[سراب القايلة]

السلام عليكم يا شباب , هذا خبر طازج وآخذه من مصادر موثوقة مية بالمية ,

اليوم رحت آخذ أختي من المجمع المتوسطة والثانوية السادسة عشرة , المهم قعدت أحتري أختي عقب الصلاة يوم جت وركبت بالعادة تسلم وتسولف إلا اليوم واستغربت اعرف اني قلت شكل اللي ركبت مهب أختي وجيك ألتفت وقلت يا هدى قالت نعم قلت هو أنتي وإلا لا : قالت إيه أنا . قلت : وراك اليوم لا سلام ولا كلام وشبس .

قالت : اليوم علقنا وتقعد تصيح , وااوك وشلون اسكته عاد الحين
قلتله : ونهوبه علقتوا وش السالفه .
قالت : المعمل حق المختبر احترق علينا وجن المدرسات ونزلوا كل الطالبات حقين المتوسطة والثانوية تحت بالحووش وبه طالبات إغمى عليهن وبه طالبات عجزن يمشن من الروعة وصاربه صياح ونياح والمدرسات بدن يصيحن وكلموا على الدفاع المدني والإسعاف وجن موجهات من الرئاسة وجاء بعض أولياء الأمور ياخذ بناته وصارت خبصة كل هالصبح ,

قلت : طيب به أحد مات ؟.
قالت : لا به بنات إغمي عليهن .

قلت : وش سبب الحريق ؟.
قالت : يقولون إن الفراشات بالمدرسة غسلن المعمل بفلاشات وبه مواد لا تقبل الفلاشات وعلق المعمل .. ويقولون إنه إلتماس كهرب .هاء هاء وأنا ما أدري >>>>>> هاء هاء يعني تهرج علي وهي تناشق من الصياح >> بلا تنكيت لا أقنعك

وهذا الخبر إنه شب حريق بالمدرسة وجت الحمد لله بالسلامة >> أحسبه الجطيلي

لكن يوم قالت إن المدرسات قعدن يصيحن مت من الضحك قلت الحين حريق والمدرسات هن اللي يصيحن بدال ما يطمنون الطالبات ويهدونهن هن اللي يصيحن

ويقولون بعد خلهن يسوقن وشلون لو يفقع به كفر سان ما عنده إلا الزعاق وااااااو واااااااو وش جانا منيرة وش أسوي >>> عاد منيرة تزعق لا مر من عنده صارور هع

بس المشكلة لو صاير به وفيات سان وش يصيربه سان السبت الجاي مهب دمج سان خلاص يطقون الأسامي خديجة مع فصل خالد , والمشكلة مالهم به سنع لأن المبنى هذا حكومي مهب مستأجر ,, لكن حسبي الله عليكم يا علمانين إبليس .

المهم وياله ياله سكت أختي لا عاد الطامة الكبرى يوم دخلنا البيت وشافتنا أمي وشافت إعيون أختي متنفخه من الصياح . قالت : وشبكم من صدمتوا ؟.. وااوك بغيت أنتحر والا أسوي عمليه استشهادية .. واقعد أحلفله إنه ماصار شي ,, وأختي يوم شافت أمي انفجرت بالصياح ومثل ماقال ( من شاف أمه بان غمه . مثل عجز ) وأمي تقول وشبس تصيحين واقول لمي السالفه . قالت : جاتس شي وتقعد تناظره مع كل جهه حتى اصبعه الصغير كعدت تناظره ... الحريم نشبه والظهريه راحت فلانه جاه شي وبنت فلان جاه شي . وكل بنت بالمدرسه وش سوت يوم جاء الحريق ..

المهم الله لا يبلانا ,, ويحفظنا من كل شر ,,
وجت هالمره بسلامه بس به إغماء ولا صاربه وفيات فالحمد لله ,,

وهذي قصة الحريق من طئط للسلام عليكم ..

المراسلة : أختي هدى >>> واحد خربه وقال اسم أخته >> عادي تحسف انه قاله هع

مجرد رأي : من الكيبورد
سراب القايلة