 |
|
|
|
|
10-10-2003, 08:24 PM
|
#1 |
|
عـضـو
تاريخ التسجيل: Sep 2001
البلد: &^ ضراس المحتلة ^&
المشاركات: 3,476
|
= سعفة و مـطـعـم يـامـال الـشـام =
بسم الله نسير وعلى بركته نبدأ هيك أصة وحكاية أكتير حلوة من شان الشباب الحلوين وانتم في هالموطوع لازم نحكي لكم أصة الرحلة عالرياط أقول لا يكثر قرقك لا هالحين أشلق وجهك تشليق وانصف خشمك هالديرة الي سنه راس بدوي عاد البدوي مثل الضبعة ولد الريح يلتفت كله تقل دش دولي لازم يديور جميع حنا أعوذ بالله تقل طالعين برا السعودية وتقل أول مرة نشوف هالي شفنا الواحد يذكر هالمطعم بكل حياته أنا رجالن تخبرونن يهج بي لساني وكود مقدمات ومؤخرات وكود أشرشح لي البدو وأأهزء لي كم واحد <<< مهب عاقل تنعر بن شداد :D:D قوي على الضعافين هالمساكين أسد علي وفي الحروب نعامة ...... كليل أقاسيه بطيء الكواكبِ أنهمرت بهذا الموضوع من باب سيرو تكونو خلف ركبان وخلف هذي تفسيره هي عائلة الخلف عائلة محترمة مرموقة تعيش وسط بريدة يأكلون الذرة والأقط والأرز <<==== فاتحن درس فقة الاخ :D:D من الذرة 45 درجة مئوية ومن الأرز العضمى 30 درجة مئوية والسفلى 45 درجة مئوية ومن الشعير العضمى 25 درجة مئوية والسفلى 88 GLX درجة مئوية <<<< = = = = قايلن لكم حسن كرّاني قعد به :D تال عمر الشايب يقلب الهرج لنشرة جوية عااااادي زي السلام عليكم وعليكم السلام ورحمة الله من تبي منزله أبي منزل التويجري لا والله غلطان طيب شكراً منزل التويجري آآآكلين به عيش هالعرابجة الي يعازلون ياخي هالي يغازل ذا وراه ما يقول منزل المشيقح ولا منزل الربدي ..... يعنـــي أقل شيء يزين التسذبه خلاص الناس تعودو على التويجري <<==== ياشينه بعد طوله :D:D __ نرجع لموضوعنا ،، عاد تصدقون ما ادري بأي سالفة أنا أيه أثرنا بموضوع سعفة ومطعم يامال الشام عاد شكلكم ما سمعتوا بالمحشش الي فتح محل نظارات بجنب مطعم يا مال الشام سماه ( يا مال العمى للنظارات ) ( باك ) :D أنا داري إنكم مانتب مصدقين إني متعشين بمطعم يامال الشام حتى بالرياض ياربيييييه سجلووه بس ألي معي حلف انه يعشين قلت بوجهه يا خلفهم خل نشوف هالمطاعم الفخمة حنا بالعادة إن فسقنا فسقنا قلنا نبي نضرب بالمليان أكلنا أم خمسة همبرقر لا وبعد نقول شل الجبن علشان يطيح ريال نشري به عصير لا تقعد تناظرنا أنت يالي تقرأ ..،،، تراه أبوشفاط بريال مهب ألي بخمثه ألمهم السالفية ومافيها يا حبيب تسلاي أنت أيها القارئ الباليه <<<== من زمان ما صبخه أحد على وجهه وتعرفطن خدوده أنا أبحاول جاهداً أني لا هرجت بالسالفة ما أطلع يمين ويسار أهرج بسالفتن ثانية همن عاد أضيع ،، صز لازم فوق راسي رجالن أتكانه يتلن وخذ يا تـقـنـيـع لمين يصير راسي تقل قدر المستودع الخيري :D:D :D:D :D:D أقولكم دخلنا المطعم وأنا كاشخ بالثوب الشاسف أقول والله يا حنا نبي نضرب بالمليان خويي الصراحة انه متمدن قووه ويفهم للمطاعم أمر يقولي ألحقن وسو زيي قلت يالله زيك يعني زيك وأشوف الرجال يسحب طوفرية ويحط به بادية بيضا وأجيك ويقالي عشر سنين بهالمطاعم وأسحب طوفرية وأشوف خويي الله يجزاه خير يغرف من هالابيض الي يتمغلص تسنه زبادي مرجوج <<=== الله يا مرجوج والله إني احبك :D:D وأغرف بالصحن قلت وخر عن ويغرف من البني ألي تسنه تسلا بعرصي وأغرف وراه ألمهم ما عرفت من ذولي الا المكرونة وأناضره بعين قلت أوليه عليه قالي خويي يا غبي هذا بوفيه مفتوح خذ الي تبي قلت هماك تقول خذ زيي عاد التنسيم أحتري هالعامل يغفل شوي علشان أذوق من هالغريبات الي يبلصن وأناظر به شيء أستغفر الله والشكر تسنه تطريش وحده حامل هذا استغفر الله العظيم مهب تطريش مره حامل هذا تسنه تطريش عجوز مضرع ألمهم داري الله يحوّم تسبدي بس عاد ميخالف التشبيه يسوي أردى صز أني ما أستحي على وجهي وفاهر ولا عندي دم :D:D:D$$ يقولون قابل الصياح بالصياح تسلم $$:D:D:D بشرى سارة /// إفتتاح مستودع هيئة الإغاثة العالمية الإسلامية الكائن غرب شارع الأربعين جنوب الجوازات عفواً عزيزي القارئ هذا فاكس وصلنا للتو من الشيخ المتصل نرجع إلى ستوديوهات سعف والكمرة الآن في مطعم يا مال الشام قدام الشاشة الي تدور الي يالله نتهجاه تهجّي تقل ساعة الملعب ? أقولكم ويوم وصلنا الحساب وأنا أناظر يارب وش يبي يصير هالحساب وأتغيفل خويي وأقعد اسأل الهندي عن ذولي الي مغلفات وأشوا تعدي بسلام ويحاسب خويي قلت تمااام دبرنا هذا الهرج المهم ويوم قعدنا قلت هالابيض الي أنا غارفن منه وشوبه يوكل قالي بخبزه يوم ناظرت ولا ما معنا خبز أمر أقطر عرق قلت لا يصير هالحين الخبز بقروش عاد فرحن أن هالطلب عدا بسلام ما حاسبت وأروح لم الهندي الي منرز بذاك قلت حنا شارين منكم عشا كامل ودافعين قروش مقدماً ،، عدّاً ونقداً <<==== متليع من الاقساط :D:D:D قالي هاه آمر شو إبغا <<< سوري مهجن بهندية :D:D قلت يا الحبيب الغالي حنا قدر الله علينا و ما معنا خبز <<====== يطقق أصابعة و ينقم اضفوره قالي طيب أمر أبوهنود يمر من عند حقت المحاسبه أمر تطيح قاعتي قلت بس والي شك لي فاتورة قالي حاسب وأشوا أثره رايحن يصخن الخبز وقالي خذ الي تبي ببلاش يوم سمعت ببلاش قلت تمام " شي بلاش ربحه هين " والله اني ما ادري هي بين ولا هين أنا سامعه من امي هيلة والعهدة على امي هيلة وأروح لخويي قلت عاد شف ....... بديت أرز خشمي قلت هالحين أنا جايبن الخبز وأنت عليك العشاء تخيل تخيل يا خويي انه مابه خبز وشلون نآكل أبحسسه أني جايبن شيء .. يعني تراي قاط <<< ===== أمحق من قطيه يا الجلدة أييييه ويتعشون عليهم رحمة الله وأنا أتعشى وأمد أيدي منا ومنى ويطيش سعفة في الصحفة <<<<< أمووووت على اللغة :D:D وأقولكم وأنا مادن أيدي قلت لخويي ياخي ما أدري وراه صار كمـّـي ثقيل ناظرن قال يا الخبوبي أرفع كمك ما تشوف روحك غاطن الكم بالمتبل قلت أنا أممممم تذكرت العجوز الي معه زوجه رايحين لمطعم الي طاحن ذوليك بالشوربه --- عاد انتم تعرفونه أستحي أكمله :D:D ويوم قضينا ونروح للمغاسل وأول ما دخلت المغاسل وأجي وأوقف خويي قلت بسرعة دبر لنا حل أكيد به ناس قبلنا بدوات مكسرين العراوي حقات الماء وأعرق واتنافظ وأتدوكر قلت لا يصير ورانا أحد يحسب حنا ألي مكسرين الحنفيات واويلاه ليتنا متمحشين بثيابنا وطالعين أسلم لنا كل عمرنا الوعد الكم ما أدري وش طورنا إلا يعني بمغاسل والي غرمونا ،،، رفعت أيديني وقلت بريييئ بريييئ أيوالله وشن ذولي مصنوعات بدون حنفيات يا ربيه يا ربيه تصدقون عاد حلف حلف ... قلت بس هالحين تنفرج وتسني أعرف أفتحهن وأعرف كل شيء يوم شفت خويي يمرمر أيده ويصب الماء قلت بس الفرج قريب أثره ويلتفت أنا يمين وأناظر ولا به الشامبو ما ادري الصابون وأضغط الله والعالم عشرين ضغطه .... هماوه بلاش وأمرمر أيدي يعني يا خويي شف تراي أعرف وأغسل بسلام وغديت ما يحتاج ريااااضي وأدور الفاين وألقا هكاللفة وأسحبه بس أعلمكم بغيت أمصط أحسبه مثل الي بقصر الارياف تبتل تسحب وأثره على فاين فاين ،،، بس مجهود رياضي صار التخريط بالدورة الله يكرمكم من سحب هالفاين :D:D ما بقى الا جنز وأطلع من الرياض مزيوووووون وحركات بس باقي هاللبس أنا مانب أهتم بروحي أخاف أنحت أستغفر الله العظيم يا جماعة ما ودي أتطنز بروحي ولا واحد قالي استغفر ربك لا تقعد تتطنز يبلاك الله صز ايوالله يا جماعة هالي استفيد منه أبعلمكم عليه الواحد لازم يشكر الله على النعمة ويقول يالله لك الحمد على هالنعم ... بالشكر تدوم النعم لا أحد يقول يا أولى ابتدائي يا مدرس التعبير ويتطنز تراي مولمن خيرزانه والله لا ألجده لجد أخليه يصيح عند أمه <+<+< === صاير مصقال الي يجي بمواهب وأفكار :D:D وأنا من طلعتي من هالمطعم وانا متحسفن بشيء ،،، قولو وشوا ما أخذت مناقيش والله ياهي قهر ،،،،، علشان يقالي ضاربن بالعلالي آكلن كل ألي عندهم أيه ويالله سترك وعفوك وأبن آدم سبحان الله العظيم مثل الإنسان لا وطته تريله مات ولا طاحت عليه صاعقه توفى واللبيب بالإشارة يفهم ومنكم وإليكم ومنكم نستفيد وخذ الحكمة ولو من أفواه المجانين وأنتم خلوكم مجانين بس أغدو رجال <<<< ما تجي صح هههههههه باليه بتالي عمره وما بقا بالعمر كثر الي مضا <<<<< دايم يسمعه من جده :D وأغدي مدحت يقط معي ونفتح مطعم بالصفراء ونمسيه _مطعم ( يا مال الدقم ) للأكلات السمائية سلحفات و ضبان ومجموعة سحالي وحميض وبسباس هذي سلافة قلت نتحف الشبيبة به علشان بس نسوي موضوع هالحين بس تراه مهب يعني اني يعني بس السالفة ومافيها إني يعني تراي متعشي بهكالمطعم ولا مهب جود والجود من الماجود واحنا نكمل بعض وياراكبن من عندنا فوق ثنتين وحدة سبيزتن بالحيل بالحيل والثانية مشيه هه أهه هه أهه و/ـ/ـ/ـــلامتكم وانتم سالمين وغانمين وكل عام وانتم بخير بمناسبة عيد الأضحى المبارك أعاده الله علينا وعليكم باليمن واليسر والبركات هطلت أمار غزيرة على ضواحي بريدة مما إدى إلى جرح أثنين وإصابة آخرين في منطقة الجزاء والعقاب والعقاب هو محل الذهب حق العقاب <<<< يخلف ربك هج به لسانه يا جماعة أمسكوه ترانا لنا شوي قاضين من الموضوع ما ادري وش مسكنا سالفتن ثانية يدافع البلا يدافع فرقعين جدتي هيلة وتقبلوا يا شباب فائق مطخاتي وجغفاتي المتدودلة لحبكم ويا حبيلكم كلكم وكل الحضور والي بدا ينود من قراية الموضوع قولو له عاد هذي الدنيا وjjjـــــــــــــلام أليكم خبيبي
__________________
 |
|
|
| الإشارات المرجعية |
|
|
النمط الأحادي