 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
21-08-2009, 03:52 PM
|
#1 |
|
عـضـو
تاريخ التسجيل: Feb 2008
المشاركات: 441
|
اكسكيوزمي , بلييييييييييز , إدخل الموضوع !
السلام عليكم ورحمة الله وبركاته يالله إنك تصبّحهم _ تمسّيهم بالخيرات والمسرّات والبركات وتوفّقهم لصيام شهر رمضان وقيامه وتعينهم وتتقبّل منهم إخواني كما تعلمون أنه يوجد في الحياة أخ لك لم تلده أمّك وهذا ماعايشته . لي ولد عم أشبه مايكون بتوأم الروح , فخروجنا للدنيا في زمن متقارب وعايشنا زمن الطفولة سويّا , فكنّا جسدين في روح واحد ( نقرّب التلغراف ؟) الموهم أبختصر المسافة وأبعطيكم الزبدة قبل ماتملّون عندما انتهى توأم روحي من دراسته الجامعية بعد كلل وملل وجد واجتهاد قرّر إنه يروح ياخذ لغة انقليشية في أحد البلدان عاد أنا بيني وبينكم من زمان ونا ناوي أخذلي لغة عشان أعيش مع العالم واللي خلّاني أجزم هو موقف حصل لي مع أحد أصدقائي في أحد سفراتنا مرّة من المرّات نتمشّى بالأسواق ومبسوطين ولحد يلومنا , لأنه مسموح دخول الشباب عاد يوم ملّينا من الفرفرة بالأسواق حبّينا نريّح ونجلس بالكوفي ونشرب لنا استكانة شاهي عاد حق الطلبيات ( مدري وش يسمّى؟ , قمة الوفاء للغة العربية ) أنا بصراحة متوقع اللي راح يجيب لنا الطلب رجّال شرواكم ياشباب ( شرواي الطيب) لكن حدث مالم يكن بالحسبان لعلّه جتنا بنوتة أسيوية شرواكم يابنات ( شرواي الطيبة) يوم أقبلت علينا وجابت المنيو ولعلّه ماتتكلّم إلا انقليش وحنا عسانا نتكلم عربي عاد جلست أقلّب المنيو لين حصّلت الشاهي والله وأغز عليه بإصبعي عاد تبي تسألن عن السكّر وسط ولا زيادة حبتين لعل خويي قاله : ( ثانكس ) ماحفظ غيرها ويحسبها راح تمشي في كل الأحوال هالموقف اللي حصل خلّاني أفكر جدّيا إني أخذ لغة وأعيش مع العالم عاد يوم فكّر ابن عمّي ياخذ لغة وطلب إني أروح معه وناخذها سوا فعلا رحنا بعد ما استخرنا ربّنا لأحد البلدان المجاورة حولك حواليك عاد كل واحد سكن مع عائلة , ومن حسن حظّي على غير المعتاد إنّ العائلة اللي سكنت معهم قمّة في الطيبة والتسامح واللباقة والبساطة أمّا العائلة اللي سكن معهم ابن العم ماهنا أقشر منهم بحلّ يالعسكرية عندهم نظام يمشون عليه وقوانين صارمة والضحية رفيق دربي المسكين تخيّلوا موقف ولد العم متعوّد على الفوضى والسربتة والسهر بديرته وفجأة بدون مقدمات يجد نفسه بين أسرة حازمة ومن ضمن القوانين إنه مايصير الساعة 9 مساء إلا وهو محضّر بالبيت وأيضا ينظّف مواعينهم ويغسّل ملابسه الخاصة يعني بالعربي ( إخدم نفسك بنفسك , بس هم ماخلوه يخدم نفسه زوّدوها حبتين) أما أنا فماعندي أي مشكلة أروح متى مابغيت وأرجع للبيت متى ماملّيت بس أنا عندي مشكلة إن عائلتي الطيّوبة أجبرتني على شرط أساسي وهو إني لازم أخد شور يوميا , بعد ماكنت أتروّش بالإسبوع مرّة لصلاة الجمعة وفيه مشكلة عويصة , إذا خلّصت من الشور لازم أخلّي بوبي ياخذ شور وبوبي هذا الله يسلمكم , كلب العائلة الله يكرمكم ومن قال يكرم عاد هو بصراحة ينرفزن عند كل ترويشة لأنه بصراحة بليييييييييد عاد مرّة من المرّاة كل ماجيت أحط الشامبو براسه يحرّك راسه عاد الصراحة ضاقت بي الوسيعة , أخوي الصغير وهو أخوي ماروّشته يوم أزعجن بتحريك راسه , والله وأصك الشامبو براسه بكل ما أوتيت من قوّة لعله بدا الكلب الله يكرمكم من الوجع يطلّع أصوات عاد عند العائلة كل شئ يهون إلا إهانة كلبهم ( هذا ما أهانه , نشّب الشامبو براسه)! في هذه اللحظات جت عندي العجوز تراكض وتصارخ ( بوووووووووبي ’ بووووبي) لكن الحمد لله ماجاني شي واجد بس جلست يوم كامل عقاب بدون أكل مع تنظيف مواعينهم وصحونهم وإعطاء شايبهم مساج صباحا ومساء لمدّة أسبوعين وشبكوا إشتراك الكهرب بخشمي لين عرفت إن الله حق ورجعنا إلى أرض الوطن بعد رحلة ممتعة وشيّقة عايشنا فيها كل المواقف من مضحك وحزين وغريب وكانت نتائج الرحلة عند ولد العم إيجابية ’ فقد تعلّم اللغة بإتقان أما محدّثكم فما عرف إلا يييس ونوووو وبليييييييييز ونو بروبلم , ودونكي ( من كثر مايقاله) وقبل الختام : أحب أن أنوّه للجميع بأني لست ضد تعلّم اللغة الإنقليزية بل على العكس تماما فتعلّمها مطلب ضروري لاسيّما بأنها ستنفعنا مستقبلا ولكن ما جعلني أجزم بكتابة هذا الموضوع من يتكلم بكلمات إنقليزية في بلد يتكلّم باللغة العربية وإليكم ماحدث لي شخصيّا في أحد المطاعم وبالتحديد مطعم كنتاكي وبعد انتهائي من الطلب جلست أنتظر الطلب حتى يجهز , فإذا به ينادي أحد الجالسين على الطاولة ينتظر طلبه فقام الشاب لأخذ طلبه , عاد أنا رحت للطاولة اللي موجود فيها الشاب عشان أتصفح الجريدة لعله قالي الشاب : اكسكيوزمي ( عاد أنا إلتفت لمّه ونا مدري وش يبي بالضبط ؟) مدري هو يسبّن وإلا يقول مع السلامة , لعله يقول تراني ماخلّصت من الجريدة لو سمحت ! والغريب إن الهندي يتكلّم معه بالعربي وهو يرد عليه بالإنقليش ( ثانكس واكسكيوزمي ) خلاصة الموضوع : إجعل حديثك باللغة الإنقليزية عندما يستدعي ذلك أمّا في بلد يتكلم فيه باللغة العربية , فلا حاجة لنا بها وفي الختام تذكير بأن القصة ليست من واقعي بل نسج من خيال الخيال أرق التحايا والتقدير مجنوون بريده |
|
| الإشارات المرجعية |
|
|
النمط الأحادي