عادات غـريـبـه و غـبـيـه وعربجيه مانقدر نتركها !!!

الزورق · 14-10-2003, 05:41 PM

خواطر عربجيه
تحملوها
لأنها ما تجي إلا عند النوم
يعني أفهموها على الطاير

بصراحه عن نفسي يخطر في بالي مواضيع كثيره ومواقف تستاهل الكتابة لكن عيبي انه افكار وبناتها مايجوني الا اذا حطيت راسي
على المخدة وسميت بالله ونويت المنام يجون طايرين تقول شياطين وهي وبناتها يقعدون فوق راسي وانا عيوني واقول خلاص هالموضوع بكتبه واقدمه للشباب في المنتدي وما اصبح اصبح الا ويروح كل شي ولا عاد اذكر شي من الفكره واحقد على افكار وبناتها لكن مره سويت فيها ذهين ولعبت عليهن حطيت بجنبي ورقه وقلم واول ماوصلن
زي العادة وانا اللي اقوم بكتب الافكار اللي هن يقولن لي مادريت الا وهن الخبيثات ماخذات الورقه والقلم ومغبينهن عني

لكن ابشركم صدنا كم فكره وجمعتهن منا ومناك ووجلست اطقطق بالكيبورد عليهن لين ماطلعن موضوع وكاله
في الحقيقة مافيه موضوع بالمعني اللي يدور في اذهانكم لكن هذا الله مير يسلمكم جلست في ضحويه بالبرنده واشرب من دلة القهوه قرطوع جلست افكر في حاجات غريبه واسئلة غبيه في انفسنا يعني حاول انك تلاحظ نفسك فيها او من حولك لكن انتبه تراك بتتعب وانت تجمع هالملاحظات تحس انك نفسيه

بعض الناس عليه اسئلة غبيه مالها داخل او موضوعه غلط بالمره تخيل واحد يتصل عليك وانت جالس في مطعم او كافي
ويسألك وينك ؟ طبعا راح ترد عليه وتقول انا في الكافي وان كانك ماتبيه تقوله قريب وش تبي المهم بعد الحاح طويل بتقوله انا في كافي شوب يقولك : طيب وش تسوي ؟ بكل بساطه بترد عليه : جالس احلق سكسوكه بحكم انك سعودي فهذا ردك يعني واحد جالس في كافي شوب وش يسوي يعني اكيد جالس يتقهوه والله تحس انه سؤال غبي عموما لاحظ على نفسك هالعادة اكيد انت دايم تسمعها ودايم ترددها على اللي حولك

والمصيبه الثانيه والطامه الكبري انك اذا انت تسولف مع اي واحد تعرفه او ماتعرفه وانتم واقفين لازم تشوفه حاطن يديه على المنطقة الحساسة وتلقاه جالس يمعط في سرواله ليش انا ما ادري ؟؟؟؟ لكن لاحظها في كل واحد توقف معه

اذا انت جالس في مطار او مستشفى وماسك سرا تنتظر دورك لابد ماتشوف واحد جالس يعفط خشمه والا واحد يدخل اصابعه في اثمه ويجلس ينظف سنونه قدامك والمشكله اذا طلع شي من بقايا الطعام يجلس يطالع فيها قدامك ثمن يدخلها مره ثانيه في فمه حشى ماتقول ادمي تقول بقره تجتر نفيع

انا مايقهرني الا العجز اذا راحن للعروس ماغير تقلب عيونها في بنات الناس وتجلس العجوز تطالع في البنيه من فوق الين حدر والبنت تستحي تلتفت على هالعجوز تشوف وش تبي والمشكله العجيز اتديبش ماغير تطالع في البنت وش في لابسها وياماجت قدامها وياما راحت من وراها الى درجة انها لازم تشوف وش نوع قطع البدي الداخلي وكم مقاسها والبنت ملبده ماتقول ولا كلمه واذا خلصت العجوز من المناظر التفتت على البنت وقالت وع مالت عليك طيب يومها وعه وش بلاك تناظرينهابغيتي تاكلينها بعيونك الله يشبص مناخرك

والا العجوز وسيعت الوجه ماعندها سنع ولا ذرابه، الكلمه اللي بقلبها على لسانها وماعندها باحد تجيك بنيه فرحانه بفستانها ومتكشخها الحين وينها عند روحها وهي لابسه فستان بدون اكمام مزلط والبنت ياحبيلها جايه تسلم على الحريم
وتجيك هالعجوز تنط بحلقها وتقولها بصوت عالي قدام الناس : يابنيتي (( لاحظو المقدمه علشان تنحرج البنت وماترد عليها )) يوم انك لابستن هالمقطع وراها مانتفتي اباطك
والبنت اول ماتسمع هالكلمه تستحي هالمسكينه تروح تجلس مكانها وهي لابستن عباتها والعبره خانقتها والمشكله ان ابطها منتوف الين غدى تقول صلعة احمد بدير
لكن بعض العجز مايتركن العيارة والطنازه متئصله فيهن .

وعندك بعد القراويه ثلاثه مايتركونهن لو تطورو : لو صار ماصار لو عاشوا في اوروبا والدول المتقدمه مايتركونها
عندك (( ناه الطيارة . وحطت الخبزة على الفخذ . وكل ....... )) هذولي مايتركونهن ابد

وبعض الناس اذا شاف شي لازم يعرف وش هو . يقعد يغثك الين يعرف وش اللي معك والا ترا راسه بيعوره المهم يعرف علشانيخف هالصداع اللي عنده واذا بغيت تتأكد من هالشي اجلس سولف مع اي واحد قله مادريت عن فلان ثم وقف وقله اوه معليش انسى الموضوع مايخصك ماتدري الا وهو ناط بحلقك والله ان تقول وش الموضوع ويجلس اليوم كله يلزم عليك ويغثك بالتلفون والا يطق باب بيتكم المهم يدري عن السالفة حتى لو مافيه سالفة لازم يحط سالفة .

14-10-2003, 05:41 PM	#1
الزورق عـضـو تاريخ التسجيل: Sep 2003 البلد: قصيم النماء المشاركات: 514	عادات غـريـبـه و غـبـيـه وعربجيه مانقدر نتركها !!! خواطر عربجيه تحملوها لأنها ما تجي إلا عند النوم يعني أفهموها على الطاير بصراحه عن نفسي يخطر في بالي مواضيع كثيره ومواقف تستاهل الكتابة لكن عيبي انه افكار وبناتها مايجوني الا اذا حطيت راسي على المخدة وسميت بالله ونويت المنام يجون طايرين تقول شياطين وهي وبناتها يقعدون فوق راسي وانا عيوني واقول خلاص هالموضوع بكتبه واقدمه للشباب في المنتدي وما اصبح اصبح الا ويروح كل شي ولا عاد اذكر شي من الفكره واحقد على افكار وبناتها لكن مره سويت فيها ذهين ولعبت عليهن حطيت بجنبي ورقه وقلم واول ماوصلن زي العادة وانا اللي اقوم بكتب الافكار اللي هن يقولن لي مادريت الا وهن الخبيثات ماخذات الورقه والقلم ومغبينهن عني لكن ابشركم صدنا كم فكره وجمعتهن منا ومناك ووجلست اطقطق بالكيبورد عليهن لين ماطلعن موضوع وكاله في الحقيقة مافيه موضوع بالمعني اللي يدور في اذهانكم لكن هذا الله مير يسلمكم جلست في ضحويه بالبرنده واشرب من دلة القهوه قرطوع جلست افكر في حاجات غريبه واسئلة غبيه في انفسنا يعني حاول انك تلاحظ نفسك فيها او من حولك لكن انتبه تراك بتتعب وانت تجمع هالملاحظات تحس انك نفسيه بعض الناس عليه اسئلة غبيه مالها داخل او موضوعه غلط بالمره تخيل واحد يتصل عليك وانت جالس في مطعم او كافي ويسألك وينك ؟ طبعا راح ترد عليه وتقول انا في الكافي وان كانك ماتبيه تقوله قريب وش تبي المهم بعد الحاح طويل بتقوله انا في كافي شوب يقولك : طيب وش تسوي ؟ بكل بساطه بترد عليه : جالس احلق سكسوكه بحكم انك سعودي فهذا ردك يعني واحد جالس في كافي شوب وش يسوي يعني اكيد جالس يتقهوه والله تحس انه سؤال غبي عموما لاحظ على نفسك هالعادة اكيد انت دايم تسمعها ودايم ترددها على اللي حولك والمصيبه الثانيه والطامه الكبري انك اذا انت تسولف مع اي واحد تعرفه او ماتعرفه وانتم واقفين لازم تشوفه حاطن يديه على المنطقة الحساسة وتلقاه جالس يمعط في سرواله ليش انا ما ادري ؟؟؟؟ لكن لاحظها في كل واحد توقف معه اذا انت جالس في مطار او مستشفى وماسك سرا تنتظر دورك لابد ماتشوف واحد جالس يعفط خشمه والا واحد يدخل اصابعه في اثمه ويجلس ينظف سنونه قدامك والمشكله اذا طلع شي من بقايا الطعام يجلس يطالع فيها قدامك ثمن يدخلها مره ثانيه في فمه حشى ماتقول ادمي تقول بقره تجتر نفيع انا مايقهرني الا العجز اذا راحن للعروس ماغير تقلب عيونها في بنات الناس وتجلس العجوز تطالع في البنيه من فوق الين حدر والبنت تستحي تلتفت على هالعجوز تشوف وش تبي والمشكله العجيز اتديبش ماغير تطالع في البنت وش في لابسها وياماجت قدامها وياما راحت من وراها الى درجة انها لازم تشوف وش نوع قطع البدي الداخلي وكم مقاسها والبنت ملبده ماتقول ولا كلمه واذا خلصت العجوز من المناظر التفتت على البنت وقالت وع مالت عليك طيب يومها وعه وش بلاك تناظرينهابغيتي تاكلينها بعيونك الله يشبص مناخرك والا العجوز وسيعت الوجه ماعندها سنع ولا ذرابه، الكلمه اللي بقلبها على لسانها وماعندها باحد تجيك بنيه فرحانه بفستانها ومتكشخها الحين وينها عند روحها وهي لابسه فستان بدون اكمام مزلط والبنت ياحبيلها جايه تسلم على الحريم وتجيك هالعجوز تنط بحلقها وتقولها بصوت عالي قدام الناس : يابنيتي (( لاحظو المقدمه علشان تنحرج البنت وماترد عليها )) يوم انك لابستن هالمقطع وراها مانتفتي اباطك والبنت اول ماتسمع هالكلمه تستحي هالمسكينه تروح تجلس مكانها وهي لابستن عباتها والعبره خانقتها والمشكله ان ابطها منتوف الين غدى تقول صلعة احمد بدير لكن بعض العجز مايتركن العيارة والطنازه متئصله فيهن . وعندك بعد القراويه ثلاثه مايتركونهن لو تطورو : لو صار ماصار لو عاشوا في اوروبا والدول المتقدمه مايتركونها عندك (( ناه الطيارة . وحطت الخبزة على الفخذ . وكل ....... )) هذولي مايتركونهن ابد وبعض الناس اذا شاف شي لازم يعرف وش هو . يقعد يغثك الين يعرف وش اللي معك والا ترا راسه بيعوره المهم يعرف علشانيخف هالصداع اللي عنده واذا بغيت تتأكد من هالشي اجلس سولف مع اي واحد قله مادريت عن فلان ثم وقف وقله اوه معليش انسى الموضوع مايخصك ماتدري الا وهو ناط بحلقك والله ان تقول وش الموضوع ويجلس اليوم كله يلزم عليك ويغثك بالتلفون والا يطق باب بيتكم المهم يدري عن السالفة حتى لو مافيه سالفة لازم يحط سالفة .