[** حَـنيـنُ الأُخـوَّة **]

بسم الله الرحمن الرحيم ...


في ربوع ابها البهية .. كانت الرحلة .. وعلى قمم السودة بالتحديد كان موقعنا ..


هواء عليل ... ومناظر جميلة << لولا أشعة الشمس التي كانت تصلنا بقوة وشووق .. وفي موضوع متفائلة كانت تفاصيل رحلتنا ..



ذهبنا للسودة في وقت مبكر ... ولكن استعدادي للطبخ بدأ مبكرا من بعد صلاة الفجر في الشقة ..
ليس لصعوبته ولكن للتقليل من الأغراض المنقووولة للبر ..

الطريقة بالتفصيل :
تنقسم لمرحلتين مرحلة الاعداد قبل الخروج ... والمرحلة النهائية في موقع الرحلة .

مرحلة الاعداد :


غسلت الرز الكافي .. ( بيالة لكل نفر .. مع زيادة عدة بيالات .. لأن الأكل في البر شهي .. وأنا عيني شرهة ) وبعد غسله وضعت عليه ماء قليل وغطيته .

قطعت البصل وحمسته وأخذت جزء منه للبزلة .. وخلطت معه ليمون اسود مطحون وصفار ..

قطعت الدجاج - كل دجاجة لأربع قطع - وغسلته زين ثم إلى القدر مع البصل المحمووس .. أضفت الماجي الابيض .. والملح وشوية فلفل .. وخليته على النار شوية بس تقريبا 5دقايق ..أو اقل ..
الحين خلصنا من الاعداد ... لاحظوا كل هذا قبل نطلع من الشقة ...
ويوم رحنا للبر وقبل موعد الغداء بساعة تقريبا .. شبيت على الدجاج بنفس قدرهن .. وقطعت كم حبة طماط عليهن .. وقصرت عليه بدون ماء .. وممكن تضيفين شوية ماء لو حبيبتي ...أو لو حسيتي انه ناشف مرة ..

وخلاص اتركيه على النااار لحد ماينضج الدجاج تقريبا نص ساعة ..


وبكذا انتهينا من الدجاج ..
وهذي صورته بعد ما خلص :






الحين نجيب قدر ثاني كبير يكفي كمية الرز الي بنطبخه ..

نحط ماء وماجي (توابل الرز الأبيض ) وزبدة ونتركه لحد ما يغلي .. بعدين نحط الرز عليه بعد مانصفيه من ماء الغسل .. طبعا الموية ماتكون كثيرة لأن الرز مغسول من بدري .. وفائدة غسله بالشقة توفر الماء النظيف .. ومنعا للكسافة وتوفير ماء الغسيل .. ههههه نظرة اقتصادية ...والمفروووض حطيت حبحبر بس مالقينا للاسف .. لذلك أنصح واوصي عشاق السبايسي أن يحضروووه من ديارهم العامرة .. و للحبحر مذاق مميز ورائحة عطرة وخاصة إذا فتشتي قدر الرز ورأيتيه متربعا على قمة الرز ..

نكمل .. نخلي النار عالية نوعا ما .. لحد ما ينزل مستوى الماء عن الرز وبعدين نقصر عليه ( نمل حسب رواية البعض ) .. وبعد 10دقايق تقريبا نضع البزلة على الرز ونوزعه على كامل السطح ( البصل المحموس الي زيناه بالشقة .. تذكرونه ؟؟ )

ونجيب كيس خذار مجمدة .. (( مهب زبيب يا أستاذتي بنت الشماسية )) ونوزعه على سطح الرز .. بيكون ذايب لأنه من زمان مطلع من الفريز ..
طبعا الهدف من وضعه هو تجميل الرز من فوق لأن الدجاج بيكون منفصل عن الرز ..

المهم نراقب الرز لحد ماينشف .. ويصير احلى نثرية بإذن الله ..

وهذي صورة القدر وهو على النار ..




وهنا صورة القدر بعد مافتحنا الغطاء :





[COLOR="Green"]وجااااءت لحظة الانتساب ( التقليط في رواية )

وهذا الرز لعيونكم الحلوين :







وخسارة نسيت أصور الدجاج بالصحون حقته .. لأني ماحطيته فوق الرز عشاني مسويته بطريقة تشابه المعرق للي يعرفونه .. << مشهور بالكويت ..

وقدمت معه طماط وخيار بصحون مستقلة ..

وماننسى فاكهة أبها ..



وطبعا المفرووض أصور لكم صورة السفرة النهائية ... لكن تعرفون كنت لاهية وراحت من بالي ...


اتمنى تجربون طريقتي الي يمكن تكون عادية بنظر البعض لكن يميزها قلة الحوسة بالبر خصوصا مع الجلال والغطاء ,, يعني تسوين أغلب شغلك وانتي مرتاحة .. وفي بيتك ..


و إلى لقاء آخر معكنّ حبيباتي في عالم انثى .. تحية خاصة لمن قامت بتصوير الغداء ( متفائلة ) لها مني كل الحب ..