[جساس]

أقول للي يدخل هالموضوع تراه سخيف مره ولا تضيع وقتك في قرايته
إلا إذا كنت مصر
طيب براحتك

كان لنا هذا اللقاء مع بعض الحيوانات لتعرف عليها ونتعرف على هواياتها في وقت الفراغ
ماذا تفعل ؟؟

واين تقضي الصيف ؟؟؟


=مرحباً بالسيدة سلحفاة ( مالها علاقة بالسيدة ......... )

- هلا ومرحبا حياكم الله

= وشلونتس يا خالة عساتس طويبه ؟؟ <----- الهم لك الحمد شكلي أنهبلت

- الحمد لله والشكر مابلا نتمشى في هالعشب وأكل وشرب ( طبعا في قسم الخضراوات في اليورومارشيه )
= لا تطولين الهرج نبي نتألتس عن وقت فراغك وش تسوين فيه
- أبد ما أسوي شي أصلح مطازيز في الصبح وفي العصر أتمشى على زلاجاتي
= ماشاء الله يعني مستغله وقتس زين
- إيه أحسن من شباب هالأيام ما بلا هياته في الشوارع بلافايده - تحب يدها وجه وقفا -


= طيب ياسلحوفة نبي نشوفتس وأنتي تتمشين
- طيب يابعدهم كلهم يا سراجي بينهم ( بدت تغازلني مشكلة الحلوين هالأيام مايرتاحون )


* هذي صورة لها وهي تتمشى في ربوع اليورومارشيه




بعد ذلك وعدناها في أمل اللقاء بها في سوق آخر وفي دوجة أخرى .


-----

ثم إلتقينا بالست بقرة

بعد أن رأيناهاتضع أحمر شفايف على براطمها

= هلا بام الخير
- وش أم الخير جعلك ما تشوف خير أنا توني بكر شايفني عجوز

= لا وش دعوى يا أم هاني

- إيه كذا زين اسم دلع على الأقل

= المهم حبينا نعرف عن وقت فراغك وش تسوين فيه ؟؟؟

- أبد أسوي ستيك لحم بقر وآكله أنا وبنت جيراننا عناق هانم وفي الليل أروح على السكوتر حقي لسوق العلف في شارع عسير أرقم $%#@$$%^$% أقصد أشتري لي علف

= بعد ما تلخبطت البقرة بنت البقرة أنحاشت بالسكوتر وأستطعنا إلتقاط هذه الصورة لها





------

ثم شاهدنا كلب راقي فوق أثلة ويطل على مدرسة البنات
وقمنا بتصويره
شوفوا معنا عشان محد يقول إني كذاب



وبعد تصويره بلغنا عنه الشرطة و طقوا في يديه الكلبشات وأثناء إركابهم له سألنا عن ما يفعله فقال : كنت أقز البنيات اللي في المدرسة ، وقصدي شريف لا تفهموني غلط أبي أدور لي بنت حلال وأتأهل

= طبعاً إحنا ما فهمناه غلط أبد

فيه أحد فهمه غلط منكم ؟؟؟؟؟؟