين (كما اُنزل) ترى بحارتنا بذى

أبو راشد : صدقت يا بو صالح

أبو صالح : لا بعد مهب كل أهل الحارة انتبه

هالشباب اشوفهم يسحبون رجليهم للمسجد تقل انهم مغصوبين على الصلاة‎

أقول خل عنك بس ، والله مابوه بالحارة الا انا وانت يابوراشد‎

أبو راشد : الظاهر مابوه الا انا وياك وإلا الباقين الله يخلف

أبو صالح : والله اني اشوفك بعد انت منتب تخشع بالصلاة الظاهر مابُه إلا أنا ...




مع تحيات :HILUX GLX

















للتواصل:abo_abdulah_199@hotmail.com